Luke 10:21 - Sumi Naga CL (Re-edited) Bible (BSI)

²¹ Tipa süchedo lo Jisü no Aghungu Kimthe lono alovilu no pi, “Atsütsü ayeghi Mpeu, Apuo, I no O sheqhe akeu ye Nono alokütsümi ngo kighithimi launo thime hipaqo küsüve no itimi kititiqo lau pephetsü ke; iyei Apuo, kughengu hitoi shikeu no O mlokiqipu ke.

BAIBEL (BSI)

²¹ Tipa dolo Aghungu Kimthe no alokivi pesu Jisu hupitetsu, eno pano pi, “Atsutsu eno ayeghi Mpeu, Apuo, ino oshikimthi ani, kughengu nono thime hipaqo alokutsumi ngo ithishekemi launo kusuluveno, mthakemi lau pephepiyeke. Iye, Apuo, nono hi shitsukeuye tino opulou kehue.

Sümi Tiqhelimi Bible

²¹ Tipau tüqhüdo lo Aghungu Kimthe vechewo alokivi pesü Jisü hupite tsü, eno pa no ishi pi, “Atsütsǘ eno ayeghi Mpeu, Apùo, I no O sheqhe ani, kughengu nono alokütsümi eno ithisheve kemiqo lau no thime hipaqo küsüpe qhive, eno anuli itimiqo lau tipaqo pephe-piye ke. Iyei, Apùo, hitoi shikeu ye O pulou kiqi lono shikeu ke.

Luke 10:21 Iomraidhean Croise

LESHELE 24:1

Ayeghi eno tipau lo akeu kümtsü Ampeuw ke, ayeghiqha eno tile küxümi ghi Paw ke,

LESHELE 25:14

Ampeu ye Pa sümsa chekemi sasü shou-pau shicheni, eno Paw puloshoqhi pesü panoqo pelo ithipe cheni.

LESHELE 8:2

Nono amkhü kulumi ngo aghümi ghasüve niye Anga kughunu ngo ititunu kichi lono, O ghümi ghenguno akumto ghope qhie.

ISAIAH 29:14

tighenguno julo, I no itaghi timi hipaqo lau ishokibe akichiqhipu kümla shini; eno panongu gholo alokütsümi lokütsü pühave tsüni, vethakulumi lotsü küsüve tsüni.”

ISAIAH 35:8

Tile alaghila auve no tipau pesü Akimthe Laghi ipi ku nani; mithekumomi ye ti pülamo nani. Ti ye Alhou timiqo sala shinani; mbomzümi mu tipa la vezüve monani.

ISAIAH 53:11

Pa ngulho no ghichheghime shi akeu dolono Pa no juno aghapiqilu nani; I qeu, achipiu huno Pa lokütsü vecheo, timi kutomo pelo achipiu shilupe nani, eno Pa no tipaqo kipimi puluve tsünani.

ISAIAH 62:5

Apulhothe lakhi no ililhothe sasü külau ketoi, o punoqo no o sasü küla nani, eno külapuu no paw külaliu jupe alokivi shi ketoi, o Lhou no o shou alokivi shi nani.

ISAIAH 66:1

Ampeu no ishi piani: “Kungugha no I kükalakhü, eno ayeghi no I pukhu kinepu ke; tishiaye nongu ye I ghenguno kiu toikeu ki shitsü luni kea? Eno kiutoi keu lo I pelo ngopeni kea?

ZEFANIA 3:17

Ampeu o Lhou no o gholo ani, akughushuu, xaluni küau no alokivi shi o jupe amloqi; eno nono Paw kikimiye lo iqünhei lunani; Pa no igha alephe o jupe alovi nani.

MATTHEW 16:17

Jisü no pa vilo pi, “Jonah nu Simon, no ye akümghapue! Kughengu timi shi aji no o lau hi pephe piyeke kumoe, ikemu I Pu kungugha lo akeu noke.

MATTHEW 21:16

eno panongu no pa vilo pi, “Hipaqo no kiu piani keno no ye chilu anima?” Jisü no panoqo vilo pi, “Iyei; eno nongu ye ishi yepüa keu phimla aphi keshea? “‘Itimi ngo angakughunuqo kichi lono akiqheu shekiqhe tsü penike nono kuto tsüe.’”

MATTHEW 3:7

Ikemu kughou pa no baptiz tsüchekeu-a lo Phariseemi ngo Sadduceemi kutomo ighikeu ithulu keno, panoqo vilo pa no pi, “Nongu tüghükupu pighitiqo! Khuu no nongu ye Alhou loghu chekeu lono poluve nanie pi kütüghü kea?

Mark 10:15

Kuchou no I no nongu vilo piani, khukhumu itimi toi Alhou yekipe ikhilumo keu ye khilemu tile ilomla nani.”

Luke 15:5

Kughou ti phuluni keno, pa no alokivi shi pa bighi lono xapusü

Luke 15:9

Kughou ti phuluni keno, li no aküsami ngo akisüghümi kukütsü no picheni, ‘I gholo alovi küqhalo, kughengu ni ye Iw pisa muno pühave keu phuluvae.’

John 11:41

Ikehu panongu no atuqu ikhive. Eno Jisü no kunguu jupuku no pi, “Apu, Nono I tsa chilu tsüke ghenguno I no O shikimthi ani.

2 Kor. 4:3

Tsala ningu tsakiviu no nha püaghi namu, ti ye khunoqo pühauve chea keno tipaqo lau likhi küsüve ake.

Ephesiami 1:11

Alhou khuu no thokha Pa pulou kimji lono mlaitha cheni keno, Pa kukughu lono azünatha ningu kishelu kehu ningu ye Khristo laumi shilu keu lono Alhouw akütsa mheghi shiluvae,

Ephesiami 1:5

Pa no ningu pesü anuli shi saluve niye Pa kupulo kimji kiqi lono azünatha Jisü Khristo vecheo ningu kishelu,