Luke 20:16 - Sumi Naga CL (Re-edited) Bible (BSI)

¹⁶ Pa no ighi no mishikulumi hupaqo pithive no alu pesü kütami tsüve nani.” Kughou timiqo no chilu keno ishi pi, “Tishimo nani!”

BAIBEL (BSI)

¹⁶ “Pano ighi puzu timi tipaqo pithive nani eno atsayilu pesu mishi chichekemi kutami tsuve nani.” Timiqono ti inia puzu pi, “Khilemu kumoe! Tishi pemoniu.”

Sümi Tiqhelimi Bible

¹⁶ Pa ye ighino mishichi akemiqo pìthíve nani eno atsailu pesü kütami tsüve nani.” Kughou timiqo no hipau chilu keno, panongu no pi, “Alhou no kimiye no tishi pemoniu!”

Luke 20:16 Iomraidhean Croise

MATTHEW 21:34

Atsaithi xoluke tusho touve kelo pa no mishikulumi launo pa saje süghi penike pa qemi puwu.

MATTHEW 21:41

Panongu no pa khochile, “Pa no akithi kijiküsa pesü küsaküghami tipaqo tsü nani, eno atsailu pesü mishikulumi khunono axathi xoluke tusho lo asaje achipishi pa tsü nani keno tipaqo pichive nani.”

MATTHEW 22:7

Akükau no axuidepe paw ghüshimi puwu no hekiqhimi tipaqo pithive eno pano phughi pitive tsü.

Mark 12:9

Tishiaye, alu pighiu ye kiu shi nani kea? Pa no ighi no mishikulumi pithive no atsailu pesü kütami tsüve nani.

Luke 19:27

Eno I ghümi ghengu ye, khunono I pelo pano yepeu shipenishi mono akeno, hile saghi no I zülono ghiqhivelo.’”

Luke 20:15

Panongu no alu khalau vepheve no pithive. Tishi aye, atsailu mpeu ye panongu lau kiu shinani kea?

Apostolmi 13:46

Paul ngo Barnabas pama no amlo kumtoshi pi, “Alhou tsa ye nongu vilo paghi pi masa kepu shiae. Ikemu nongu no ti ye kileve no nongu ampi ye lhokta küxü ithulu küzüpu kumovae pi xathave akeke ningu ye Jewkumomi lau wuniae.

Rommi 11:1

Tishi aye, I no hi ighiju ani, Alhou ye Paw timi kileqhive akea? Kiu gholau nomu kumoe! Kughengu ni ampi ghi Israelmi, Abraham polo kughuko, Benjamin laghami ke.

Rommi 11:11

Ikehu I no ighiju ani, Jewmi no küpxalu keu ye ithughi kümlapushi veqhive keshea? Kiu lonomu kumoe! Ikemu panongu kipimi vecheo Jewkumomi lau xakulupu ighivae, tishi keu lono Jewmi pelo anheshu peniye ke.

Rommi 3:31

Tishi aye, ningu ye aküpülü hipau pesü Ayezah pishiqhove tsü ani kea? Kiu gholau nomu kumoe! Tike kumo ninguu no Ayezah iqhikumto cheni.

Rommi 3:4

Kiu gholau nomu kumoe! Ishi yepüake ketoi, kümtsü no kimkimi shivemu Alhou ye kuchou shi nani, “O shou küghathabe kelo nono tolu, eno o tsapi lono o pesü achipiu shilu peniye ke.”

Rommi 3:6

Kiu gholau nomu kumoe! Kughengu tishini kelo Alhou ye ayeghiqha shou kishi küghathani kea?

Rommi 6:15

Imaye kiu pinia? Ningu ye Ayezah qholo kumono küpükini qholou anipi axine shini keshea? Khilemu kumoe!

Rommi 6:2

Kiu gholau nomu kumoe! Ningu khunoqo axine küdau ye thive akeno kishi püzü itaghi tipau lo xüni kea?

Rommi 7:13

Imaye, khikhi akivie picheni keno, tino akithi I lau süghive keshea? Kiu gholau nomu kumoe! Ikemu axine no akivi peitha püzü I lolo akithipu kümla shiuve, tishikeu lono axine ye qeti axine kepi ithive peniye eno azakütsü vecheo axine ye kimghi kümlapu shive peniye ke.

Rommi 7:7

Tishi aye, ningu ye kiu pini kea? Ayezah no axine keo? Kiu gholau nomu kumoe! Ikeghi Ayezah ghenguno kumo aye ni ye axine ithimoni cheke. Kughengu Ayezah no, “Nongu ye jumine kevilo” ipimo keaye, ni ye jumine keu ye kiu keno ithimoni cheke.

Rommi 9:14

Tishi aye ningu ye kiu pini kea? Alhou sheamzü lo achipikumo anio? Kiu gholau nomu kumoe!

1 Kor. 6:15

Nongu phimpi ye Khristo phiau kepi nongu ye mtha keshea? Tishiaye ni ye Khristo phiau pesü kütüqhalimi phiau shive tsüni keshea? Khilemu kumoe!

Galatiami 2:17

Ikemu tsala Khristo lau achipikaluni ye müamzü anipi ninguu no axinemi ilhouve aghi aye, Khristo ye axine qeu keo? Khilemu kumoe!

Galatiami 3:21

Imaye Ayezah ye Alhouw pikiqhitsa bidelau keo? Khilemu kumoe! Kughengu aküxü ithulu peniye Ayezah tsü püaghi aye, Ayezah vecheo achipikaluni cheke.

Galatiami 6:14

Ikemu I müzülo ni ye ni Mpeu Jisü Khristo kros nguno alau ye khilemu qhezamo nani, kughengu paw kros vecheo ayeghi lo küxü ye I launo yedavae, eno ni ye ayeghi küdau ye thivae.