Luke 21:8 - Sumi Naga CL (Re-edited) Bible (BSI)

⁸ Pa no khochile, “Nongu saküghüzüve pemoni ke jukutolo. Kughengu kutomo no I je lono ighi no pi nani, ‘Ni ye Pa ke!’ eno, ‘Ado huye ighivae!’ Panongu papewu kevilo.

BAIBEL (BSI)

⁸ Jisu no pi: “Jukuto alo, nongu pishive pekevilo. Kughengu timi kutomo ije lono ighi puzu, ‘Niye pake’ eno ‘Aghuloki hu tovae!’ ipi namu panongu papewu kevilo.

Sümi Tiqhelimi Bible

⁸ Jisü no khochile: “Khuu pelomu nongu pishiqhive pemo nike jukuto alo. Kughengu timi kutomo no I je lono ighino ‘Ni ye pa ke,’ eno ‘Aghuloki hu tovae,’ ipi pükha nani. Ikemu panongu pape wu kevilo.

Luke 21:8 Iomraidhean Croise

JEREMIYA 29:8

Aqokitikhi MPEU, Israel Lhou no ishi piani: Nongu gholo tungkupmi ngo atumumi pelo nongu pishiqhive pekevilo, eno panongu no pumo keu samo ini kevilo,

MATTHEW 24:11

Kichile tungkupmi kutomo ipeghi no timi kutomo saküghüzü nani.

MATTHEW 3:2

“Xaidelo, kughengu kungugha yekipe ye kupunuvae.”

MATTHEW 4:17

Hipa ghuloki lono huthusü Jisü no ishi kütsü thuve, “Xaidelo, kughengu kungugha yekipe ye kunupu khoivae.”

Luke 17:23

Timiqo no nongu vilo pi nani, ‘Huke julo!’ momu, ‘Hike julo!’ Khalau ipe kevi momu panoqo papewu kevilo.

Luke 21:7

Panongu no ighiju, “Shikükau, maye kughou no hipaqo shi nani, eno hipaqo shi kelo kiu michipu anani kea?”

Luke 21:9

Kughou nongu no aghükishi eno mishi no yepeka hebide keu sütsa chiluni keno msaichi kevilo, kughengu hipaqo paghi shimasa nani, ikemu ashekha ghuloki ye tipamtsa ighimo nani.”

John 5:43

Ni ye I Pu je lono ighi ani, ikemu nongu no ni ikhilumoe. Tsala kütami no pa ampi je lono ighi aye, nongu ye pa ikhilu nani.

John 8:24

I no nongu vilo pike nongu ye no xine lono thive nani, kughengu nongu no ni ye Pa kepi pülümo kelo nongu ye no xine lono thive nani.”

John 8:28

Ikehu Jisü no pi, “Kughou nongu no Timi Nu ikhiqheni keno, tileno nongu no ni ye Pa kepi ithi nani; eno ni ye kiumu I küka lono shichemo, ikemu Apu no kiu I shika keno ti likhi pichenie pi ithi nani.

1 Kor. 6:9

Amikucho kumomi ye Alhou yekipe ighimla nanie pi nongu ye mtha keshea? Nongu pishiqhipe kevilo: kipti-toti dolo mithekumomi na, ajulho kümllami na, küsalhami na, kiptimi no kiptimi sazü kemi na,

Ephesiami 5:6

Khunomu abokümsa tsa pesü nongu pishiqhipe kevilo, kughengu hipaqo ghenguno hebide kemi shou Alhou loghu ikughi cheni.

2 Thes. 2:3

Kiu gholau nomu khuana pelo nongu pishiqhipe kevilo. Kughengu kütsakungo nu, ayezah heküxau eno hekibideu paghi ighi moke kutolo Ampeu tsala ighimo nani,

2 Tim. 3:13

ikemu alhoksami ngo keghilishi kemi ye kütami pishikiqhi eno pano ampi ghi pishiqhi keu lono alhoksa shikithe nani.

1 John 4:1

Kimiye chekemiqo, aghungu jeli kümtsü pülü kevilo, ikemu tipaqo ye Alhou launo kemo keno ithini ke chhejulo, kughengu ayeghiqha lo kichile tungkupmi kutomo ipeghivae

2 John 1:7

Kughengu ayeghiqha lo pishikiqhimi, khunoqo no Jisü Khristo ye ashi phimpi xapusü ighie pi ikhilu chemo keno, tipaqo kutomo ipeghivae. Titoi kemi no pishikiqhimi eno kichileu Khristo ke.

Piyeküsü 1:3

Khuu no asütsa süqhe ghi tungkuptsa hipau phisüni keno akümghapu, khunono chiluni keno akümghapu, eno khunono tipau lo yepüakeu peluni keno akümghapue, kughengu ado ye kupunuvae.

Piyeküsü 12:9

Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.