Luke 5:34 - Sumi Naga CL (Re-edited) Bible (BSI)

³⁴ Pa no khochile, “Nongu ye külapuu no pa poshumi gholo apülaghi panongu pelo kümvü lupe nani keshea?

BAIBEL (BSI)

³⁴ Jisu no khochile: “Nonguye akukulalo kukusumiqo pelo kulapuuno panongu gholo aphi loghi kumvu ape nani kesha? Khilemu tishi moe!

Sümi Tiqhelimi Bible

³⁴ Jisü no khochile, “Nongu ye külapuu küsàmiqo pelo külapuu gholo ngo aphi lono kümvü peni keshea?

Luke 5:34 Iomraidhean Croise

ALE KIMCHI 5:8

O Jerusalem lo ilimiqo, nongu no I qhuu phulu aye, ni ye kikimiye küsü no thiqhi anipi pa vilo pitsüni keu shoqhi shilo.

ALE KIMCHI 6:1

O totimi gholo shishe ajukiviu, o qhuu ye khila wuve akea? Nino o sasü phunike khiküdau wuve kea?

ISAIAH 54:5

Kughengu o lhokeu huno o kimi shivae, Pa je ye aqokitikhi Mpeu ke, Israel Lhou akimtheu no o xakuluu ke, Pa ye ayeghiqha Lhou kepi Pa kucheni.

ISAIAH 62:5

Apulhothe lakhi no ililhothe sasü külau ketoi, o punoqo no o sasü küla nani, eno külapuu no paw külaliu jupe alokivi shi ketoi, o Lhou no o shou alokivi shi nani.

ZEFANIA 3:17

Ampeu o Lhou no o gholo ani, akughushuu, xaluni küau no alokivi shi o jupe amloqi; eno nono Paw kikimiye lo iqünhei lunani; Pa no igha alephe o jupe alovi nani.

MATTHEW 22:2

“Kungugha yekipe ye kükami lakhi no pa nu ghenguno külakupu ghulhu kutotsü ketoi ke.

MATTHEW 9:15

Jisü no panoqo vilo pi, “Aküküla lo kusü kemi ye külapuu no panongu gholo ngo apülaghi amloksa shini keshea? Ikemu panongu gholono külapuu sawuve kepu tsala ighi nani, tileno panoqo no kümvü nani.

Luke 5:33

Panongu no Jisü vilo pi, “John khopemi ngo Phariseemi khopemi ye papashi kümvü eno akighini shi cheni, ikemu o khopemiu ye chusho achenie.”

Luke 5:35

Ikemu kughou kela panoqo launo külapuu sawuve kepu tsala ighi nani, tileno panongu no kümvü nani.”

John 3:29

Khuu no külaliu sa ani keno, pa no külapuu ke; külapuu küsau khuu puthugho no atsa ini cheni keno, pa no külapuu sütsa chilu no shishe alovi cheni. Tihutoi itehi I lokivi hipau ye kupu luvae.

2 Kor. 11:2

Ni ye aküpülü lono nongu ghenguno anheshu ani, kughengu athathelimi lakhi pesü akimi lau küsükha tsü keshi ni ye nongu sawo Khristo tsüniye shike.