Luke 21:25 - Sumi Naga CL (Re-edited) Bible (BSI)

²⁵ “Tishino amchipu kutomo khetsünhe, aqhi, eno ayepuqo lo ipeghi nani, eno ayeghi lo azümülhü tukide igha ipeghi no ayeghi lo shiye kümtsü veküsapu shi kütakihi nani.

BAIBEL (BSI)

²⁵ “Tileno tsukinhelo, aqhilo eno ayepulo amchipu ipeghi nani, ayeghilo ashiayehqoye azughi ghugha eno azufukukuchono kutakihikeu lono pitipuzaqhi nani.

Sümi Tiqhelimi Bible

²⁵ “Tilehi khetsünhe, aqhi eno ayepuqo lo amichipu anani. Ayeghi lo shiyeqo ye azüghi ghügha ngò azü fukucho keu no kütakihi eno pitipüzaqhi nani.

Luke 21:25 Iomraidhean Croise

LESHELE 46:3

azüghi no tukide igha ighi na, azüghi no qoighi keu no naghuto ithauve namu msamoe.

ISAIAH 13:10

Kughengu atsütsü lo ayepu-ayesü no pano küvü tsümove nani; khetsünhe ipe chephi lono züchiyive nani, eno aqhi no pa küvü tsümove nani.

ISAIAH 17:12

Aha, ashiayeqo kumqhu; azüghi ghügha toi iqhaighu ani! Aha, shiyeqo ghügha kuloghi; azüghizü fukukucho toi igha ani!

ISAIAH 24:23

Tishino aqhi no agi zümoive, khetsünhe no agi nhave nani, kughengu aqokitikhi MPEU no Zion Toghi eno Jerusalem lono ayepe no Paw timi sakiphemiqo zülo Pa juküvü pephe nani.

ISAIAH 5:30

Tipani ghi panoqo no azüghi ghügha toi Israel lo igha ighi nani. Julo, aghakhu lo aküzü ngo aveküsa likhi ithulu nani, eno khüngküsü no aküvü küzüluve nani.

ISAIAH 51:15

Ni ye nongu Lhou Ampeu ke, I no azüghi xukutho no fukukucho no iqhaighu chenipe, aqokitikhi Mpeu no Pa je ke.

JEREMIYA 4:23

I no ayeghi jukelo ti ye kogheküghü kühano kümsae; eno atsütsü no aküvü kühae.

DANIEL 12:1

“Tipa ghuloki lo kükapuu akijeu Michael, khuu ow timiqo shou jukükütsüu keno, pa no ithughi nani. Tile shiye lhosü kelono ishi kutolo khilemu shimphi keu küküpna do lakhi anani. Ikemu tipa ghuloki lo ow timi, khunoqo je kaku lo ye püaghini keno panongu ye xaphe luve nani.

MICAH 7:4

Pano dolo akiviu no asahu toi, eno shishe akümzüu no asahu ghutu lakhi toike. Nongu hikuju eno ghimeni keu tsala ye ighivae; panoqo no kübangüni keu ye itehi au lo auvae.

MATTHEW 24:29

“Tipa tsala lo aghime kitikhi tave kemtsa khetsünhe no zümoive nani, aqhi no aküvü tsümove nani, ayepuqo no atsütsü lono ikiqive nani, eno atsütsü lo küka jeliqo sükiniqhi nani.

MATTHEW 27:45

Tile puchou mta lono avelau ayi küthü kihe kutolo ayeghiqha kümtsü aküzü no nhaluve.

Mark 13:24

“Ikemu tipa ghuloki lo kijiküpsa thiu, khetsünhe no züchiyi hailove nani, eno aqhi no aküvü tsümove nani.

Mark 13:26

Tileno Timi Nu ye aküka eno ajuküvü kuloghi shi khüngküsü lono chekeu kümtsü no ithulu nani.

Mark 15:33

Puchou ayi chighikini kihelo, tipa ghakhu kümtsü ayikihedo küthü kutolo züchiyi ighive.

Luke 21:24

Panongu ye ghüyi lono wove nani, panongu küghape akughumi shisü shiye gholo wuve nani, eno Jewkumomi do-ghuloki tomoke kutolo panongu no Jerusalem nedaqoda nani.

Luke 21:26

Timiqo no ayeghi lo kiu chea keno kümsü juno akümsa lono ikiqi thiuve nani. Kughengu atsütsü qholo aküka jeli akeqo süküghütha nani.

Apostolmi 2:19

I no kunguu atsütsü lono akichiqhipu piye nani eno aqhou ayeghi lo aji, ami, eno amchhi phoboi amchipu piye nani;

Piyeküsü 20:11

Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.