Luke 6:21 - Sumi Naga CL (Re-edited) Bible (BSI)

²¹ “Nongu khunono itehi müzüthi ani keno akümghapue, kughengu nongu ghapiqi tsü nani. “Nongu khunono itehi mloqa ani keno akümghapue, kughengu nongu ye alovi nu nani.

BAIBEL (BSI)

²¹ ‘Nongu itehi muzuthi akeqo kumghae; nongu ghapiqi tsulu nani: Nongu itehi qa akeqo kumghae; nonguno nulu nani.

Sümi Tiqhelimi Bible

²¹ Müzüthi akemi kümghae, kughengu nongu ghapiqi tsü nani: Nongu khunoqo no itehi qa ani keno akümghae; kughengu nongu ye nulu nani ke.

Luke 6:21 Iomraidhean Croise

BOTHUBO 17:17

Tileno Abraham no pa gi pishiqhope nuuve no pa likhi pa pütsa ghi pi, “Ampe aqhe shive kemi lau anu punulu nani keshea? Ampe lhotoku shive keu Sarah huye anu mishilu nani keshea?”

BOTHUBO 21:6

Eno Sarah no pi, “Alhou no I pelo nu lupe; kughengu khukhumu hi chilu keu ye I gholono nu nani.”

LESHELE 107:9

Kughengu Pa no mlominyi keu ngulho ghapiqitsü cheni, eno Pa no thime kiviqo pesü müzü-tüghü shikeu ngulho shepichhi tsü cheni.

LESHELE 119:136

I nhezü no aghoki toi qoani, kughengu timi no O yezah pape movae.

LESHELE 143:6

I no O lau I u sükho ke; qhaike yeghi toi I ngulho no tüghüthi O phu cheni.

LESHELE 17:15

I ghengu ye, I no achipiu mikucho lono O gilo juni; kughou I no ithughini keno, O kimihi lono I ghapiqi luni.

LESHELE 28:7

Ampeu ye I kumto eno I züto ke; I mlo no Pa pükhü ani, eno ni ye akukuphu ithuluvae; I mlo lono aloviqhiyi ani, eno I le kungo pesü Pa shikimthi ani.

LESHELE 65:4

O kungo-a lo ngo penike Nono khuu kishelu eno kupunu saghini keno pano lokivipue! O kilo akivi eno O chineki lo akimthe ghenguno ningu ye aghaqilu nani!

ISAIAH 25:6

Aqokitikhi MPEU no naghuto hipau lono ashiaye kümtsü sala kinikülü chuqupu atsaizü akiviu ghulhu kutotsü nani.

ISAIAH 30:19

Nongu Zionmi, Jerusalem lo küami ye mloqa moae. Nongu no kuchou no Ampeu lau ighamku kelo Pa no küpüqhiyi nani. Pa no ti chilu kemtsa nongu khochile nani.

ISAIAH 66:10

“Jerusalem gholo alovilo eno li gholo alopiqi lulo; nongu li kimiye chekemi; li sasü alovi küqhalo, nongu li ghenguno mloqa chekemi;

JEREMIYA 13:17

Ikemu nono inimo aye, o qheküza ghenguno I ngulho no tuqhou no qa nani; I nhethi lono kukhukimji shi anhezü ipeghi qa nani, kughengu AMPEUw timi loji ye akughu lo sawuveni ake.

JEREMIYA 31:25

Kughengu I no qeinaive kemi eno kulhokughomi ghapiqi tsüno aghüthi püxütsü nani.”

JEREMIYA 31:9

Panongu no qasü ighi nani, I no panoqo saghi kelo kimiye tsü penike qhüiniju nani, I no panongu sasü aghoki phivi lono chewu nani, panongu no akümzü la lo küpxamo no wunani, kughengu Ni ye Israel Papu eno Ephraim ye I nu anoghiu ke.

JEREMIYA 9:1

O, I kütsü no azükikhe, eno I nhethi no azüpuki shi aghike aye, Iw timi ghiqhive keqo ghenguno putho pucho qa ani cheke!

EZEKEL 7:16

Tsala khuana ghülu kemi no pokalu aye, panongu ye naghutoqo lo wuve nani, akhila lo amiqhi toi panongu milakhikhi no pütüta kipimi ghenguno mloqa nani.

EZEKEL 9:4

Ampeu no Pa vilo pi, “Jerusalem mishighüna qha kuchopu wulo, eno khunoqo no tile aphikümqhüpu shikeu ghenguno akümza eno amloghuju shi ani keno panoqo kishe lo amchipu lakhi shipuku lo.”

MATTHEW 5:4

“Khunono mloqa cheni keno akümghapue, kughengu panongu lokughuno tsünani.

MATTHEW 5:6

“Achipiu mikucho ghenguno khunono müzü tüghü cheni keno akümghapue, kughengu panongu ye aghaqi qhiyilu nani.

Luke 1:53

Pa no thime kivi pesü athokhami tsüvae, eno kupukuno shi akemi ye Pa no au kümsa puwuvae.

Luke 6:20

Tishino pa no akhopemi lau jupuwo no pi: “Nongu khunono kumlhomi keno akümghapue, kughengu Alhou yekipe ye nonguw ke.

Luke 6:22

“Kughou Timi Nu ghenguno timi no nongu mithini, eno nongu hapheve no thaigha ghi atichepu shi nongu juaje shitsüni keno, nongu ye akümghapue!

Luke 6:25

“Nongu khunono itehi yele-qole ani keno ahasapue, kughengu nongu ye müzü tüghü nani. “Nongu khunono itehi alovi nu ani keno ahasapue, kughengu nongu ye mloqa nani.

John 11:35

Jisü no qa.

John 4:10

Jisü no li khochile, “Alhou no agho tsükeu nono ithi aghi, eno o vilo, ‘Azü I piyelo’ ipi akeu ithi aghike aye, no ye pa vilo aküxüpu zü khuniche eno pa no o tsüniche.”

John 6:35

Jisü no panoqo vilo pi, “Ni ye aküxüpu shoke, khunono I lau ighini keno müzüthi monani, eno khunono I pülüni keno khilemu tüghüthi monani.

1 Kor. 4:11

Itehi kutolo ningu ye müzüthi tüghüthi ani, ningu ye aphimini küixü pepu, ningu heqhi-buqhi eno kupokichemi shiani,

2 Kor. 11:27

ghichheghime lo ghuthu kutomo zühu püamoe, amzü atüghü lo ghuthu kutomo achuqupu ithulu püamoe, akicheqho kühano aphikümsa shipe püani.

2 Kor. 12:10

Ikehu Khristo ghenguno miqemlei keu, thaigha keu, aghime, kijipüsa keu, eno amhekiqi sholu kelo ni ye aloqiqhiyi cheni. Kughengu kughou I no miqemlei ani keno, tileno ni ye mtotoilu cheni.

2 Kor. 6:10

amloime ketoi anamu alhokuthu alovi cheni; kumlhomi toi anamu timi kutomo pesü kinimi shitsü cheni; kiumu küha ketoi keghi thokha kümtsü acheni.

James 1:12

Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

Piyeküsü 21:3

Kükalakhü lono asütsa kuloghi lakhi no pikeu I no chilu, “Julo, Alhou no achekeu Phiki huye timi gholo auvae. Pa no panongu sasü xü nani eno panongu no Paw timi shi nani, eno Alhou ampi no panongu Lhou shi pano gholo xünani.

Piyeküsü 7:16

Panongu ye müzüthi, tüghüthi keu mu shimoae, khetsünhe momu kiu külü nomu panongu phuqhi lumoae.