Luke 6:13 - Sumi Naga CL (Re-edited) Bible (BSI)

¹³ Kughou atsala ipeghi keno, pa no akhopemi kukütsü no panongu dolono chighikini kishephe, eno tipaqo pesü apostolmi ipi kuvetsü:

BAIBEL (BSI)

¹³ Atsala ipeghi kethiu pa papekichemiqo kulu eno panongu gholono chighi kini kishelu, pano tipaqo pesu Apostolmi ipi kuvetsu.

Sümi Tiqhelimi Bible

¹³ Kughou inaqhe shive keno pa no pa pape chekemiqo ku eno panongu chighikini kishelu, pa no tipaqo pesü Apostolmiqo ipi kuve tsü:

Luke 6:13 Iomraidhean Croise

MATTHEW 10:2

Apostolmi pano chighikini je ye: atüghüshi, Simon, khuu Peter ipiche keno, eno pa thiküzüu Andrew; Zebedee nu James, eno pa thiküzüu John;

MATTHEW 19:28

Jisü no panoqo vilo pi, “Kuchou no I no nongu vilo piani, ayeghiqha kithe lo kughou Timi Nu no pa juküvü lakhü lo iqani keno, nongu I pape chekeqo ghi kükalakhü chighikini lo iqa no Israel shiaye chighikini shou küghathabe nani.

MATTHEW 9:36

Kughou pa no aqokitikhi ithulu keno, panongu ghenguno pa mlo ighiqhiyive, kughengu panongu ye akheu kühakeu mbeloji toi pishipiyi eno akukuphu kühano ae.

Mark 6:30

Akhopemi no Jisü lau ideighi no panoqo no mlalu eno shika keu kümtsü pesü pa vilo pi.

Mark 6:7

Tithiu Jisü no akhopemi chighikini kukütsü no mithekumo ghawuqo shou tolu penike kükagha betsü no mikini-ni puwu.

Luke 11:49

Tighenguno Alhou Lokütsü no highi pike, ‘I no panongu lau tungkupmi ngo apostolmi puwu nani, tipaqo dolo khami ye panongu no pithive nani eno khami kijipüsa nani,’

Luke 22:30

Tishikeu lono nongu no I kükaqha lo chusholu eno kükalakhü lo iqa no Israel shiaye chighikini shou küghatha nani.

Luke 6:14

Simon, khuu Peter pesü kuvetsü keno; eno pa thiküzüu Andrew; James ngo John; Philip; Bartholomew;

John 4:33

Ikehu akhopemi ye lakhino lakhi vilo iniju, “Khuana no achuqupu süwo pa tsüve keo lae?”

Apostolmi 1:13

Panongu no ighi no kunguu chebo lo ikuve, Peter, John, James, Andrew, Philip, Thomas, Bartholomew, Matthew, Alphaeus nu James, Zealot mqo lomi Simon, eno James nu Judas.

Ephesiami 2:20

Nongu ye apostolmi ngo tungkupmi no aboqha ghotsü keu lono shiqhe puku keu kiae, Khristo Jisü ampi no atsükupu tuqu shino

Ephesiami 4:11

Pa no timi khami pesü apostolmi shitsü, khami no tungkupmi, tsavipemi, Pastormi, eno shikükami shitsü,

IBRIMI 3:1

Tighenguno, küpülümi athiküzümiqo, nongu khunono kungugha saje kulumi shive akeno, apostol eno achinetou Jisü, niw pikiphe küpülü lau jupukulo,

2 Peter 3:2

ike nongu ye akimthe tungkupmi no pichho tsükeu eno nonguw apostolmi no Ampeu eno Xakuluu zakütsü pesü tsükeu kümsüchilelu masae,

Piyeküsü 12:1

Tishino atsütsü lo amchipu kije lakhi ipeghi: totimi lakhi no khetsünhe pepu, apukhu no aqhi nepe no ayepu chighikini pesü dakeu kütsükuqho xapu aghi.

Piyeküsü 18:20

O kungugha eno nongu küpülümi, apostolmi ngo tungkupmiqo, li jupe alovilo, kughengu Alhou no nongu saphu no li shou küghakütha bevae!”

Piyeküsü 21:14

Aphughi liwo ye aboqha tu chighikini shou shipuku püa, eno tipaqo lo aje chighikini yepüa, ti ye Ambetiw apostolmi chighikini je ke.