Luke 18:14 - Sumi Naga CL (Re-edited) Bible (BSI)

¹⁴ I no nongu vilo piani, Pharisee no kumono timi hipau no achipikalu no pa kilo idewo lue. Kughengu khuu no pa ampi süqheni keno kuchunive nani, ikemu khuu no aqhokigheu shini keno pa süqhe nani.”

BAIBEL (BSI)

¹⁴ Jisu no pi, “Ino nongu vilo pini, timi hi ashekhauno Alhou lau amikucho shilu puzu pa kilo wovae, eno Farisimi huno kumoe. Kughengu khuno alikhi akughape qhemghai nikeno pa kughape kuchunive nani ikemu khuno alikhi akughape kuchuni nikeno pa kughape qhemghai tsu nani.”

Sümi Tiqhelimi Bible

¹⁴ “I no nongu vilo pìní, Phariseemi hu no kumo no zame küqhau no Alhou lau achipikaluve no aki lo wovae. Kughengu khuno no alikhi ampi pesü süqhe cheni keno kuchunuve nani eno khuno no alikhi ampi pesü kuchunu cheni keno süqheve nani.”

Luke 18:14 Iomraidhean Croise

JOB 22:29

Timi sünheqhi kelo nono picheni, ‘Ti ye aqheküza ghengunoe’, ikemu Pa ye aqhokighemi xalu chenie.

JOB 25:4

Imaye kishino timi ye Alhou zülo achipiu shiluni kea? Kishino totimi no punu kemi no mqhamqhi luni kea?

JOB 9:20

I no achipi lo anamu I kichi no akipimi I tsüve nani; I no akipimi kühamu Pa no I tuchighiveni aphie.

LESHELE 138:6

Kughengu Ampeu ye qhemghai animu aqhokighemi kihi acheni, ikemu aqheküzami ye Pa no putou no ithi acheni.

LESHELE 143:2

O qeu sasü küghakütha lo ilo kevilo, kughengu O zülo xü akemi khumu amikucho kumoe.

IPEKULU 18:11

Itehi ye I no ithive ake Ampeu ye alhouqo kümtsü nguno akijeue, kughengu hipau vehulo panongu no ngukangugha shi timiqo peitha ke.”

AHOLE 15:33

Ampeu sükümsa ye alokütsü kükütsütsa ke, agigihu ithulu mphi züuno aqhokigheu shimasae.

AHOLE 18:12

Kütsakungo mphilo timi mlo ye tsütsüngoju cheni, ikemu agigihupu ighi nike züu aqhokigheu shicheni.

AHOLE 25:7

kughengu ghenimi zülono kuchunive pekepu ye “Hilau ikughilo,” ipikeu pavike. O nhethi no kiu ithuluve akeno

AHOLE 29:23

Milakhi qheküza no pa sünheqhi pe kuchunive cheni, ikemu amlo lo mtshaivü kemi ye agigihupu ithulu nani.

AHOLE 3:34

Thoküghami lau Ampeu no thoküghapu piye cheni, ikemu aqhokighemi ye Pa no saphu cheni.

YETSAPIU 9:7

Wulo, alokivi shi o chuqupu chulo, eno aloqiqhiyi o tsaizü yelo, kughengu nono kiu shi ani keno Alhou no kihithape qhivae.

ISAIAH 45:25

Ampeu launo Jacob kughukomi kümtsü shou, achipi kepi xathabe nani eno ajuküvü ithulu nani.”

ISAIAH 53:11

Pa ngulho no ghichheghime shi akeu dolono Pa no juno aghapiqilu nani; I qeu, achipiu huno Pa lokütsü vecheo, timi kutomo pelo achipiu shilupe nani, eno Pa no tipaqo kipimi puluve tsünani.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

ISAIAH 66:2

Hi kümtsü I u no mlake, tishino thokha kuchopu aghive, ipi Ampeu no sheshu. Ikemu Ni ye timi hitoi keu lau I mloqi nani: aqhokighemi eno aghungu lono xaide kemi eno I tsa sümsa chekemi.

DANIEL 4:37

Itehi ni, Nebuchadnezzar no kungugha Kükau sheqhe eno agigihu tsü ani, kughengu Pa kümla kümtsü kuchou eno Pa laghi ye achipi; khunono no aqheküza lono checheni keno Pa no kuchunive cheni.

HABAKUK 2:4

“Julo, pa ngulho ye aqheküzae; pa ye akümzümi kumoe, ikemu achipiu-mikuchomi ye aküpülü lono xü nanie.

MATTHEW 23:12

Khunono alikhi ampi süqheni keno kuchunive nani, eno alikhi ampi kuchuni kemi süqhe nani.

MATTHEW 5:3

“Aghungu lo kumlhomi shikemi kümghapue, kughengu kungugha yekipe ye panow ke.

Luke 1:52

Pa no akumtomi pano kükalakhü lono sünheqhive no akuchuni-a lo akemi süqhevae;

Luke 10:29

Ikemu timi huno pau no achipiu ipi penishi kehu Jisü vilo pi, “Maye khuu no I kisüghüu kea?”

Luke 14:11

Kughengu alikhi asüqhe kemi kümtsü kuchunive nani, eno alikhi ampi kuchuni keu süqhe nani.”

Luke 16:15

Jisü no panongu vilo pi, “Timi zülo achipiue pi pükha chekeqo ye nongu kene, ikemu Alhou no nongu mlo ithi ani. Kughengu timi müzülo kiu no ajuaje ipi cheni keno Alhou nhethe loye aphikümqhüpue.

Rommi 3:20

Kughengu Ayezah vecheo axine shinikeu ithi keke timi ye khunomu Ayezah pelu keu lono Alhou zülo achipikalu monani.

Rommi 4:5

Eno khuu no mlamo namu alhoksami pesü achipiu shitsü chekeu Lhou pülüni keno, pa küpülü ye achipikalu kepushi kihive tsü cheni,

Rommi 5:1

Tighenguno, ningu ye aküpülü lono achipikaluve akehu, ni Mpeu Jisü Khristo vecheo ningu ye Alhou sasü külashi luvae.

Rommi 8:33

Khuu no Alhouw kishekiphemi shou akipimi tsüluni kea? Khumu kühae, achipikalupe chekeu ye Alhou noe.

Galatiami 2:16

ikeghi nino ithi akeu no timi lakhi ye Ayezah peluke lono kumono Jisü Khristo lau aküpülü akeu vecheo achipikalu cheni, ikehu Khristo lau aküpülü akeu vecheo achipikalu niye ningu no Ayezah shou kumono Khristo Jisü pülübe cheni, kughengu timi khumu Ayezah vecheo achipikalu monani.

James 4:10

Nongu ampi pesü Ampeu zülo kuchuni lo eno Pa no nongu sünheqhe nani.

James 4:6

Ikemu Pa no küpükini alau tsü kehu Kuchoyesü no ishi pie, “Alhou no aqheküzami lakhave cheni ikemu aqhokighemi lau küpükini tsü cheni.”

SAMUEL ATUGHIU 1:18

Eno li no pi, “O qeliu pelo o zülo kimiyeqhiyi keu ithulu pelo.” Tishino li no wuve eno chushove no amloksa gi kühave.