LESHELE 94:1 - Sumi Naga CL (Re-edited) Bible (BSI)

¹ O Ampeu, amkhükulu Lhou; O amkhükulu Lhou, yepüvü tsü lo!

BAIBEL (BSI)

¹ O AMPEU, noye aghime tsu chekeu Lhou lakhie;

LESHELE 94:1 Iomraidhean Croise

KUKAMI AKINIU 9:7

No ye Ahab o mpeu kibolomi heqhive masae, tishikeu lono Jezebel no pithive keqo I qemi tungkupmi ngo Ampeu qemi kümtsü ghenguno I no amkhü lunie.

LESHELE 50:2

Jukivi kupukülai keu Zion lono Alhou no yepüvü ani.

LESHELE 80:1

Akini kugho puwo tsülo, O Israel kheu, Nono ambe loji saphe keshi Joseph shiaye saphe lo! No, Cherubim chishibo shou iqa ngo achekeu, aküvü yepüvü lo.

ISAIAH 35:4

Amlo süsüshi akemi vilo pilo, “Akumto shilo eno msa kevilo! Julo, nongu Lhou no tsüchile kepu, amkhükulu pesü ighi nani. Pa no ighi no nongu xalu nani.”

ISAIAH 59:17

Pa ye achipiu-mikucho no pa mlaküxa shike, eno tino paw xakulupu yikütsükuqho shike; eno pa no amkhükulu no pa phimini shike, eno minemighei keu no aphi toi pa küzüpu ke.

JEREMIYA 50:28

“Asütsa lakhi! Ampeu ni Lhou no Pa chineki ghenguno amkhü luniye akeu Zion lono sheshu nike panongu no Babylon lono pokasü wuvae.

JEREMIYA 51:56

kughengu ghikiqhiu ye Babylon shou ikughivae; li ghüshimiqo ye leluvae, pano süzüqo hechhe pinyivae, kughengu Ampeu ye lochile chekeu Lhoue, Pa ye mtsüqheino lochile nani.

JEREMIYA 51:6

“Babylon lono povelo; pütüta küxü ghenguno polulo! Babylon xine ghenguno nongu pithive ape kevilo, kughengu hi ye Ampeu mkhükulu süchedo, eno Pa no li lochile anike.

NAHUM 1:2

Ampeu ye anhekushu eno amkhükulu Lhou; amkhükulu eno axukighideu; Ampeu no Pa ghümi shou amkhü lu eno panoqo sala aloghu püa cheni.

Rommi 12:19

Kimiye chekemiqo, khilemu nonguu no amkhü luve kevilo, ikemu ti ye Alhou loghu lau picheve tsülo, kughengu hitoi yepüani, “Amkhükulu ye Iw ke, I no tsüchile nani ipi Ampeu no pi.”

ZAKINIU 32:35

Amkhükulu ye Iw ke I no tsüchile nani, panongu pukhu no nekipheni keu do ye kupunuvae, Panow küsakusho tsala ye kupunuvae, eno pühaveni keu tsala ye pai ighive nani.’

2 Thes. 1:8

Pa no amiküqü pesü Alhou mtha kemi eno ni Mpeu Jisü tsakiviu gholumo kemi shou amkhülu nani.

IBRIMI 10:30

Kughengu khuu no, “I no amkhülu nani; I no lochile nani,” eno itaghi, “Ampeu no Paw timi shou küghatha nani,” ipi keno, ningu no Pa ithi ani.