Luke 15:13 - Sumi Naga CL (Re-edited) Bible (BSI)

¹³ Kushuo kumo lo anu ayitiu no pa saje qhoi kimje pesü a-a kushuo lo wuve, eno tilau no pa kini kümtsü kuthole peitha khave.

BAIBEL (BSI)

¹³ Anu ayitiuye atsala hami thiu amheghi pa saje thaqhuye jekutsu, eno pisa pesu pano yeghi qhiveno wuve. Paye ayeghi kushuwalo wuve eno tilau lahilazakeu kuxu lono pisa kumtsu kilhekulhu puwokhave.

Sümi Tiqhelimi Bible

¹³ “Tishiwo kushuwa kumo lo anu ayitiu ye pa mheghi akeu kümtsü je pesü aghakhu kushuwa lo wuve eno tilau no lahilaza keu küxü lono pa kiní kümtsü kilhekulu puwokhave.

Luke 15:13 Iomraidhean Croise

LESHELE 73:27

Kughengu O launo putosü lo akemi ye pühave nani; O pükhü kümlami kümtsü Nono kishekhave tsü nani.

AHOLE 18:9

Khunono pa kümlapu lo pichi cheni keno, pa ye shiküpsau thiküzüu ke.

AHOLE 21:17

Ashi ghakiqipu kimiye chekemi ye kumlhomi shinani; aji ngo thazü kimiye chekemi ye kinimi shimo nani.

AHOLE 21:20

Akughupu thime ngo thazü ye alokütsümi kilo acheni, ikemu mbomzümi ye tipaqo kishi chuve cheni.

AHOLE 27:8

Timi lakhi no pa kibo qhive no khalau ghütsü likhive keu ye aghau no pa püsü lono itsü wuve keu toike.

AHOLE 28:7

Anu khuu no vethakulu kighithi ani keno Ayezah pelu cheni, ikemu mihemza kemi sasü kuloji kemi ye papu shikukujo ani.

AHOLE 29:3

Alokütsü kimiye kemi no papu lopiqi tsücheni ikemu küsalhami sasü kuloji kemi ye papu kini kilheve tsücheni.

AHOLE 6:26

kughengu kütüqhalimi ye ashopa lakhi me qhemie, ikemu anipu küsalhami ye aküxü ghi luvetsü cheni.

ISAIAH 1:4

Aha, axine shikicheu shiye, akipimi pekimshi xapu chekemi, alhoksa shiche kemi tianuliqo, amikuchokumo shiche kemi! Panongu ye Ampeu phevae, Israelmiw Akimtheu jukünatha eno ithithai no tsüghüsü athiu idewovae.

ISAIAH 22:13

Ikeghi julo, nongu no alokivi eno ahukülü shi amishi ngo ambe heqhichu eno atsaiji shove no pi, “Ningu chushoni nolo, kughengu thoghiu ningu ye thiveni ake.”

ISAIAH 30:11

alaghi lono ithauvelo, Israelmiw Akimtheu ghili ni vilo pi kevilo.”

ISAIAH 56:12

Panongu no pi, “I no atsaiji peighini, ningu aji kümka shoni nolo, eno thoghiu ye ishi tsala nguno kimghi mla kepushi alo nani.”

JEREMIYA 2:13

kughengu Iw timiqo ye axine kini shivae: panongu ye Ni aküxü züpuki phevae, eno pano sala azü tughuko, azü mighemla keu akughupo zütughuko mlake.

JEREMIYA 2:31

O nongu tiqhelimi, Ampeu tsa jukuto lo. Ni ye Israelmi ghenguno asayeqha momu aküzü shishoi keu yeghi shive akea? Imaye Iw timiqo ye kushiye, ‘Ningu ye ililai ani, ningu ye khilemu O lau ighimoae,’ ipi cheni kea?

JEREMIYA 2:5

Ampeu no ishi piani: “O puasüqo ye I lau achipikumo kiu ithulue pi panongu ye I launo putosü lo wuve, eno ameküküha pape wuve no ame kühave kea?

MICAH 6:3

“O Iw timiqo, Ni ye nongu lau kiu shive kea? Ni ye kishi nongu züpüzüve kea? I khochile lo!

Luke 15:12

Ayitiu no papu vilo pi, ‘I pu, amheghi lo I saje akeu ye I tsüve lo.’ Apu no anu pama dolo amheghi hu kijeve tsü.

Luke 15:14

Kughou pa no qhoi peitha khave keno, tipa ghakhu lo püqümiye kije ipeghive no pa ye thokha avehupu shiuve.

Luke 15:30

Ikemu kughou o nu khuu o mheghi kuchopu pesü kütüqhalimi gholono kuthole khave tsü keno, hipau no ighi kelaye nono pa ghenguno amshiti athakupuu heqhi tsüe!’

Luke 16:1

Jisü no itaghi pa khopemi vilo pi, “Kinimi lakhi gholo hekujuu lakhi ache, ghulo lakhi paw hekujuu no pa küakini kilhekului peitha acheni kepi atsa pa tove.

Luke 16:19

“Kinimi lakhi acheke pa ye hughai eno phepheike phimini pepu, eno tsalakipe achuqupu kivi tule-pele chusho che.

Ephesiami 2:13

Ikemu Khristo Jisü laumi shilu keu lono nongu khunoqo ghuthu lakhi lo putou ache keno, itehi ye Khristo ji vecheo aphivilo sasü ighivae.

Ephesiami 2:17

Khristo no ighi no külakishi pesü nongu putou akeqo ngo aphivilo akeqo vilo sheshue.

2 Peter 2:13

pano kümla lhoksa ghenguno tipau jume aghimepu tsü nani. Atsala küvü lono panongu shiaji ghapiqi keu no pano pulou ke. Panongu ye panow pishikiqhi lono aghakiqi shi nongu gholo akukujopu eno tichetighepu shi chusho acheni.