Luke 11:4 - Sumi Naga CL (Re-edited) Bible (BSI)

⁴ eno ni kipimi peve tsülo, kughengu ningu ampi no ni pi kupumi kipimi pevetsü cheni. Eno ghukuju lo ni sailotsü kevilo.”

BAIBEL (BSI)

⁴ Eno ningu kipimi pevetsulo, kughengu nighi nilau akipimi shivekemi kipimi pevetsu cheni. Eno ghukujulo ni sawu kevilo.’ ”

Sümi Tiqhelimi Bible

⁴ Ningu xinéqo qhive tsülo, kughengu ningu ghí kütami no ni lau akipimí shikeqo pevetsü cheni ke. Eno ningu pelo ghukuju lo ilove pe kevilo. Ikemu küsakügha lau no ni xaphe tsülo.’ ”

Luke 11:4 Iomraidhean Croise

BOTHUBO 48:16

kungumi khuu no alhoksa kümtsü lono I xachilelu keno, Pa no apu pama kümghatsü peniu; pama launo I je, I pu Abraham ngo Isaac je pewo peniu; eno ayeghi lo pama pelo aqokitikhi shi ikowolu peniu.”

KUKAMI ATUGHIU 8:34

kungugha lono chilu tsüno Ow timi Israelmi xine qhive tsülo eno panongu sasü pano puasü tsükeu yeghi lo saghi tsülo.

KUKAMI ATUGHIU 8:36

kungugha lono chilu tsüno O qemi Israelmi xine qhitsülo. Panongu no chewu kepu laghi kivi kiche tsüno Ow timiqo lau amheghi shi tsüve keu yeghi lo tsütsüghu puwu tsülo.

LESHELE 121:7

Ampeu no alhoksa jeli kümtsü lono o süsholu nani Pa no o küxü püxü tsü nani.

LESHELE 25:11

O Ampeu, O je lono I kipimi qhive tsülo, kughengu I kipimi ye kije ke.

LESHELE 25:18

I ghime eno I küküpna kümsüju tsülo, eno I xine kümtsü qhive tsülo.

DANIEL 9:19

O Ampeu, inilo; O Ampeu, akipimi qhitsülo. O Ampeu, amlo tsüqhiyi shino mla tsülo. O je ghenguno munu kevilo, O I Lhou, kughengu Ow mishighüna eno Ow timiqo ye O je ku achenie.”

HOSIYA 14:2

Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.

MATTHEW 18:35

Ikehu nongu no amlo lono no thiküzümi kipimi peve tsümo aye, I Pu kungugha lo akeu no hitoi nongu lakhikhi lau shinani.”

MATTHEW 26:41

Ghukuju lo ilovemo kepushi tsükhüi shino inikhu lo. Aghungu ye pulo ani kemu ashi no qeinai anie.”

Luke 11:5

Jisü no panoqo vilo pi, “Nongu gholo khuana no aküsami aghini, eno nono zübumtau no pa lau wu püzü ishi pini, ‘I küsau, asho küthü I püna tsülo,

Luke 13:4

Momu Siloam lo pano chighitache khunoqo shou aqoghe ilaqi veqhi pithive keno: panoqou no Jerusalem lo küxümi kümtsü nguno alhoksa kümla shiche kepi nongu ye kümsü ani keshea?

Luke 22:46

Jisü no panongu vilo pi, “Nongu ye kushiye züani kea? Ghukuju lo ilo pemoni ke ithu inikhu lo.”

Luke 8:13

Khikhi atuqu shou iku keno tipaqo ye, Atsa chilu kelo alokivishi ikhilu chekeqoe. Ikemu panongu ye akuhu küha kehu ado kitila ghenguno pülü cheni, eno peju keu do ighike lono idewove cheni.

John 17:15

Ni ye O vilo ayeghiqha lono panoqo ikhiphe luve tsülo piamoe, ikemu alhoksau launo Nono panoqo khe tsülo piani.

1 Kor. 10:13

Timi lau ghukuju ighi chekeu nguno alau ye ghukuju kiumu nongu shou ikughi mphi. Alhou ye pükhükulupu, eno Pa ye o kumto qhemi nguno alau o ghuju pemo nani, ikemu ghukuju gholono, o pelo polupe kepu laghi tsü nani, tishikeu lono o pelo puqhelu penani.

Kolosiami 3:13

Lakhino lakhi lau kheakulu shino mopi kepu aghi namu akipimi pevetsü kilelo, Ampeu no nongu kipimi qhive tsüke toi nongu ghi lakhino lakhi kipimi qhitsü masae.

2 Thes. 3:3

Ikemu Ampeu ye pükhükulupu ke. Pa no alhoksa lono nongu iqhi kumto eno khekuto tsü nani.

2 Tim. 4:18

Ampeu no alhoksa jeli kümtsü lono I xaphelu nani eno Paw kungugha yekipe lo I sasü ilo nani. Alho lono alholo ajuküvü Pa tsülo! Amen.

James 2:13

Kughengu khunono akipimi qhitsü moni keno küghakütha lo pano kipimi qhitsümo nani. Akipimi qhikütsü no küghakütha shou tokulu cheni.

Piyeküsü 2:10

Nono kiu ghime sholu niye ani keno msa kevilo. Julo, nongu gholo khami ye tüghami no pejuni ye akughuki lo süveni ke kuto ani, eno atsala chighi kutolo nongu ye küsakushu shinani. Akithi kutolo pükhü kulupu shilo, eno I no aküxüpu kütsükuqho pesü o tsünani.

Piyeküsü 3:10

Nono I tsa papelu ghi kutuokutuu puqhelu ke ghenguno ayeghiqha lo xüküami pejuni ke aveküsa tüqhüdo aqha kümtsü lo chekeu lono Ni ghi o süsholu nani.