Luke 4:34 - Sumi Naga CL (Re-edited) Bible (BSI)

³⁴ “O Nazarethmi Jisü, no ye ningu lau kiu shikepu ani kea? No ye ni kütsave niye ighive akeshea? Ni ye no khuu keno ithi ani—Alhouw Akimtheu.”

BAIBEL (BSI)

³⁴ “O Nazaret no ghami Jisu, noye ni pelo kishive peniye kya? Noye ningu kutsanike ighi ani kesha? No khuu keno ino ithi ani, noye Alhouw Akimtheu Lakhi ke.”

Sümi Tiqhelimi Bible

³⁴ “Wuvelo! Nazareth nó ghami Jisü, no ye ningu lau no kiu avehupu shi ani kea? No ye ningu kütsave niye ighi ani keshea? No ye khuu keno I no ithi ani—no ye Alhou’w Akimtheu hu ke!”

Luke 4:34 Iomraidhean Croise

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

KUKAMI ATUGHIU 17:18

Li no Elijah vilo pi, “O Alhou timi, no ye I shou kiu shi ani kea? No ye I pelo I xine kümsüchile luno I nu pithive niye I lau ighi anino lae!”

LESHELE 16:10

Kughengu No ye I ngulho pesü Kithighau qhitsümo nani, momu Ow timi pelo shiküpsa ithulu pemo nani.

DANIEL 9:24

“Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

MATTHEW 8:29

Paikhavi pama no igha thuve, “O Alhou Nu, no ye ni lau kiu shikepu ani kea? Ado tomphi lono no ye ni ghimeni ke ighive akeshea?”

Mark 1:24

“O Nazarethmi Jisü, no ye ningu lau kiu shikepu ani kea? No ye ni kütsave niye ighive akeshea? Ni ye no khuu keno ithi ani—Alhouw Akimtheu ke.”

Mark 1:34

Ikehu pa no aküsü jeli xapusü akemi kutomo shipivi tsü, eno tüghaküsa kutomo hapheve tsü. Ikemu pa ye tüghaküsaqo pelo atsa pilu pemoe, kughengu panoqo ghi pa ithi ake.

Mark 5:7

Eno asütsa kuloghi lono ighamku pi, “O Shishe Akiqheu Alhou Nu Jisü, no ye I lau kiu shikepu ani kea? I no Alhou je lono o qhüiniju ani, I ghime tsü kevilo.”

Luke 1:35

Kungumi no khochile, “Aghungu Kimthe no o shou ikughi nani eno Shishe Akiqheu küka no o nhape ngo nani; ikehu anu punu niye akeu ye Alhou Nu akimtheu ipi ku nani.

Luke 4:33

Timi lakhi mithekumo ghawu no sa-akeu sinagog lo ake pa no asütsa kuloghi shi ighamku,

Luke 4:41

Timi kutomo philo tüghami akeqo no, “No ye Alhou Nue,” ipi ighasü ipeghi. Ikemu pa no tipaqo lomipi no atsa pi pemoe, kughengu panongu ghi pa ye Messiah kepi ithi ae.

Luke 8:28

Pa no Jisü ithulu püzü ighamku pa zülo ikiqive no asütsa kuloghi lono pi, “O Shishe Akiqheu Alhou Nu Jisü, no ye I lau kiu shikepu ani kea? I no o qhüiniju anike I shikughuju kevilo.”

Luke 8:37

Gerasenes ngo tipa cheaxü lo küxümi ye akümsa no chhitoive kehu kümtsü no Jisü vilo pano launo wuve tsülopi qhüiniju. Tighenguno pa no idewove niye ashuka lo ikuve.

Apostolmi 16:39

Ikehu panongu no ighi no pama vilo akipimi khu. Eno pama saipeghi no mishighüna qhive tsülopi qhüiniju.

Apostolmi 2:27

Kughengu No ye I ngulho pesü Kithigha lo qhivemo nani, momu Ow Akimtheu pelo tsümave keu ithulu pemo nani.

Apostolmi 3:14

Nongu no Akimtheu eno Amikuchou milive no ghikiqhimiu kuqhophe tsülopi khuluve.

Apostolmi 4:27

kughengu kuchou no aphughi hipau lono Herod ngo Pontius Pilate pama, eno Jewkumomi ngo Israelmi no hekütsüpe Nono nukishe keu O qeu akimtheu Jisü mjochile ke.

IBRIMI 2:14

Ikehu atianuliqo no ashi eno aji xapu aketoi, pa ampi ghi panoqo kimihi shi thokha küsaje ke, tishianguno pa kithi vecheo tüghami khuu no akithi küka ache keno kütsave niye ke,

James 2:19

Alhou ye lakhi likhi kepi nono pülü cheni; ti ye aloe. Tüghamiu ghi pülü cheni—eno khokhoshi msa cheni.

1 John 3:8

Khukhumu axine kümla shiche keu ye tüghami laumi, kughengu tüghami ye abothu lono axine shisü ighivae. Alhou Nu no ipeghi keu kiqi ye tüghami kümlaqo kütsave tsüniye ke.

Piyeküsü 20:2

Eno pa no dragon khuu pesü tüghami eno Satan ipiche keno mulho pighi hu tsüqü luve no ampe qhethonhe ghenguno tsüghape,

Piyeküsü 3:7

“Philadelphia kukuhou lo kungumi lau yelo: ‘Akimtheu, Amikuchou, Khuu no Davidw khaqhiyi pecheni, Khuu no khaqhi aye khunomu khalu chemo, eno khave aye khunomu khaqhilu chemo keno Pa tsape.