Luke 18:43 - Sumi Naga CL (Re-edited) Bible (BSI)

⁴³ Paikhavi timi huno ithulu kitheve, eno pa no Alhou sheqhe ghi pa pape wuve. Kughou timiqo no ti ithulu keno, kümtsü no Alhou sheqhe shikimthi tsüe.

BAIBEL (BSI)

⁴³ Paikhavi lono paye ithuluve eno Alhou shikimthi ghi Jisu pape wuve. Eno timi kumtsuno ti ithuluno Alhou akishe tsue.

Sümi Tiqhelimi Bible

⁴³ Ikelo paikhavi pa ye ithulu kitheluve no Alhou sheqhe ghi Jisü pape wuve. Kughou timi kümtsü no ti ithulu keno panongu ghí Alhou akishé tsüe.

Luke 18:43 Iomraidhean Croise

LESHELE 107:15

Paw iqemokeu kikimiye eno Paw akümzapu kümla timi nuliqo lau mla keu ghenguno panoqo pelo Ampeu shikimthi pelo!

LESHELE 107:8

Paw iqemokeu kikimiye ghenguno, Paw akümzapu kümla timi nuliqo lau mlakeu ghenguno panoqo pelo Ampeu shikimthi pelo!

LESHELE 146:8

Ampeu no anhechemi nhethi khaqhi tsücheni; khunono qhoqhü itsaqi cheni keno Ampeu no xaqhe cheni; Ampeu no amikuchomi kimiye cheni.

LESHELE 30:2

O Ampeu I Lhou, kuphu penike I no O lau ighamkue, eno Nono I shipivive tsüae.

ISAIAH 35:5

Tileno anhethi kighichemi nhethi xükhove tsü nani, eno akini kughupomi kini khaqhive tsü nani;

ISAIAH 42:16

eno I no anhechemi sasü panongu no khilemu püla chemo keu laghi lo sawu nani. panongu no ithimo keu laghi lo I no panongu la kichetsü nani; I no panoqo zülo aküzü pesü aküvü shivetsü nani; eno kipekuloi keu yeghiqo külaqavetsü nani. I no thime hipaqo shini cheni, eno Ni ye panongu phevemoe.

ISAIAH 43:21

Timi tipaqo ye I no I sala shi lhophe keqo, tishianguno panongu pelo I sheqhe shipili peniye ke.”

MATTHEW 11:5

anhechemi no ithulu ani eno apukhu kighichemi no ala chelu ani, apüghami shikimthelu ani, akini kughupomi no chilu ani, kithimi xüputhu ani, eno atsakiviu pesü sheshu kelo kumlhomi no ikhilu ani.

MATTHEW 21:14

Anhechemi eno aphiau kinitave kemi no achineki lo pa lau ighi, eno pa no panoqo shipivi tsüe.

MATTHEW 9:8

Kughou aqokitikhi no ti ithulu keno, panongu ye ighüve, eno Alhou khuu no hitoike kükagha pesü timiqo tsü keno, panongu no Pa jepipi tsüe.

Luke 13:17

Jisü no hipa tsa pi kelo pa külami shikujove, eno timi kümtsü no pa no akümzapu kümla shikeu lo alovilue.

Luke 19:37

Pa no Olive toghi lono iqighi keu la touve kelo aqokitikhi pa papeche kemi kümtsü no asütsa kuloghi shi igha eno panongu no akümzapu kümla kümtsü ithulu ke ghenguno alovi Alhou sheqhe thuve,

Luke 4:39

Pa no li zülo puthugho no aghakimki lomipi kelo tino li qhive, paikhavi li no ithughi no panoqo lojiuve.

Luke 5:26

Kümtsü no akichiqhi khave, eno Alhou akishe tsüno pano lolo sükümsa shi pi, “Ishi ningu ye mzamghalei keu kümla ithuluvae.”

Luke 9:43

Timi kümtsü no Alhou kükanguagha ithulupe akichiqhi khave. Ikemu panongu kümtsü no pa no mlakeu ithulupe akümza ake lono pa no pa khopemi vilo pi,

Apostolmi 11:18

Panongu no hi chilu kelo inaqhoive, eno Alhou sheqhe ghi pi, “Tishiaye Alhou no Jewkumomi lau ghi aküxüpu lo wulu kepu xaidekulu tsüvae.”

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Apostolmi 4:21

Kiu shive keno ti ithulu pe timi kümtsü no Alhou sheqhe akehu panongu ye pama ghimelu kepu la kühave no alau kichive püzü phepuwuve.

Galatiami 1:24

Ikehu panongu no I ghenguno Alhou sheqhe ke.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.