Luke 10:16 - Sumi Naga CL (Re-edited) Bible (BSI)

¹⁶ “Khuu no nongu tsa chiluni keno, I tsa chilu ani, eno khuu no nongu kileveni keno, ni eno I puwu keu kileve ani.”

BAIBEL (BSI)

¹⁶ Jisu no pa khopemi vilo pi, “Khuno nongu tsa chiluni keno itsa chilu anie, eno khuno nongu miliveni keno imilive ani eno khuno imiliveni keno ipuwukeu milive anie.”

Sümi Tiqhelimi Bible

¹⁶ “Khukhumu nongu tsa ini akeu ye I tsa ini anie, eno khukhumu nongu milive akeu ye I milive anie; ikemu khukhumu I mili kemi ye I no puwu akemi milive anie.”

Luke 10:16 Iomraidhean Croise

IPEKULU 16:7

eno inaqhe no nongu no Ampeu juküvü ithulu nani, kughengu nongu no Ampeu shou muchho keu Pa no chiluvae. Kughengu nikujo ye kiue pi nongu ye nikujo shou muchho ani kea?”

IPEKULU 16:8

Moses no pi, “Ampeu no nongu pelo chu penike avelau no ashi tsü nani eno inaqhe no asho pesü nongu ghapiqi tsü nani, kughengu nongu no muchho akeu ye Ampeu shou muchho ani kepi Pa no nongu kumchho chiluvae—nikujo ye kiu kea? Nongu kumchho ye nikujo shou kumoe, ikemu Ampeu shou ke.”

MALAKI 1:6

“Anu no apu gihu, eno aqeu no ampeu gihu cheni. Tsala I no apu lakhi shi aghi aye, I gigihupu ye khile ani kea? Eno tsala I no ampeu shi aghi aye, I sümsa keu ye khile ani kea? ipi aqokitikhi Mpeu no nongu achinemi, khunoqo no I thaigha cheni keno tipaqo vilo pi. Ikemu nongu no pi, ‘Ningu ye kishi O jukünatha kea?’

AKIKIHI 14:11

Ampeu no Moses vilo pi, “Timi hipaqo ye khitohi I jukünatha anani kea? Eno I no panongu gholo amchipu kümtsü mlave pülaghi panongu ye khitohi I pülü mono anani kea?

AKIKIHI 14:2

Eno Israelmi kümtsü no Moses ngo Aaron shou muchho eno pi, “Ningu ye Egypt lou no thiveke pavini chekeghi lae! Momu hipau sayeqha lono thiveke pavini chekeghi lae!

AKIKIHI 16:11

Tighenguno nongu eno nongu papemi no kumqo akeu ye Ampeu shou hebidevae. Aaron ye khu keno pa lau muchho ani kea?”

MATTHEW 10:40

“Khukhumu nongu ikhilu keu ye ni ikhilu ani, eno ni ikhilu keu ye I puwu keu ghi ikhilu ani.

MATTHEW 18:5

“Khukhumu I je lono itimi hitoi kemi ikhilu keu ye ni ikhilu ani,

Mark 9:37

“Khunono I je lono itimi hitoike lakhimu ikhiluni keno ni ikhilu ani, eno khunono ni ikhiluni keno, ni kumono I puwu keu ikhilu ani.”

Luke 9:48

eno panongu vilo pi, “Khukhumu I je lono itimi hitoi kemi ikhilu keu ye ni ikhilu ani, eno ni ikhilu keu ye khuu I puwu keno, Pa ikhilu ani. Kughengu nongu gholo khuu no aghulou keno, pa no akijeue.”

John 12:44

Jisü no ighamku pi, “Khunono I pülü ani keno, I pülü anike kumoe ikemu I puwu keu pülü ani.

John 12:48

I milive no I tsa ikhilumo keqo ghengu ye küghaküthau lakhi ani; I no pive keu tsa no ashekha tsala lo pa shou küghathabe nani.

John 13:20

Kuchou no I no nongu vilo piani, khunono I no puwu keu ikhiluni keno ni ikhilu ani, eno khunono ni ikhiluni keno, I puwu keu ikhilu ani.”

Apostolmi 5:4

Ti jemphi lonomu ow ke kumo? Eno jeve kethiu ghi o u lo ae. Imaye, kushiye hikithipu shinike o mlo lo kughuphe kea? No ye timi lau kumono Alhou lau mikivae.”

Galatiami 4:14

eno I phimpi lo küsükini anamu nongu no I thogha momu peve mono Alhouw kungumi toi eno Khristo Jisü toi ni ikhilue.

1 Thes. 4:8

Tighenguno khuu no hi ikhilu moni keno, pa ye timi kumono Aghungu Kimthe nongu tsükeu Lhou ikhilu amoe.