LESHELE 94:4 - Sumi Naga CL (Re-edited) Bible (BSI)

⁴ Panongu no pano qheküza tsa piqhi; kixikilami kümtsü no qhezae.

BAIBEL (BSI)

⁴ Khitotohi ghikiqhimino qheza anani kya? eno pano lhoksalo qhezalaki anani kya?

LESHELE 94:4 Iomraidhean Croise

JOB 20:5

Kixikilami lokivi ye ado ikholo, Alhou kümthami mlokiqi ye asüchedo lakhi likhie.

LESHELE 125:5

Ikemu khunono chighichilai keu laghi lo wuveni keno Ampeu no kixikilami gholo haphe puwuve cheni! Israel shou aloino keu apelo!

LESHELE 140:3

Apighi toi panongu mili ye tsüghaminhei ke, eno pano kichi ye tuopighi tüghü toike.

LESHELE 31:18

Kimkimi kichi no jukünatha ghi amikuchomi thogha eno aqheküza shi atsa pichekeu pimlave pelo.

LESHELE 52:1

O akumtou, kushiye alhoksa lono qheza cheni kea? Alhouw iqemokeu kikimiye ye atsala kupuju acheni.

LESHELE 59:12

Panoqo kichi lo axine, amtsü lo atsa akeu ghenguno pano pelo pano qheküza lo kitimeve pelo. Ghukusho ngo akimki panongu no pike ghenguno,

LESHELE 59:7

Panongu ye hule ani, pano kichi lono ghubolei igha ani panoqo mütsü lo azütakikihi ani— kughengu panongu no kümsü, “Khuu no ni tsa chiluni kea?”

AHOLE 30:14

Khami ye ahu no azütakikihi eno azütachi toi xijope ayeghi lono kumlhomi ngo aveküsami tsüchuve niye pükapütsa cheni.

JEREMIYA 18:18

Tile panongu no pi, “Ighilo, ningu Jeremiah shou kuchughuni, kughengu achinemi launo ayezah shiküka tavemo nani, alokütsümi launo mijekütsü eno tungkupmi launo atsa pühave monani. Ighilo, ningu amili pesü pa leni eno pa no kiukiu pinamu ini moni.”

DANIEL 7:11

“Akibo no atsa pi akeu sütsa kije ghenguno I no ju kelo tüghashi hu ye ghiqhive, tipa phimpi ye kütsave no ami lono pitive penike tsüve.

DANIEL 7:25

Pa no Shishe Akiqheu lachile keu tsa pi nani, eno Shishe Akiqheuw akimthemi ghimeqhi nani, ado ngo ayezah kiliveni keu kughu nani; eno panoqo ye atüqhüdo, atüqhüdoqo eno atüqhüdo tüxa ghenguno pa u lo süvetsü nani.

DANIEL 7:8

I no akibo ju akeloye tipaqo dolono itaghi akibo kitila aghulo lakhi ipeghi, tipau züu akibo küthü ye akuhu-aghü lono tujopheve tsü. Eno julo, timi nhethi toi akibo hipau lo anhethi ae, eno akichi ghi ae, tino shishe aqheküza tsa piae.

DANIEL 8:11

Akibo no aqokitikhi gholo Kükapuu toi kije shive. Eno tsalakipe kipti kümllagho Pa launo pewuve, eno Pa kimthe-a kütsave tsü.

MATTHEW 12:24

Ikemu kughou Phariseemi no ti chilu keno, panongu no pi, “Timi hipau no tüghami haphelu akeu ye tüghami yepetou Beelzebul vecheo likhino ke.”

MATTHEW 12:34

Nongu apighitiqo! Nongu ye küsaküghami ke kishino akivi tsa piluni kea? Kughengu amlo alou kupukuno shi akeu akichi no piphe cheni.

SAMUEL ATUGHIU 2:3

Aqheküza shi atsa pi akevilo, nongu kichi lo akumchho tsa ipeghipe kevilo; kughengu Ampeu ye akighithi Lhou ke, Pa vecheo akümla kümtsü huju cheni.