Luke 1:35 - Sumi Naga CL (Re-edited) Bible (BSI)

³⁵ Kungumi no khochile, “Aghungu Kimthe no o shou ikughi nani eno Shishe Akiqheu küka no o nhape ngo nani; ikehu anu punu niye akeu ye Alhou Nu akimtheu ipi ku nani.

BAIBEL (BSI)

³⁵ Kungumino li vilo pi: “Aghungu Kimthe no oshou ighi nani eno Alhou kuka oshou ngo nani. Hi ghenguno akimthe nga khikhi punu nani keno tiye Alhou Nu ipi ku nani.

Sümi Tiqhelimi Bible

³⁵ Kungumi no khochile: “Aghungu Kimthe no O shou ikughi nani eno Alhou Akiqheu küká no O küzüluve nani. Eno akimthe ngá punú niye shi akeu ye Alhou Nu ipi ku nani.

Luke 1:35 Iomraidhean Croise

JOB 14:4

Mithekumo lono akimthe thime süghilu nanio? Khumu kühae.

JOB 15:16

imaye, khuu no aphikümqhüpu eno shiküpsapu keno, azü toi amikuchokumo yeche keu ye kishita akimkheu kelae!

JOB 25:4

Imaye kishino timi ye Alhou zülo achipiu shiluni kea? Kishino totimi no punu kemi no mqhamqhi luni kea?

LESHELE 2:7

I no xaküthaza pini: Ampeu no I vilo pi, “No ye I Nu; ishi tsala lono I no o pu shivae.

LESHELE 51:5

Julo, ni ye axine lono punue, eno I za no axine lono I mishike.

MATTHEW 1:18

Jisü Khristo ye hitoi punu: Paza Mary ye Joseph sasü akibo shinike küsükha kileve no ache, ikemu pama no kümtsa küghüna mphi lono li ye Aghungu Kimthe launo mishipuve aghikeu ithulu.

MATTHEW 1:20

Ikemu pa no hipa vehu kümsükuto ake lono julo, Ampeuw kungumi lakhino asamou no pa lau ipeghi no pi, “David nu Joseph, Mary pesü o nipu shinikeu msa kevilo, kughengu li no khikhi mishipu ani keno ti ye Aghungu Kimthe launo ke.

MATTHEW 14:33

Ashuka lo akeqo no Jisü sheqhe ghi pi, “Kuchou no no ye Alhou Nue.”

MATTHEW 27:54

Ghüshimi aqhe shou zatsüu eno pa gholo akeqo no Jisü khekuto akelo ayeghi küghütha eno tile kiu shive keno kümtsü ithulupe thüghüive no pi, “Pa ye kuchou no Alhou Nue!”

MATTHEW 4:3

Tileno ghukujuu no ighi no pa vilo pi, “Nono Alhou Nu shiaghi aye, atu hipaqo pesü asho kughulhoveni keu za tsüju lo.

Mark 1:1

Alhou Nu Jisü Khristo tsakiviu ghili hukuthu.

Mark 1:24

“O Nazarethmi Jisü, no ye ningu lau kiu shikepu ani kea? No ye ni kütsave niye ighive akeshea? Ni ye no khuu keno ithi ani—Alhouw Akimtheu ke.”

Luke 1:27

eno ililhothe lakhi Mary lau ighi, li ye David laghami Joseph sasü küsükhave no ache.

Luke 1:34

Mary no kungumi vilo pi, “Ni ye akimi küha keghi kishino tishi luni kea?”

Luke 1:36

Julo, no bolomi khuu vilo anuhau ipiche keno Elizabeth hughi ateasü shiu cheke lono anu mishipu luve no hi aqhi akütsüghou lo cheni.

John 1:34

I no ithulu no nongu vilo ashepe shitsü anike hi no Alhou Nue.”

John 1:49

Nathanael no pa khochile, “Rabbi, no ye Alhou Nu! No ye Israel Kükaue!”

John 20:31

ikemu hipaqo yepüa keu ye nongu pelo Jisü ye Khristo, Alhou Nu, kepi pülülu peniye, eno pülülu keu vecheo Pa je lono aküxü apeniye ke.

Apostolmi 8:36

Pama no wuche kelo azü ake-a lo ighi, eno shoko huno pi, “Julo, azü hi ani! I no baptiz shinike kiuala no I lakha kepu anio?”

Rommi 1:4

kemu Pa lolo akimthe nguagha akeu kiqilou ye Pa no akithi lono xüthughive keu vecheo aküka lo akeu Alhou Nu shi penike shuphetsü keno, ni Mpeu Jisü Khristo ghili huke.

Galatiami 2:20

Ni ye Khristo gholono yedavae. I lolo xüakeu ye ni kumovae, ikemu Khristo no I lolo xüani. Eno itehi I no ashi lo xüakeu ye Alhou Nu, khuu no I kimiye no I ghenguno pa ampi tsüve keno, pa gholo aküpülü vecheo xüani.

Ephesiami 2:3

ningu kümtsü ghuthu lakhi loye tipaqo gholo pitipüza ashi pulou shiche, aphimpi eno akükümsü no mine keu ghakiqipu shiche, eno ashi lomi toi ningu lhoaye no aloghu puni keu tianuli shi ache.

IBRIMI 4:15

Kughengu ningu ye ni kutokumo vetha tsümlani keu chinetou anike kumoe, ikemu alaghi kümtsü lono ningu toi ghükeju kemu axine shipüamo keu chinetou anie.