Luke 20:10 - Sumi Naga CL (Re-edited) Bible (BSI)

¹⁰ Kughou no ado kupuve keno, pa no aqeu lakhi hape mishikulumi lau axathi hami pa tsü peniye puwu. Ikemu panongu no aqeu heqhi püzü au kümsa puwo.

BAIBEL (BSI)

¹⁰ Atsayi xoluke ghuloki tokelo, pa lu mishi chichekemi launo pa sala lupenike aqemi lakhi puwu. Ikemu mishi chichekemino aqeu heqhi puzu kiumu tsumono idewovepe.

Sümi Tiqhelimi Bible

¹⁰ Ghile ghuloki lo atsailu lono atsaithi hami pa tsüpe niye pa qeu lakhi hapesü aluchemiqo lau puwue. Ikemu aluchemiqo no pa kuoqhi no au kümsá pa puwuve.

Luke 20:10 Iomraidhean Croise

KUKAMI ATUGHIU 22:24

Tileno Chenaanah nu Zedekiah no Micaiah lau ighi no pa gilo ghatsü no pi, “Ampeu Ghungu ye kishi I pheve no o pütsa ighi kea?”

KUKAMI AKINIU 17:13

Ikeghi Ampeu no Pa ghinimi eno tungkupmi puwu no Israel ngo Judah ghutu, “Nongu laghi lhoksa lono tsüghüve lo, eno I no no puasüqo azah tsü püzü I qemi tungkupmi vecheo nongu tsükeu zakütsü eno akhuayeqo pelulo.”

YEKIKITHI ATUGHIU 19:4

Ikehu Hanun no David ghinimiqo küghape amkhümhi miyeve tsü eno panoqo phiküzü achita lono tsathave tsüno puwuve,

YEKIKITHI AKINIU 16:10

Asa no tungkupu shou amlo ideve no pa küghape ayikichhe no tshüpe qhive. Eno hipa ghuloki lono Asa no timi khami ghi ghimeve.

NEHEMIA 9:26

“Ikeghi panongu no O gholu mono O hebide eno O yezahqo pano zübou qhive. Tungkupmi khunono pano pelo O lau ideighi penike kütüghü keno, tipaqo pithive tsü, eno shishe O küthakügha shike.

NEHEMIA 9:30

Ampe kutomo Nono panongu lau kheakulu shino tungkupmi vecheo O Ghungu no panongu kütüghü ke. Ikeghi panongu no initsü moe, tighenguno Nono ashiayeqo pelo pano leluve peke.

LESHELE 1:3

Pa ye aghoki mkülo asübo akeu toi atusho achipi lono axathi pithi cheni, tipau nipa ye ighüive chemoe. Pa no mlakeu kümtsü lo ghenighilai cheni.

JEREMIYA 2:30

Ni ye adou lono no tianuliqo heqhivae; panongu no shikithe kütsü ikhilu tsümoe; abongshuu yiküsa toi nongu züta no now tungkupmi ghiqhivae.

JEREMIYA 20:2

Pa no Jeremiah tungkupu heqhi, eno Ampeu ki Benjamin Khagho lashou khathape qhive.

JEREMIYA 35:15

I no nongu lau I qemi tungkupmi puwu, eno tamo mithe puwu no panongu no picheni, ‘Itehi nongu kümtsü alhoksa laghi launo tsüghüve lo, no kümla kililo, kütau lhouqo huthuni ke papewu kevilo, tishiaye nongu ye I no nongu eno no puasüqo tsükeu yeghi lo xülu nani.’ Ikemu nongu no akini kugho puwomo momu I tsa inimoe.

JEREMIYA 5:24

Panongu ye pano mlo lono ishi pimoe, ‘Ningu MPEU ni Lhou sümsani, khuu no atusho ghuloki lo azü tsücheni, tixi lo eno tuqu lo azü tsücheni keno, Pa no ghile hulu kepu pinedo ni ghenguno kuto tsü cheni.’

Luke 13:34

Jerusalem, O Jerusalem, tungkupmi pithive tsü chekeu eno khunoqo tile puwuni keno atu pesü veqhive tsü chekeu phughi! Ni ye khijeta awuqu no achishibo qholo ati vakütsü keshi o nuliqo hekütsüni shiche kela, ikeghi nono pulomoe!

Luke 20:11

Tithiu aqeu lakhiu puwu, ikemu panongu no tiu ghi heqhi no akiphikumoshi peitha no au kümsa puwo.

Luke 20:9

Jisü no kimghikipiye hipau pesü timiqo vilo pithuve: “Timi lakhi no atsailu chini ke shosü eno mishipe timi tsüve no ampe hami ghenguno aghakhu kütau lo wuve.

John 15:16

Nongu no I kisheluke kumoe, ikemu I no nongu kishelu eno nongu pelo wuno ighive moni keu xathi kutomo pithi peniye süsüe, tishianguno nongu no I je lono Apu vilo kiu kiumu khu aye Pa no nongu tsünani.

Rommi 7:4

Tihutoi I thiküzümiqo, nonguu ghi Khristo phimpi vecheo Ayezah küdau ye thivae, tishianguno nongu ye Alhou no Khuu akithi lono xüputhu keno, Pa laumi shino Alhou ghenguno axathi pithilu peniye ke.