Luke 12:17 - Sumi Naga CL (Re-edited) Bible (BSI)

¹⁷ pa no pa ampi pütsa ghi pi, ‘Ni ye I thi pekütsü kepu a-a khilehi mu kühava no kiu shinia kela?’

BAIBEL (BSI)

¹⁷ Pano pa likhi pa putsaghi pi, ‘Niye kishini kela, athi kiulo pekutsu mova!’

Sümi Tiqhelimi Bible

¹⁷ Pa likhi pa no ishi kümsüe, ‘Ni ye kishinia kea? Ni ye iw athìqo pekütsü kepu a-a kühavae.’

Luke 12:17 Iomraidhean Croise

YETSAPIU 11:2

Ayeghi lo kiu nguküsa tsala ighini keno mtha kehu o chuqupu saje pesü timi tsüni momu tache mu tsülo.

ISAIAH 58:7

Kümvü keu ye müzüthi aghi kemi sasü nongu chuqupu küsajeni keu, eno aki küha kemi nongu ki lo sasüni keu, aphimini küha kemi aphimini tsüni keu, eno alimi launo itshü wuve moni keu noke kumo keshea?

MATTHEW 16:7

Panongu dolono ishi küptsa kile thuve, “Ningu no asho süghimo kehu pa ye ishi pianie.”

MATTHEW 5:42

Khuana no o qhüiniju khu ighi aye tsülo, eno o lau tüsütüna shi ighi kelo mili kevilo.

Luke 10:25

Ghulo lakhi Ayezah shikükau no puthugho no Jisü pejuni ye pi, “Shikükau, ni ye lhokta küxü ighi lunike kiu shimasa kea?”

Luke 11:41

Ikemu alou no ipeghi püzü kumlhomi tsülo, eno julo, nongu ghenguno thokha mithe ani.

Luke 12:16

Tileno panoqo vilo pa no kimghikipiye pi, “Kinimi lakhi no ayeghi kivi lo alu chino ghile lo apolue,

Luke 12:18

Pa no pi, ‘Ni ye hi shinia kena: I no I le xave no hinguno akuloghiu shiqheni, eno I thi ngo I nhemgha jeli kümtsü tile pekütsüpe qhini.

Luke 12:22

Jisü no pa khopemi vilo pi, “Tighenguno I no nongu vilo piani, nongu küxü lo kiu chushoni; momu nongu philo kiu pepuni kelapi keu lono amlo kütakihi kevilo.

Luke 12:29

Tishiaye, kiu chushoni kelapi alomsü auve kevi, momu tipa ghenguno kütakihi kevilo.

Luke 12:33

Nonguw tinhemghaqo jepe aveküsami tsülo. Nongu ampi sala kungugha lo pepüha moni keu kinibo, khile küpkami no ighimla eno apila no tsapüha mla keno, tilau pighi lulo.

Luke 16:3

Hekujuu no pa ampi pütsa ghi pi, ‘I mpeu no I kümla luve tsüniye shivano ni ye kiu shiveni kea? Ni ye mtomo keke alu hokide no mla luni chemo, eno khuchu nike kujoe.

Luke 16:9

I no nongu vilo piani, ayeghi lo küakini pesü nongu ghenguno aküsami shikile lulo, tishianguno kughou no ti kühaveni keno, lhokta kungo-a lo alokivi shi nongu sasü nani.

Luke 18:22

Kughou Jisü no hi chilu keno, pa no pi, “No ye thime lakhino kupu mphi kena. Nono akeu thime kümtsü jepe kumlhomi kijeve tsülo, eno no ye kungugha lo akinikhuki aniae; tishino ighi no I papelo.”

Luke 19:17

Pa no khochile, ‘Aghile shivae, aqeu kivi! No ye aghulo lo ghi pükhükulupu shike itehi ye nono aphughi chighi shou aküka peithani.’

Luke 3:11

Pa no khochile, “Khukhumu aphiküzü kini akeu no küha kemi sasü küsaje lo, titoi achuqupu akeu no tishilo.”

Apostolmi 16:30

Pa no pama sasü khalau ipeghi no pi, “Akijeu, I xalu penike ni ye kiu shimasa kea?”

Apostolmi 2:37

Kughou timiqo no hi chilu keno panongu mlo itapinyive no Peter ngo apostolmi kütami vilo pi, “Athiküzümiqo, ningu ye kiu shiveni kea?”

Rommi 12:13

Küpülümi vehupu lo qhasü tsülo eno pütüta ki lo shoinami sasükinimi shilo.

1 Tim. 6:17

Ishi tiqheli lo kinimi vilo qheza kevilo pilo, momu mtsüqhei mokeu kini shou pano lajupu bekevilo pilo, ikemu alokiqipu shilu peniye thokha pofushi ningu tsü chekeu Lhou shou lajupu belo pilo.

1 John 3:16

Hipau lono ningu no kikimiye ithilu ani: Khristo no ningu ghenguno Pa küxü pephe tsüve kehu ningu ghi athiküzümi ghenguno ni küxü pephetsü kepue.