Luke 15:22 - Sumi Naga CL (Re-edited) Bible (BSI)

²² Ikemu apu no pa qemiqo vilo pi, ‘Mtazü aphimini akiviu süghi no pa pipelo, pa u lo anguthi sütsü lo, eno pa pukhu lo apukhuqho süpipe lo.

BAIBEL (BSI)

²² Ikemu apuhno pa qemiqo kuno pi: ‘Papashilo, akuuphi akiviu sughino pa pu-ulo. Anguthi pe pa-u lotilo sutsulo eno apukhu kuqho pe pa pukhu qhotsulo.

Sümi Tiqhelimi Bible

²² “Ikemu apù hu no pa qemiqo vilo pi, ‘Papashi chijeboboi-phi akiviu süghi no pa pu-u lo. Pa u lo anguthi pesü tsülo eno pa pukhu lo apukhukuqho qhopipe lo.

Luke 15:22 Iomraidhean Croise

BOTHUBO 41:42

Tithiu Pharaoh no paw jedapu nguthi pa u lono ikhiluve no tipau Joseph u lo süvetsü, phepheike phi pa pipeve, eno ameshoyi no mlakeu chi pa kuo lo xipipeve.

ESTHER 3:10

Ikehu akükau no paw jedapu nguthi ikhipe Agagmi Hammedatha nu Haman, Jewmi ghümi hu tsüve.

ESTHER 8:2

Akükauw jedapu nguthi, khikhi pa no Haman launo luve keno, tipau pe Mordecai tsüve. Eno Esther no Mordecai pelo Haman kilo ampeu shivepe.

LESHELE 132:16

I no xakulupu phimini pesü li chinemi pipe nani, eno akimthemi no alokivi lono ighamku nani.

LESHELE 132:9

O chinemi pelo achipiu mikucho pepu pelo, eno Ow akimthemi pelo alokivi lono ighamku pelo.

LESHELE 18:33

Pa no I pukhu pesü ashe pukhu toi shitsü eno qhemghai ke-a lo I pelo tsaqüi ngolupe.

LESHELE 45:13

Kükaliu ye ameshoyi no ghoküna keu phimini pepusü li chebo lo jukivipu shi ani.

ALE KIMCHI 7:1

O kükapuu nonga, nono apukhuqho pukelo o pukhu ye kiutoi jukivi kela! O lukobo chopumloi keu ye ameshoyi toi kütshaküghami u no mla püake toike.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

Luke 15:21

Anu no pa vilo pi, ‘I puo, I no Alhou eno o zülo axine shivae. Itehi ni ye o nue pi kuni keu aküzüpu kumovae.’

Luke 15:23

Amshiti athakupuu sawo heqhilo, eno ningu aghulhu shi alovini.

Rommi 13:14

Ikemu Ampeu Jisü Khristo lhoaye pepuni, eno khilemu ashi ghakiqipu shinike mineqhiyi keu jeli lo amlo tsümoni.

Rommi 3:22

Jisü Khristo lau aküpülü akeu vecheo pülülu kemi kümtsü Alhou lau achipikalu peniye ke. Ikehu tile kiyeqü keu kühae:

Rommi 8:15

Kughengu nongu ye akümsapu lo ideilove peniye aqüaxekishi ghungu ithulu ke kumoe, ikemu Alhou no atianuli shi saluve keu Ghungu ithulu ke, tishikeu lono ningu no “Apuo! Apuo!” ipi ighamku cheni.

Galatiami 3:27

Kughengu nongu khije no Khristo lau baptiz shisü luve akeno Khristo pepu luvae.

Ephesiami 6:15

atsakiviu pikülha nike kutope akeu pukhu kuqho qhopulo.

ZAKINIU 33:25

Ow khagho ye ayi ngo alazayi no aküptasü shi nani, eno o küxü tsala hutoi o küka ghi tishi nani.

Piyeküsü 19:8

Li pelo phepheike phi, phuphushi eno tsüghükhüi keu pepu penike tsüvae”— kughengu aphi tipau ye küpülümi mikucho kümla michipu ke.

Piyeküsü 2:17

Khuu no akini ani keno Aghungu no akukuhouqo lau piakeu chilulo. Khuu no theqhi luni keno I no küsü püakeu manna hami tsüni, eno atu kimiye lo aje kithe yepuku pe pa tsüni, ti ye khuu no ithuluni keno pa no kumo aye khunomu ti ithimo nani.’

Piyeküsü 3:18

I kükümsü hipau o tsü ani, no ye kinikülü shilu kepushi ami lono ghukimtheve keu ameshoyi I launo qhülu lo, eno akukujopu shi o phikümsa shi akeu ithulu pemo nike o nhalu kepu phi kimiye qhülu lo, itaghi o pelo ithuluve penike anhethi lo nupu chekeu küsüvi qhülu lo.

Piyeküsü 6:11

Tileno chijeboike phi kimiye pesü panongu aküphashi tsü, eno pano küsami aqemi ngo athiküzümi kütamiqo ghi panongu toi pithi khaveno akikihi kupulu moke dolo ado ikhonhei ngokhe aghilo pive.

Piyeküsü 7:9

Hipa thiu I no jupuwo kelo khunomu kihikhamla kepushi aqokitikhi kije, shiye lakhikhi, ashiaye jeli, timi eno atsa jeli, kümtsü no aphi kimiye pepusü au lo amsabo loka pe püzü kükalakhü eno Ambeti zülo puthugho aghi,