Luke 21:34 - Sumi Naga CL (Re-edited) Bible (BSI)

³⁴ “Ikemu nongu ampi jukuto lo, tikumo aye ashi ghakiqipu, chumzü shomzü, eno ayeghi xülo kütakihi keu no nongu mlo qaqhipe ake lono tipa tsala hu züleno alichhe toi nongu lau ighi nosake.

BAIBEL (BSI)

³⁴ “Nongu likhi nongu jukuto alo! Chumzu shomzu eno hipa kuxu sala phukeu lono nongu mlo sunheqhi auve pekevilo, ipuzu tipa tsala zuleno nongu shou ikughi pe kevilo.

Sümi Tiqhelimi Bible

³⁴ “Tsaqütsalei lo, tishimo aye itho-igho, chumzü shomzü eno hipau küxü sala phu keu lono nongu mlo saqhiyive nani, eno tipau tsalà no alichhe lo kitimelu ake toi zülile no O phivilo ighi nani.

Luke 21:34 Iomraidhean Croise

BOTHUBO 19:32

Ighilo, nikujo papu pelo aji shove peni, eno nikujo no pa sasü züni, tishianguno nikujo no pa tikughuko tsünie.”

BOTHUBO 19:35

Ikehu pama no tipaji ghi apu pelo aji shovepe. Eno ayitiu no pa sasü züve, ikemu pa ye li no kughou no pa sasü züno ithuve keno mthae.

BOTHUBO 27:14

Ikehu pa no wuno tipaqo ikhiluve, eno pa za lau süghi, eno pa pu no kimiye cheke toi, pa za no achuqupu kivi kuto tsü.

LESHELE 35:8

Pa no mtha no akelono kütsakungo pa shou ikughive pelo! Eno pa no alichhe shipüa keu no pa meluve pelo; pa kütsave penike tipau lo ikiqi ilove pelo!

AHOLE 21:4

Tsütsüngoju keu nhethi eno aqheküza mlo ye kixikilami kulu, ti ye axine ke.

AHOLE 23:20

Shokümzümi momu mihemza chuche kemi gholo kuloji kevilo,

YETSAPIU 9:12

Kughengu timi ye pa do-aghuloki mthae. Akhame lo akha meluve eno alichhe lono aghau meluve ketoi, ado lhoksa lichhe no paikhavi timi meluve cheni.

ISAIAH 28:7

Tungkupmi ngo achinemi ghi aji kümka shopusü nanashi cheni; atsaijiu no panoqo munove akehu panongu ye anhetsü ghi zazashi, eno küghakütha lo ghi izüvui ke.

HOSIYA 4:11

alokütsü pühavetsü chekeu asalha, aji, eno aji kithe hipaqo lo azüküvü shi auveke.

ACHINE 10:9

“Kughou nongu no kuposhukulu phiki lo iloni keno, no shiaghi na o nuli namu atsaiji momu akümka ji sho kevilo, tikumo aye nongu ye thive nosae. Hi ye tiqheli kümtsü lo acheni keu pimheye shini.

MATTHEW 13:22

Asahuli lo vesülu keu piti ye Atsa chiluve keu timi, ikemu ayeghi lo küxü no azüküvü shiuve, eno küakini kimne no pishiqhipe Atsa hu ghüsüve, eno ti ye athi pithi move.

Mark 13:9

“Ikemu nongu ye jukuto khelo. Kughengu nongu küghape hoho u lo süvetsü nani, sinagog lono nongu heqhi nani, eno I je ghenguno nongu no angh ngo kükamiqo zülo thopimi shi puthugho nani.

Mark 4:19

ikemu ayeghi lo kütakihi keu eno küakini pishikiqhi ngo thime jeli kimne no iloghive no Atsa ghüsüve, ikehu ti ye athi pithi move.

Luke 10:41

Ikemu Ampeu no khochile, “Martha, Martha, no ye thime kutomo ghenguno nughüza ani,

Luke 12:40

Nonguu ghi kutope khe masae, kughengu Timi Nu ye nongu no lajumo keu tüqhüdo lono chenie.”

Luke 17:3

Tsükhüi shi nongu ampi jukuto lulo! O thiküzüu no axine shi aye, pa lomipi lo, eno pa no xaide aye pa kipimi qhivetsü lo.

Luke 21:35

Kughengu ti ye ayeghi lo küxümi kümtsü shou ighi nani.

Luke 21:8

Pa no khochile, “Nongu saküghüzüve pemoni ke jukutolo. Kughengu kutomo no I je lono ighi no pi nani, ‘Ni ye Pa ke!’ eno, ‘Ado huye ighivae!’ Panongu papewu kevilo.

Luke 8:14

Asahuli lo ikiqi keqo ye Atsa chiluve kemi, ikemu ayeghi xülou azüvü keu, küakini kimne eno ashi ghakiqipu küxü huno panongu no wuche keu la lono ghüsüve, eno pano xathi ye nimove cheni.

1 Kor. 5:11

Ikemu itehi I no nongu lau ye akeu ye hike: timi khuu no pa ye athiküzümi lakhie pi püzü kipti-toti dolo mithekumo shicheni, alamine, ajulho mlla, momu kütami thaigha, shomzü, pükaqhi cheni keno, timi tipau sasü kuloji kevilo—tikithipu ye sasü kuchu-kushomu shikevilo.

1 Kor. 6:10

küpkami na, alakimnemi na, shokümzümi na, thoküghami na, pükaqhi kemi namu, khumu Alhou yekipe ighimla nani.

Galatiami 5:20

ajulho kümlla, atumu, kimthikile, mtomshu, anhekushu, amlokighide, aghükha, kijetha eno kothakile,

ZAKINIU 29:19

Milakhi no hi puloshoqhi lo yepüa keu chilu no pa ampi kümghatsü ghi, ‘I no kuthovi ghi xüani kemu, ni ye sükusho qholo anie,’ ipi aghi aye, hitoi kemi ye akivimi eno alhoksami kümtsü aphiphishi joleve nani.

FILIPIAMI 4:6

kiu lonomu amlo kütakihi kevilo, ikemu thokha lo shikimthikütsü gholono akighini eno akupulo pesü Alhou lau qhüiniju lo.

IBRIMI 12:15

Alhouw küpükini lono tsüghüve monike kutokupuilo. Kukhukimji sütsünibo toi ipeghi no tipau tüghü no kütami shipüsalu nosake kutokupuilo.

2 Peter 3:10

Ikemu Ampeu Tsala ye küpkami toi ighi nani, atsütsü ye asütsa kuloghi shi igha no hauve nani, aqhi ayepu ye piti pühave nani, ayeghi eno tipau lo kümla jeli kümtsü aqha zülo pephe nani.

2 Peter 3:14

Tighenguno kimiye chekeqo, nongu ye hitoi keu tüqhüdo khe ani kehu, tukutiye kühano aloinoqhiyi ithulu penike azükini shi alo.

Piyeküsü 3:3

Tishi aye, nono kiu ithulu eno chilu püani keno kümsü lulo. Tipau pepimhe no xaidelo. Nono ithughimo aye, Ni ye küpkami lakhi toi ighi nani, eno kiu tüqhüdo lono I no o mjochile ighi nani keno no ye ithimo nani.

SAMUEL ATUGHIU 25:36

Abigail no Nabal lau ighi kelo, pa ye aki lo akükau lakhi ghulhu toi sasü aghi. Eno pa ye ighono shomzüve kehu amlo lo aloviqhiyi ae. Ikehu thanau tsütho moke kutolo li ye kiumu pa vilo pimove.