Luke 15:24 - Sumi Naga CL (Re-edited) Bible (BSI)

²⁴ Kughengu I nu hipau ye thive, ikemu itehi ye xüluvae; pa ye pühave kemu phuluvae.’ Tile kümtsü no alovi küqhauve.

BAIBEL (BSI)

²⁴ Kughengu inu hipauye thiveke ikemu itehiye pa akuxu auvae; paye puhave ikemu itehiye pa phuluvae.’ Tishino aghulhu shia.”

Sümi Tiqhelimi Bible

²⁴ Kughengu I nu hipau ye thive ke ikemu aküxü ideghivae; pa ye pühave ikemu phuluvae.’ Tisheno panongu ye alokivi ghulhu huthuve.

Luke 15:24 Iomraidhean Croise

BOTHUBO 45:28

Eno Israel no pi, “Tino kughomae; I nu Joseph ye xüaphie. I no wuni eno I no thimphi züuno pa sasü kushoni.”

ISAIAH 35:10

Ampeu no xachile luve kemi no ale phesü Zion lo ideighi nani; pülhapuju lokivi no panongu kütsü qhopu no amlokiqi shi alovi nani; eno küqa kumlo ye hauve nani.

ISAIAH 66:11

tishiaye nongu tuchohiju nani eno li kicheqho lono nongu lopiqitsü nani; li no shishe kupukuno shi akeu lono nongu ye alokivishi sholu nani.”

EZEKEL 34:16

I no pühave keqo phuwu nani, eno I no itsüsü wuve keqo sachile ighi nani, izapusü akeqo khakide küdai tsü nani, miqemlei keqo shikumto tsü nani, eno atha pubeyi akeqo ngo akumto shi akeqo ye I no kütsave nani. Achipiu lono I no panoqo loji nani.

EZEKEL 34:4

Nongu no miqemlei kemi shikumto tsümoe, aküsüu shipivi moe, aghüza kupuu khakide küdai tsümoe, itsüsü wuve keqo sachile ighimoe, pühave keqo phuwu moe, eno mkamihi panoqo shou ayepeke.

MATTHEW 8:22

Jisü no pa vilo pi, “I papelo, eno kithimi pelo panow kithimi juqho apelo.”

Mark 8:22

Panongu no Bethsaida lo ighi kelo, timi khami no anhechemi lakhi sasü Jisü lau ighi no pa u betsü penike qhüiniju.

Luke 10:19

Julo, nongu pelo tüghükupu pighi ngo achuwopaza nedalu, eno aghümi küka kümtsü qhasülu penike I no kükagha nongu tsüvae; eno kiumu nongu ghüzamo nani.

Luke 15:23

Amshiti athakupuu sawo heqhilo, eno ningu aghulhu shi alovini.

Luke 15:25

“Ikemu anu akichiu ye alu lo akehu, pa no aki kupunu ighi kelo, ale kiphe eno akighilhe sütsa chilu.

Luke 15:32

O thiküzüu hipau ye thive kemu xüluvae; pa ye pühave no phuluvae, tighenguno aghulhu shi alovi akeu ye achipie.’”

Luke 15:4

“Nongu dolo khuu no ambe aqhe akelo, lakhi pühave aye, lhotoku-toku ye achu kümzape qhive no lakhi pühave keu ithulu moke kutolo apashe wumoni keshea?

Luke 19:10

Kughengu Timi Nu ye pühave no akemi phuni ke eno xaluni ke ighie.”

Luke 9:60

Jisü no pa vilo pi, “Kithimi no panow kithimi juqho apelo. Ikemu nou ye wuno Alhou yekipe sheshu lo.”

John 11:25

Jisü no li vilo pi, “Ni ye Xüchilekulu eno aküxüpu ke, khunono I shou pülübeni keno, pa ye thive namu xüluve nani,

John 5:21

Kughengu Apu no kithimi xüputhu no aküxü tsü ketoi, Anu ghi aküxü pesü khuno tsünishi keno tsü nani.

Rommi 11:15

Kughengu panongu kileqhive keu huno ayeghiqha no külashilu aye, panongu ikhiluveni keloye akithi lono aküxü shive keu kumo aye kiu no kimghini kea?

Rommi 12:15

Khunono alovi aghini keno, pano gholo alovi küqhalo, eno mloqa aghi kemi gholo mloqa küqhalo.

Rommi 6:11

Tihutoi, nongu ampi ghi axine küdau ye thive akemu Khristo Jisü gholono Alhou lau xü anipi kihilo.

Rommi 6:13

Nongu phiau pesü axine lo tsüve ghi amikuchokumo ghenguno peitha kevilo, ikemu akithi lono aküxü lo süghive kemi toi Alhou lau nongu küxü ikhiphe tsülo, eno nongu phiau pesü amikucho ghenguno peitha penike tsülo.

Rommi 8:2

Kughengu aküxüpu Ghungu yezah huno Khristo Jisü küdau no axine ngo akithi yezah lono nongu kuqhovae.

1 Kor. 12:26

Aphiau lakhi no imeve aye, kümtsü no imeküqha cheni; lakhi no shekiqhe ithulu aye, kümtsü no alovi küqha cheni.

Ephesiami 2:1

Ghuthu lakhi lo nongu ye akipimi eno axine lo thi ache.

Ephesiami 2:5

nino ni xine lo thi akeghi Khristo gholono aküxüpu kughulhove tsü—nongu ye küpükini lono xaluvae—

Ephesiami 5:14

eno kiu kiumu ithuluve keu ye aküvü ake. Tighenguno ishi pi püani, “Ithulo, O aküzüu, eno akithi lono ithughilo, Khristo no o shou yepüvü nani.”

Kolosiami 2:13

Nongu khunoqo axine eno aphighüyiko ghamo keu lo thi ache keno, Alhou no ni xine kümtsü qhive tsüno Khristo gholono xüputhu tsüke,

1 Tim. 5:6

Ikemu chimemi khuu no li küxü kilhekulhu xüni keno, li ye xü aphi lono kithimi shivae.

Jude 1:12

Hipaqo no ighümo no nongu gholo kuposhu kelo nonguw kikimiye ghulhu tichetighepu shivetsü ani, ambekhemi no panongu ampi loji aketoi; tsütsüghu küha keu khüngküsü amülhü no fupe chekeshi; tixi lo axathi pithimo keu sübo, akuhu lono nhüve no thi kitheve ketoi;

Piyeküsü 3:1

“Sardis kukuhou lo kungumi lau yelo: ‘Khuu no Alhou Ghungu tsüni eno ayepu tsüni ani keno Pa tsape. “‘I no o kümlaqo ithi ani. No ye küxümi toi ajuaje xapu ani, ikemu no ye kithimie.