Luke 13:14 - Sumi Naga CL (Re-edited) Bible (BSI)

¹⁴ Ikemu Jisü no Sabbath lono shipivie pikeu huno sinagog yepeu gha shikighidepe timiqo vilo pa no pi, “Akümla shikepu aghi keu ye atsala tsügho dolono mla cheni. Sabbath tsala lou no kumono tipaqo tsala lou no ighi no shipivi lulo.”

BAIBEL (BSI)

¹⁴ Sinagog lo sakipheuye Jisu no apinenino shipivi kehu axu ideve; ikehu paye timiqo vilo pithu: “Atsala tsugho lono akumla mla itha kepue, ike tipaqo tsala lono ighino shipivi lukhalo, ikemu apineni tsala loye tishi kevilo!”

Sümi Tiqhelimi Bible

¹⁴ Jisü no Sabbath tsalà lono shipivi keu ghenguno, synagog lo sakipheu no aghaideve no timiqo vilo pi, “Akümlà shini ke ghenguno atsala tsügho ani. Tighenguno Sabbath tsalà lono kumo no, tipaqo tsalà lono ighino shipivilu alo.”

Luke 13:14 Iomraidhean Croise

IPEKULU 20:9

Nongu no atsala tsügho mlalo, eno nongu kümla kümtsü shini,

IPEKULU 23:12

“Atsala tsügho dolo nono o kümla shini, ikemu atsala akütsüniu loye akulhoqhi lo; tishianguno o mishitsü ngo ow khurha no akulho qhilu peni, eno o qemi totimi nuli ngo shoinami pelo aghüthi püxü kithelu penie.

EZEKEL 20:12

Tinguno alau, I no Ni eno panoqo lau amchipu lakhi shi Iw Sabbath panoqo tsü, tishikeu lono Ni ye Ampeu, panongu qhukimthe tsükeu kepi ithi peniye ke.

EZEKEL 34:21

Kughengu panoqo no inaghau apanagha wuve moke kutolo nongu no nongu kibo pesü miqemlei kemi kümtsü shoqhi eno tuha no qodaqhi kehu,

ACHINE 23:3

“Atsala tsügho dolono akümla shini, ikemu atsala akütsüniu ye Sabbath kulhokiqhi hoho tsalae. Nongu ye akümla shimoni, Nongu no khile khile xünamu hi ye Ampeuw Sabbath ke.

MATTHEW 12:2

Ikemu kughou Phariseemi no ti ithulu keno, panoqo no Jisü vilo pi, “Julepi, Sabbath khuaye lo kiu ani keno o khopemi no ti hebide ani.”

Mark 5:22

Tile sinagog lo yepemi gholo lakhi, Jairus ipikeu, ighi no Jisü ithulu kemtsa Pa pukhu philo itsaqi ngove,

Luke 6:11

Ikemu Jisü kipimi phu akeqo ye axuideve eno pa lau kiu shimasa keno pano dolono küptsauve.

Luke 6:7

Phariseemi ngo Ayezah shikükami no akipimi pesü Jisü tsülu kepu laghi phu akehu pa ye Sabbath lono shipivi nani kemo keno jua.

Luke 8:41

Tile timi lakhi khuu sinagog lo yepemi keno, Jairus ipikeu no ighi. Pa no Jisü pukhu philo ikiqi ngono mlominyi pa kilo ighitsü penike qhüiniju.

Apostolmi 13:15

Moses Yezah eno Tungkupmi kaku phisü kethiu sinagog lo yepemi no pama lau atsape tsüpuwu, “Athiküzümi, nokujo no timiqo shikumto kepu tsa aghi aye pilo.”

Apostolmi 18:17

Tileno timi kümtsü no sinagog yepeu Sosthenes tsüqü luve no angh zülono pa heqhi thuve. Ikemu Gallio no kiumu alomsü tsümoe.

Apostolmi 18:8

Sinagog yepeu Crispus no pa kibolomi kümtsü sasü Ampeu küpülümi shive. Corinthmi kutomo no Paul no pikeu tsa chilu no pülü luve eno baptiz shive.

Rommi 10:2

Kughengu I no panongu shepe shilu anike panongu no Alhou lau amlo tsükeu ye thonhei, ikemu ti ye kuchou kighithi kiqi lono kumoe.

ZAKINIU 5:13

Atsala tsügho dolono nongu kümla thokha shini,