Luke 2:37 - Sumi Naga CL (Re-edited) Bible (BSI)

³⁷ eno tithiu chimemi shive no apunu mpe lhotache bidi shia. Li ye achineki qhive mono putho pucho kümvü eno akighini shi Alhou mllache.

BAIBEL (BSI)

³⁷ no chimekeu ampe lhotache bidi shia. Liye achineki phemono putho pucho akukhu akighini shi Alhou mlla ache.

Sümi Tiqhelimi Bible

³⁷ eno tipathiu li ye ampe lhotache bidí kutólo chimemi shike. Li ye khilemu achineki phemo no putho-pucho akighini shi eno kümvü Alhou mülá ache.

Luke 2:37 Iomraidhean Croise

LESHELE 22:2

O I Lhou, I no puchou no ighamku kemu Nono I khochile moe, I no putho lono ighamku kemu ni ye akulhoqhi mlae.

LESHELE 23:6

Mtsüqheino akivi eno kimiyekini no I küxü kupuju lo I pape nani, eno ni ye pülhapuju Ampeu kilo acheuve nani.

LESHELE 27:4

Thime lakhi I no Ampeu vilo khu ani, ti likhi I no phunani; ti ye I küxü kupuju lo Ampeu kilo acheni keu, Ampeu jukivi shou jupuku eno Pa chineki lono Pa pulou ighijuni keu ke.

LESHELE 84:10

Kughengu O chineki lo ghulo lakhi akeu huno khileala ghulo qhethonhe akeu nguno akiviu ke. Kixikilami kilo xüani kepu ye I Lhou ki hukikha kheu shi auve keu pavie.

LESHELE 84:4

Khunono O chineki lo acheni eno O sheqhe cheni keno alokivipue!

LESHELE 92:13

Panongu ye Ampeu kilo asübo shosü püake toi nani panongu ye ni Lhou chineki lo ikoishe nani.

IPEKULU 38:8

Pa no alazayi no akhu eno tipau ghope qhikepu mla, ti ye totimi khunoqo no kuposhukulu phiki kulaghi lo mlache keno tipaqow ahiju pesü mlae.

Luke 5:33

Panongu no Jisü vilo pi, “John khopemi ngo Phariseemi khopemi ye papashi kümvü eno akighini shi cheni, ikemu o khopemiu ye chusho achenie.”

Apostolmi 13:3

Panongu no kümvü akighini shino pama shou au betsü no puwuve.

Apostolmi 14:23

Pama no akukuhou kümtsü lo layemi kisheve tsü kethiu, akighini eno kümvü keu lono panongu pesü pano no pülüluve keu Mpeu lau kulhuqhi tsü.

Apostolmi 26:7

Hi ye ni shiaye chighikini no ithuluni ke lajupu qhino putho pucho müamzü Alhou mlla chekeu ke. Eno hipau lajupu ghenguno Jewmi no I nguku ani, O akükau!

1 Tim. 5:5

Khuu no kuchou no chimemi shive akeno, li ye liw lajupu Alhou shou bepe auvae eno putho pucho tamono qhüiniju inikhu acheni.

Piyeküsü 3:12

Khuu no theqhi luni keno, I no pa pesü I Lhou chineki lo atsükucho lakhi shitsüni. Pa ye khilemu tipau lono ipevemo nani, eno I no pa shou I Lhou je eno I Lhou phughi Jerusalem kitheu khikhi kungugha lo I Lhou launo iqighi keno, tipau je eno I je kithe, ishi yepuku nani.

Piyeküsü 7:15

“Ikehu panongu ye Alhou kükalakhü zülo ngono putho pucho Pa chineki lono Pa huthu acheni; eno Khuu kükalakhü lo iqa ani keno Pa ampi no panoqo süsho nani.

SAMUEL ATUGHIU 2:2

“Khumu Ampeu toi akimthe kühae: kughengu O nguno alau kütami kühae; ningu Lhou toi atuqu khumu kühae.