LESHELE 96:10 - Sumi Naga CL (Re-edited) Bible (BSI)

¹⁰ Shiyeqo vilo pilo, “Ampeu no ayepe ani! Iyei, ayeghiqha ye mtotoi ani eno khilemu ithavemo nani; Pa no achipiu xakütha pesü timiqo shou küghatha nani.”

BAIBEL (BSI)

¹⁰ Ashiayeh kumtsu vilo piwolo, “AMPEU ye akukau! ayeghiye mutotoi pa-alo shope puani eno kughutha mlake; AMPEU no achipiu xakutha pesu timiqo shou kughatha nani.”

LESHELE 96:10 Iomraidhean Croise

LESHELE 126:2

Kunuvüqai keu no ni kichi chhitoive, eno ni kichi lo alokivi ghügha no chhitoi ke; tileno shiyeqo dolono ishi pi, “Ampeu no pano ghenguno thime kije shive tsüae.”

LESHELE 18:49

O Ampeu, shiyeqo gholo hi ghenguno I no O sheqheni, eno O je sheqhe ale pheni.

LESHELE 46:10

“Iqüghai lo, eno Ni ye Alhou kepi ithilo. Shiyeqo gholo I je süqhe nani, ayeghi lo I je süqhe nani!”

LESHELE 46:6

Shiyeqo no aloghu ide ani, kükaqhaqo ikiqivae; Pa no Pa sütsa sheshu, ayeghi no mlaghubeive.

LESHELE 58:11

Timiqo no pi nani, “Mtsüqheino amikuchomi ghenguno asaxü ani; mtsüqheino ayeghi shou xaküthau Alhou ani.”

LESHELE 59:13

aloghu no panoqo küzüve lo; panongu no kühave moke kutolo khonha luvelo, tishikeu lono ayeghi shekichi kutolo panongu no Alhou ye Jacob shou ayepe cheni kepi ithi nani.

LESHELE 67:4

Shiye kümtsü no alovi eno alokiqi shi ale phe pelo, kughengu Nono ashiayeqo aqhemi shi xakütha tsü cheni eno ayeghi lo shiyeqo la kichetsü cheni.

LESHELE 7:9

O amikucho Lhou, khuu akükümsü eno amlo lheju cheni keno, kixikilami kümla lhoksa kishekhave tsülo, eno amikuchomi xaqhe tsülo.

LESHELE 9:8

Pa no achipiu mikucho pesü ayeghiqha küghatha cheni; Pa no müzüchoi timiqo shou küghatha cheni.

LESHELE 9:9

Ampeu ye qhasüpe akemi ghenguno sükusho-a ke, aküpüna ghuloki lo sükusho-a lakhie.

LESHELE 93:1

Ampeu no ayepe ani; Pa ye kükanguagha phi pepu ani; Ampeu ye chijeboike phi pepu ani; Pa ye akumto pesü Pa pokha shiluvae. Iyei, ayeghiqha ye iqhikumto püani; ti ye khilemu ithamoe.

LESHELE 96:13

Ampeu zülo alephe nani, kughengu Pa no ayeghi shou küghathabe nike cheni. Pa no achipiu mikucho lono ayeghiqha shou eno Paw pükhükulu vecheo timiqo shou küghatha nani.

LESHELE 98:9

Ampeu zülo ale phepe lo, kughengu Pa ye ayeghiqha shou küghathabe nike ighi ani. Pa no achipiu mikucho pesü ayeghiqha shou eno aghibiu lono timiqo shou küghatha nani.

ISAIAH 49:8

Ampeu no ishi piani: “I no ado achipi lono nongu khochile tsüke; xakulupu tsalani I no nongu kuphuke; I no nongu khe eno süsho nani, nongu vecheo timi kümtsü sasü puloshoqhi shinani; eno pighive keu yeghi pesü amheghi shi tsüchile nani.

ISAIAH 52:7

Naghutoqo kathasü asütsa kivi pesü ighikeu pukhu ye kiutoi juvi kelae, pa no alakishi peighi ke, eno alokivi sütsa peighi ke, pa no Zion vilo ishi pi, “O Lhou no ayepe ani.”

DANIEL 2:44

Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

MALAKI 1:14

Pishikiqhiu khuu no ambeloji lo atsü lakhi akeu pesü mllani kepi tushoqhive no tukutiye akeu pesü Ampeu lau agha shini keno pa ye angusüpue. Kughengu Akükau akijeu ye Ni ke, aqokitikhi Mpeu no pi, eno shiyeqo dolo I je sümsa nani.

MATTHEW 3:2

“Xaidelo, kughengu kungugha yekipe ye kupunuvae.”

Apostolmi 17:31

kughengu Pa no timi lakhi kishe püakeu vecheo amikucho lono ayeghiqha shou küghathabe nike atsala kihithavae; eno hi ye shinani pütsae pikeu shi Pa no timi hu akithi lono xüputhue.”

Galatiami 1:16

Pa no I pelo Jewkumomi gholo Pa ghili pikülha peniye Pa Nu I lau pephe piyeni keu pulove kelo, paikhavi lo ni ye timi khuu vilomu kighinikile moe;

Kolosiami 2:7

pa gholo akuhu qüsü no shiqhe pukulo, eno nongu shikave ketoi aküpülü shikumto luno shikimthikütsü no qochili alo.

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

Piyeküsü 19:11

Tithiu kungugha khaqhi keu I no ithulu, eno julo, khurshi kimiye lakhi cheghi! Tipau shou iqa cheghi keu je ye Pükhükulu eno Kuchou, eno pa ye achipiu-mikucho lono küghathabe eno aghüshi chekemi.

Piyeküsü 19:6

Tile I no aqokitikhi sütsa toike lakhi chilu, ti ye azüghi kuloghi ghügha toi eno tsütsüküsü ghügha toi igha pi, “Hallelujah! Kughengu Ampeu ni Lhou Akughushuu huno ayepe anie.