Luke 13:6 - Sumi Naga CL (Re-edited) Bible (BSI)

⁶ Jisü no kimghikipiye hipau pesü pi, “Timi lakhi no pa xathili lo mububo shosü, ado hami thiu pa no asübo tipau lo axathi jusü ighi kemu lakhimu ithumlave.

BAIBEL (BSI)

⁶ Tishieno, panongu vilo Jisu no hipau holetsa pi: “Timi lakhino axathililo khughuthibo lakhi pighia. Pano khughuthi pithi aghini malaye juwu kemu lakhimu ithumla.

Sümi Tiqhelimi Bible

⁶ Tisheno pa no aholetsa hipau pi: “Timi lakhi no atsailu lo mububo pighi ache, ike pa no axathi ju nike ghenguno mububo lo wu, ikemu lakhimu ithumla.

Luke 13:6 Iomraidhean Croise

JEREMIYA 2:21

Tishimu akighiche tsaibo, qhoi tsüghükhüi keu piti toi I no o shosü ke. Imaye kishino no ye tsüuve no aghalo tsaibo shive kea?

JEREMIYA 8:13

I no panongu hekütsü kelo, Ampeu no asheshu, atsaibo lo atsaithi küha nani, mububo lo mubuthi küha nani; anipaqo ghi kimghoive nani, eno I no kiu panongu tsü keno pano launo süwuve nani.”

Luke 13:5

I no nongu vilo piani, kumoe; ikemu nongu no xaidemo kelo nonguu ghi kümtsü titoi pühave nani.”

Luke 3:9

Itehimu amüghü ye asübo philo qhipüani. Tishikeu lono axathi kivi pithimo keu sübo thaqhü ye yeqhipe ami lo vesüve nani.”

John 15:16

Nongu no I kisheluke kumoe, ikemu I no nongu kishelu eno nongu pelo wuno ighive moni keu xathi kutomo pithi peniye süsüe, tishianguno nongu no I je lono Apu vilo kiu kiumu khu aye Pa no nongu tsünani.

Galatiami 5:22

Ikemu Aghungu xathi ye kikimiye, alokivi, aloino, kutuukulu, kimiyeqhiyi keu, akivi, pükhükulu,

FILIPIAMI 4:17

Ni ye agho laju anike kumoe; ikemu nongu no kike achekeu lo alau kighishelu penike phucheni.

XAKUTHAMI 9:11

Ikemu mububo no pi, ‘Ni ye asüboqo shou ayepe niye I xathi kivi ngonyi keu qhiveni keshea?’