Luke 18:32 - Sumi Naga CL (Re-edited) Bible (BSI)

³² Pa küghape Jewkumomi u lo süve tsüno thaigha, akukujopu shi peitha, eno müsüte nani.

BAIBEL (BSI)

³² Paye Judakumomi ulo phesuve puzu thaigha, shikukujo eno musute pukupe nani.

Sümi Tiqhelimi Bible

³² Pa ye Jewkumomiqo u lo phesüve nani. Panongu no pa thaigha, shikukujo eno amití pesü pa shou müsüte puku nani;

Luke 18:32 Iomraidhean Croise

ISAIAH 50:6

I heqhi akemi lau I no I mqa mighe tsüe, I kichimhi phitsü akemi lau I no I gimuchu mighe; I shikujo eno müsüte akemi launo ni ye I gi küsüve moe.

ISAIAH 52:14

Kutomo no nongu jupe akichiqhi ketoi, pa ju shishe shipüsave tsü kehu, pa ye timi ju kumo toive, eno pa ju ye timi nu toi moveke,

ISAIAH 53:3

Pa ye timiqo no jukünatha eno miliveke; Pa ye ghichheghime shi eno amloghime no chhitoi, eno milakhi khuu lau, timiqo no pano gi küsüve cheni keno, pa thaigha eno ningu no Pa phimoke.

MICAH 5:1

Itehi now ghüshimi hekütsülo, O ghüshimiw ayiliu; ningu lenike khasüpe ngovae; panongu no aqheküsü pesü Israel xaküthau gilo ghapuku ani.

MATTHEW 16:21

Tipa ghuloki lono Jisü ye pa khopemi vilo tucheche pa ye Jerusalem lo wuno kichimi eno achinetomi ngo Ayezah shikükami u lono ime masa keu, eno pithive no aküthüni no xüthughini keu vehu pithuve.

MATTHEW 20:19

eno ashiaye kütami pelo thogha eno heqhi püzü yedave penike tsüve nani. Tishino pa ye aküthüni no xüputhu nani.”

MATTHEW 22:6

eno kütami no pa qemi tsüqüpe peitha püsa eno pithivetsü.

MATTHEW 26:67

Tishino panongu no pa gilo müsü puku eno pa chishiqhi. Khami no pa ghaqhi ghi pi,

MATTHEW 27:2

Panongu no pa tshüve no sawo Angh Pilate tsüve.

Mark 14:65

Timi khami no amiti no pa müsüte thuve, eno pa gi nhave tsüno au sükumqope chishiqhi no pa thaigha pi, “Tungkuptsa pilo!” Tithiu ghukhemi no pa sawo heqhi.

Mark 15:1

Inaqhe shive kemtsa achinetomi no layemi, Ayezah shikükami ngo hoho mpemi kümtsü sasü kuchughuve. Panongu no Jisü phiau tshüve tsüno sawo Pilate u lo süvetsü.

Luke 18:33

Akighikipili pesü hetha pinyive kethiu pa pithive nani, eno atsala aküthüu lo pa ye xüthughive nani.”

Luke 23:1

Timi kümtsü no puthughove no pa sasü Pilate zülo wu.

Luke 23:11

Herod no paw ghüshimi sasü Jisü thaigha eno junuqhi. Tishino aphimini kighiche pa pipe no Pilate lau kighide puwove.

Luke 23:35

Timiqo no puthughope jukuto akelo yepemi no pa jukünatha ghi pi, “Pa no Alhouw Messiah, kishekipheu ipi aghi aye, kütami xalu cheke toi pa ampi xaluve pelo!”

John 18:22

Kughou Jisü no hi pi keno, tile puthugho akemi kijemi lakhi no pa u pesü Jisü gha püzü pi, “No ye hipa gholau no achinetou khochile nani keshea?”

John 18:28

Tishino panongu no Caiaphas ki lono Jisü sasü Anghw oking lo wuve. Ti ye inaqhe noke. Panongu ampi ye sholokuu ilomoe kughengu panongu ye kitiqemo no Hechekulu Ghulhu chuniye ke.

John 18:30

Panongu no khochile, “Timi hipau no alhoksa shiaghimo aye, ningu ye o lau pephetsü moni cheke.”

John 18:32

Hi ye Jisü no pa ye kiu ghola lono thive nani keno pi püakeu shikupu niye ke.

John 18:35

Pilate no khochile, “Ni ye Jewmi keshea? No likhi no shiye eno achinetomi no o pesü I u lo süve tsüae. No ye kiu shive kea?”

Apostolmi 2:23

Alhouw mtsümishei keu küpüghü eno azünatha kighithi kiqi lono Jisü hipau pesü nongu u lo süvetsü, eno nongu no aye kümthami u lono pa yedave no pithive.

Apostolmi 3:13

Abraham, Isaac, eno Jacob Lhou, ni puasü Lhou no Pa qeu Jisü, khuu Pilate no kuqho pheveni pi keghi nongu no pa zülono akipimi tsüno milive keno, pa juküvüpu shive tsüae.