Luke 22:17 - Sumi Naga CL (Re-edited) Bible (BSI)

¹⁷ Tishino pa no ajukhu ikhilu, eno shikimthi tsüno pa no pi, “Hi ikhilu lo, eno nongu dolo kijelu lo.

BAIBEL (BSI)

¹⁷ Tishino Jisu no ajukhu ikhiluno shikimithi Alhou tsuno pi: “Hi ikhilulo eno nongu kumtsu kumtsa showolo.

Sümi Tiqhelimi Bible

¹⁷ Tisheno Jisü no ajikhu ikhilu no shikimthi tsü ghi pi: “Hi ikhilu no nongu dolo kijélu lo.

Luke 22:17 Iomraidhean Croise

LESHELE 116:13

I no xakulu jukhu peqheni eno Ampeu je kuni,

LESHELE 23:5

Nono I ghümi nhethe lono I zülo aghulhu lüpa kutotsü; Nono thazü pesü I kütsü nutsü; I jukhu lo yele lesütsüe.

JEREMIYA 16:7

Khunomu asho süwo kithimi ghenguno mlo akemi lokughuno tsümo nani, pa puaza laumu alokughuno tsünike azü piyemo nani.

MATTHEW 14:19

Tileno timiqo vilo atsüni shou iqalo pi pa no azah tsüve. Ashopa pungu eno akha kini ikhipe pa no atsütsü lo jupuku no Alhou shikimthi tsü. Tishino pa no asho süphope pa khopemi tsüno akhopemi no tipaqo pesü timiqo kijetsü.

MATTHEW 15:36

pa no ashopa tsüni eno akha ikhipe shikimthi tsüno süphope pa khopemi tsü, eno akhopemi no tipaqo pesü aqokitikhi tsüe.

MATTHEW 26:26

Panongu no chusho akelo, Jisü no asho ikhilu, eno shikimthi tsüve kethiu ti süphope pa khopemi tsüno pi, “Hi ikhipe chulo, hi ye I phimpi ke.”

Mark 14:22

Panongu no aghulhu chu akelo Jisü no asho ikhilu, eno shikimthi kighini shive kethiu ti süphope panoqo tsü, eno pi, “Ikhilu lo, hi ye I phimpi ke.”

Luke 22:19

Tithiu pa no asho ikhilu, eno shikimthi tsüno pa no ti süphope panongu tsüno pi, “Hi ye khikhi nongu ghenguno tsüve keno I phimpi huke. I kümsülu ghi hi shilo.”

Luke 9:16

Pa no asho pungu eno akha kini ikhipe kungugha lo jupuku no tipaqo shou kükümgha inibe. Tishino pa no asho süphope aqokitikhi kijetsü penike akhopemi tsü.

Rommi 14:6

Khuu no atsala lakhi hu pini cheni keno Ampeu gigihu lono pini cheni. Thokha chuche keu ghi Alhou lau shikimthi tsücheni keke Ampeu gigihu lono chucheni, eno chuchemo keu ghi Alhou shikimthi püzü Ampeu gigihu lono chuchemoe.

1 Kor. 10:16

Kükümgha jukhu ningu no pesü shikimthi tsü chekeu ye Khristo ji gholo kutupo anike kumo? Asho khikhi ningu no süpho cheni keno, ti ye Khristo phimpi gholo kutupo anike kumo keshea?

1 Kor. 11:23

Kughengu I no kiu Ampeu launo ithulu keno nongu lau ghi pikülha tsü, ike Ampeu Jisü pesü thechuveke ji Pa no asho ikhilu,

ZAKINIU 8:10

Nongu no chuno apo sünheilu nani eno tileno Ampeu nongu Lhou no aghüma yeghi nongu tsüke ghenguno Pa shikimthi nani.

SAMUEL ATUGHIU 9:13

Nokujo no mishighüna lo iloghi kelo pa no qhemghaike-a lo chusho niye wumphi lono pa sholu nani. Kughengu pa no aghakishi kümghatsü masa keke pa ighi kumo züu ye timiqo ye chushomo nani; tithiu no khunoqo kusü püani keno panoqo no chusho nani. Itehi wulo, nokujo no lo-i pa sholu nani.”