Luke 18:13 - Sumi Naga CL (Re-edited) Bible (BSI)

¹³ Ikemu zame küqhau ye putou pa kütashi puthughope pa kütsü mu peqhemo no pa mla kukhu ghi pi, ‘Alhou, ni axinemi kimiyekütü tsülo!’

BAIBEL (BSI)

¹³ Ikemu zahme kuqhauye putou puthugho puzu pa gi ghi atsutsu kudau mu peqhemo, ikemu amlo ghimeshi pa mla khukhu ghi pi. ‘O Alhou, ikimiye tsulo niye axinemi lakhi!’ ”

Sümi Tiqhelimi Bible

¹³ “Ikemu zame küqhau ye putou puthugho no pa gi atsütsǘ küdaumu jupukumoe, ikemu pa mülà kukhu ghi pi, ‘O Alhou, I kimiye tsülo, ni ye axinemi lakhie.’

Luke 18:13 Iomraidhean Croise

SAMUEL AKINIU 12:13

David no Nathan vilo pi, “Ampeu zülo I no axine shivae.” Nathan no pa vilo pi, “Ampeu no o xine peve tsüae; no ye thimo nani.

YEKIKITHI AKINIU 33:19

Pa kighini no kishi Alhou buve keno, pa xine, pa küpülü küküha, eno pa ampi kuchuni mphi züu pa no a-a khipaqo lo qhemghaike-a shiqhe no Asherim ngo ajulho mlape qhi keno, tipaqo ye Tungkupmi Yekikithi kaku lo yepüani.

YEKIKITHI AKINIU 33:23

Pa pu Manasseh no kuchuni ketoi mono pa ye Ampeu lau pa shikuchuni moe, ikemu Amon hipau ye alau-alau akipimi shi auve.

EZRA 9:6

ishi pi: “O I Lhou, O lau I gi peqheni ke ni ye kujo ighü ani kughengu ni xine no ningu kütsü nguno qhemghai ikughivae I Lhou, eno ni kipimi no atsütsü tohi ikuvae.

JOB 42:6

tighenguno I no ni ampi ju aghaide ani eno ayevu amkhu shi xaideghi anie.”

LESHELE 106:6

Ningu eno ningu puasüqo ghi axine shivae; ningu ye akipimi shivae; ningu ye küsakügha shivae.

LESHELE 119:41

O Ampeu, Ow iqemokeu kikimiye I lau ighi pelo, Ow tushokiqhi kiqi lono Ow xakulu I lau ighi pelo;

LESHELE 130:7

O Israel, Ampeu laju lo! Kughengu Ampeu gholo iqemokeu kikimiye ani, eno Pa gholo qhüchilekulu kupukuno shi ani.

LESHELE 25:11

O Ampeu, O je lono I kipimi qhive tsülo, kughengu I kipimi ye kije ke.

LESHELE 25:7

I lhothe lo xine eno hekibide kümsülu tsü kevilo; Ow Iqemokeu kikimiye vecheo, eno O je kivi vecheo I kümsüchile tsülo, O Ampeu!

LESHELE 40:12

Kughengu kihikhakümla küküpna jeli no I sühope ani; I xine no I haluvae eno ni ye kiumu ithulu movae; tipaqo ye I kütsü lo asa nguno akichiu ani eno I mlo hauvae.

LESHELE 41:4

I no pi, “O Ampeu, I küpüqhiyi tsülo; I shipivi tsülo, kughengu I no O shou axine shivae!”

IPEKULU 33:10

Kughou timi kümtsü no khüngküsü tsükucho no aphiki kulaghi lo ngokeu ithuluni keno, kümtsü no puthugho luve no pütüta phiki hukikha lono Ampeu mllache.

ISAIAH 1:18

Ampeu no pi, “Ighilo, ningu itehi no kiqikuto juni: nongu xine no hughüi aghi namu, tipaqo pesü mürasü toi metsüghoive tsüni; akuhuphi toi huchuyi aghi namu, asüpha toi metsüghoive tsüni.

ISAIAH 6:5

Tileno I no pi, “I hasapuae! Ni ye pühavae; kughengu ni ye akichi mithemo kemi, eno mithekumomi gholo xüacheni; ikeghi I nhethi no aqokitikhi MPEU, Akükau ithuluvae!”

ISAIAH 66:2

Hi kümtsü I u no mlake, tishino thokha kuchopu aghive, ipi Ampeu no sheshu. Ikemu Ni ye timi hitoi keu lau I mloqi nani: aqhokighemi eno aghungu lono xaide kemi eno I tsa sümsa chekemi.

EZEKEL 16:63

tishikeu lono no ye kümsülu eno kujove nani, eno kughou nono mlave keqo kümtsü ghenguno I no o qhukimtheni keno o kukujo vecheo no ye itaghi khilemu o kichi xükho move nani.”

DANIEL 9:5

ningu no axine shivae, pimivae, kixikila kümla shivae eno hebidevae, O yezah eno O khuaye lono tsüghüvae.

MATTHEW 10:3

Philip eno Bartholomew; Thomas eno asüqha küqhau Matthew; Alphaeus nu James eno Thaddaeus;

MATTHEW 6:5

“Eno kughou nongu no inikhuni keno, khilemu keghilishi kemi toi kevilo. Kughengu panongu ye timi pelo ithulu peniye sinagog lo eno alaphe lo puthugho no inikhuni keu no pano lokütü cheni. Kuchou no I no nongu vilo piani, panongu ye pano jume qhoi ithulu khavae.

MATTHEW 9:13

Hi ye kiu kiqi keno wuno shika lulo: ‘Ni ye kimiyekini laju ani thono aghakishi kumoe.’ Kughengu I no ighikeu ye amikuchomi kumono axinemi kuni ke ghenguno ke.”

Mark 11:25

Kughou nongu no akighini shiniye puthugho keno, khuana shou amlokiqi kumo aghi aye peve tsülo, tishikeu lono nongu Papu kungugha lo küau ghi nongu kipimi qhive tsü nani.”

Luke 17:12

Pa no aphu lakhi lo iloche kelo apüghami pano chighi no pa sasü kusholu niye putou puthughope aghi

Luke 22:41

Tishino pa ye atu vepuwo tokulupu qhemi lo wuno qhoqhünhe pe ishi inikhu,

Luke 23:48

Kughou aqokitikhi ti juniye ighi keqo no hi kümtsü ithulu keno, kümtsü no amloiju amla kukhu aki lo idewove.

Luke 5:8

Kughou Simon Peter no ti ithulu keno, pa no Jisü pukhu philo ikiqi no pi, “I launo wuvelo, O Ampeu, kughengu ni ye axinemi ke.”

Apostolmi 2:37

Kughou timiqo no hi chilu keno panongu mlo itapinyive no Peter ngo apostolmi kütami vilo pi, “Athiküzümiqo, ningu ye kiu shiveni kea?”

Rommi 5:8

ikemu Alhou no Paw kikimiye ni ghenguno akeu piye anipi nino axinemi shiaphi lou no Khristo no ni ghenguno thive tsü.

2 Kor. 7:11

Alhou küdau no amloghime peitha luve keu no nongu lolo kiu iqüphevetsü akeno julo: nongu kipimi kühakeu piyeni ke alokümsü shikeu, pimive kemi shou axuide keu, alhoksa shou piqepuloi lukeu, khekulho shikeu, amlo tsüqhiyi keu, eno alhoksau ghime keu! Hi kümtsü lo nongu no pimi püamo keu piyevae.

1 Tim. 1:15

Hi ye pükhübekulupu eno ikhikulupu tsae: Khristo Jisü no axinemi xalu nike ayeghi lo ighikeu gholo ni ye axinemi kümtsü nguno alhoksau ke.

IBRIMI 4:16

Tighenguno ningu amlo kumtoshi küpükini kükalakhü kupunu wuni nolo, tishianguno ningu no kimiyekini ithulu eno avehupu shive kelo küpükini phulu nani.

IBRIMI 8:12

Panow hekibide xineqo I no pevetsü nani, eno I no pano xineqo kihikülai tsümo nani.”