Luke 4:6 - Sumi Naga CL (Re-edited) Bible (BSI)

⁶ eno pa vilo pi, “Hi qhasülu kepu kükagha eno ajekipi kümtsü pesü I no o tsüveni, kughengu ti ye kulhuqhipe I u lo süve tsüae, eno I no khuu pulo keno tsü nani.

BAIBEL (BSI)

⁶ eno pa vilo pi, “Ino hipaqo kuka eno ajukuvu kumtsu pe otsuvenie, kughengu hiye ikhiphepe itsu puani eno ino khu khumu tsunishikeu tsuluvi.

Sümi Tiqhelimi Bible

⁶ Eno tüghami no Jisü vilo pi, “I no panoqo kükagha eno qhivütsüni akeu kümtsü O tsüní; hi kümtsü I tsüpe püani eno I no khukhumu tsüní shikeu tsüluve nani ke.

Luke 4:6 Iomraidhean Croise

ESTHER 5:11

Haman no pa küakini hukülü ghili, pa nuliqo, akükau no pa gihu keu shi pa xaqhe keqo, eno kishi pa no pa ampi pesü akükauw hiyampemi ngo aqemi kümtsü nguno akiqheu lo süqhe keno tipaqo panongu vilo pi ae.

ISAIAH 23:9

Aqokitikhi MPEU no aqheküza ajekipi ikhivetsü, eno agigihu küami shikujo niye kughuke.

ISAIAH 5:14

Hi ghenguno Kithigha no pa müzü-tüghü alau shiuve no pa kichi mkukithe ani, Jerusalem lo mbumghu alovi chekemi kijemi ngo aqokitikhi kümtsü tile ilove nani.

Luke 4:7

Ikehu nono itsaqi I mlla aye, ti kümtsü ow ake.”

John 12:31

Itehi ye hipa yeghiqha shou küghakütha ghulokiae, itehi ye hipa yeghiqha yepeu haphe kepu ghulokiae.

John 14:30

Ni ye nongu sasü ado kushuo nongu pütsa moae, kughengu hipa yeghi yepeu cheae. Pa ye I shou aküka kiumu küha,

John 8:44

Nongu ye nongu papu tüghami laumi eno nongu papu gho-apulou shitsüni keu no nongu pulou ke. Pa ye abothu lono ghikiqhiu, eno kuchou küdau aju mphi kughengu pa lolo kuchou kühake. Kughou pa no mikini keno ti ye pa lhoaye kuchou piye ani, kughengu pa ye akimkiu eno akimki kümtsü papu ke.

2 Kor. 11:14

Akümza akepu kühae, kughengu Satan ghi aküvü lo kungumi ghilishi cheni.

Ephesiami 2:2

Ti ye hipa yeghi lo küxü la pape, amülhü lo aghawu küka pape, itehi hekibidemi nuli lau mla akeu ghawu pape chenipi

1 Peter 1:24

kughengu “Timi kümtsü atsüni toi, eno pano jekipi huno atsüni kupu toike. Atsüni no ighüive cheni, eno akupu no ighiqive cheni,

1 John 5:19

Ningu ye Alhou laumi kepi nino ithi ani, eno ayeghiqha ye kümtsü alhoksau küka qholo ani.

Piyeküsü 12:9

Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.

Piyeküsü 13:2

Tüghashi tipau ye akhighiu ngushuu mihi; apukhu no ava pukhu toi, eno akichi no abongshuu kichi toi. Dragon no pa kumto, pa kükalakhü eno kükagha kuloghi pesü tüghashi tsüve.

Piyeküsü 13:7

Itaghi tipau pelo küpülümi shou aghü küpüghü no toluve penike azah tsüve. Ashiaye jeli, timi mqo, atsa eno shiyeqo shou aküka peithalu penike azah tsüve,