Luke 11:26 - Sumi Naga CL (Re-edited) Bible (BSI)

²⁶ Tileno pa no wuno pa nguno alhoksau aghawu tsüni sasü ilo tile auve. Eno timi tipau ye atüghü lo nguno alau alhoksa shive.”

BAIBEL (BSI)

²⁶ Tileno pano wu puzu kutau panguno alau mithekumou tsuni saghi, eno tipaqono ilo tile ngove, tipa tikhauye timi hu ye atughulo kuxu nguno alhoksau shive.”

Sümi Tiqhelimi Bible

²⁶ Tile no, pa no wu no pa nguno alau küsakügha ghungu kütami tsünì sasü ighino panongu tile ilo ngove cheni. Tithiu timi tipau ye atüghi lo nguno alomo kitheve cheni.”

Luke 11:26 Iomraidhean Croise

ZEFANIA 1:6

Ampeu papeche no athiu idewove kemi, Ampeu phumo momu Pa küsütsamo kemi kütsave nani.”

MATTHEW 12:45

Tileno pa no wuno pa nguno alhoksau aghawu tsüni sasü tile ilo ngove, ikehu timi huye atüghü lo nguno alau alhoksa shikitheve. Ikehu alhoksa tiqheli hipau ghi titoi nani.

MATTHEW 23:15

Nongu Ayezah shikükami ngo Phariseemi hasapue, keghilishi chekeqo! Nongu no timi lakhi sawo no chineye lo süniye azüghi eno ayeghi kathasü wucheni, kughou tishi luveni keno nongu no pa pesü ghuthu kini nongu nguno alau aghime shipe cheni.

Luke 11:25

Pa no ighi kelo aki huye khuve no kithikiyi aghi.

Luke 11:27

Jisü no atsa hipaqo pi akelo aqokitikhi gholo totimi lakhi no asütsa süqhe ghi pa vilo pi, “O punu eno o pini keu aza ye akümghapue!”

John 5:14

Athiuno Jisü no achineki lo timi hu ithulu no pa vilo pi, “Julo, no ye vivae! Hinguno hilau ye kiuala alhoksa o shou ighi pemoni ke axine shikithe kevilo.”

1 John 5:16

Khuana no pa thiküzümi lakhino akithipu kumo xine shi aghi keu ithulu aye, Alhou lau khulo, eno Alhou no aküxü pesü akithipu kumo xine shive kemi tsü nani. Akithipu lo sailove chekeu xine ghi ani; tipau ghenguno inikhu kepue pi ni ye piamoe.