Luke 20:17 - Sumi Naga CL (Re-edited) Bible (BSI)

¹⁷ Ikemu pa no tsaqüi panongu gi lo jupuku no pi, “Imaye hitoi yepüa keu ye kiu kea?: “‘Aki kishimi no atu kileqhive keu no atsüghi tuqu shivae.’

BAIBEL (BSI)

¹⁷ Jisu no panongu gilo jupuku puzu iniju. “Tishiaye Kucho yesulo hipau tsa kiqiye kiu kya? ‘Atu khikhi aki kishimino avehupu kuhapi peve keuno, Shishe akhotou tu shive aghi!’

Sümi Tiqhelimi Bible

¹⁷ Jisü no panongu gi lo jupuku no iniju, “Tishiaye hi yèpüa keu ye kiu kiqi kea: “ ‘Aki kishimi no atuqu milive keu no akhotou tuqu shivae’?

Luke 20:17 Iomraidhean Croise

LESHELE 118:22

Aki kishimi no atu kileve keu huno kümtsü nguno atsükupuu shive.

ISAIAH 28:16

ikehu Ampeu Alhou no hitoi piani: “Julo, Zion lo aboqha shi ghi atuyitu sho püakeu huye I no ke, ti ye akughupu tsükucho, thebeike boqha: ‘Khukhumu pülü keu ye lhelheivemo nani.’

ZEKHARIA 10:4

Atsükucho, aphiki kufuyi, aghüshi piji, yepemi kümtsü kümtsa Pa launo ipeghi nani.

ZEKHARIA 3:9

Kughengu julo, I no Joshua zülo atu qhipüa keu, atu lakhi anhethi tsüni akeu lo I no atsa yetha pukupe qhitsü nani, aqokitikhi Mpeu no asheshu, eno hipau ghakhu xine ye I no atsala lakhi lono ikhive tsü nani.

MATTHEW 21:42

Jisü no panoqo vilo pi, “Nongu ye Kuchoyesü lo khilemu phimla aphi keshea? “‘Aki kishimi no atu kideqhive keu no atsükupu tuqu shive; hi ye Ampeu kümlae eno ti ye ni nhethi lo akichiqhipu.’”

Mark 10:23

Jisü no tsüghüwo juno pa khopemi vilo pi, “Kinimi no Alhou yekipe lo iloluni keu ye kishi kushokütsüpu kelae!”

Mark 12:10

Nongu ye Kuchoyesü hipau philu mphi kea? “‘Aki kishimi no atu kileve keu huno atsüghi tuqu shivae,

Mark 3:5

Pa no amlo vimoqhiyi ighowo panoqo juno pano mlo kümka jupe ighono pa mlo pünaqhive, tishino pa no timi hu vilo pi, “O u xachholo.” Timi huno pa u xachho, eno ti ye kuchou no athoputho luve.

Luke 19:41

Kughou Jisü no kupunu ighi no Jerusalem ithulu keno, pa no tipa ghenguno mloqa

Luke 22:37

Kughengu I no nongu vilo pi anike Kuchoyesü ye I lau no shikupu masae: ‘Pa ye axinemi gholo kihisüve.’ Kughengu I ghili kiu yepüani keno, ti ye shikupu niye ani.”

Luke 22:61

Eno Ampeu no tsüghüwo Peter ju kelo, pa no Ampeu kipitsa kishi pa vilo pipüa keno kümsüchilelu, “Awudu no itiji ighamphi lono no ye ghuthu küthü I milive nani.”

Luke 24:44

Tishino Pa no panongu vilo pi, “Moses Yezah lono Tungkupmi eno Leshele kutolo I vehu yepüa keu kümtsü shikupuve masae pi I no nongu gholo acheke lono atsa hipaqo nongu vilo pikhavae.”

John 15:25

Ikemu panongu Yezah lo yepüakeu tsa ye shikupu masae: ‘Jekujeli kühamu panongu no I mithike.’

Apostolmi 4:11

Jisü hipau ye nongu aki kishimi no kileve keu tuqu, tino kümtsü nguno atsükupuu tuqu shive keu huke.

Ephesiami 2:20

Nongu ye apostolmi ngo tungkupmi no aboqha ghotsü keu lono shiqhe puku keu kiae, Khristo Jisü ampi no atsükupu tuqu shino

1 Peter 2:6

Kughengu Kuchoyesü lo hitoi ani: “Julo, I no Zion lo atuqu sho püani, kishekiphe eno akughupu, atsükupu tuqu, khukhumu Pa lau pülübe keu ye kujovemo nani.”