LESHELE 90:1 - Sumi Naga CL (Re-edited) Bible (BSI)

¹ Ampeu, tiqheli kümtsü lo No ye ni kungo-a ke.

BAIBEL (BSI)

¹ O AMPEU, noye pulhapujulo nino ngo chekeu ake.

LESHELE 90:1 Iomraidhean Croise

KUKAMI ATUGHIU 13:1

Ampeu tsa vecheo Judah lono Alhou timi lakhi Bethel lo ighi. Jeroboam ye akümlla-khache lo akümllagho tsüniye puthugho ae.

LESHELE 71:3

I ghenguno sükusho tuqu shitsü lo, tipau lau I no alhokuthu ighini, Nono I xalu peniye azah tsüvae, kughengu No ye I tuqu eno I sükusho liwo ke.

LESHELE 89:1

I no alholo Ampeuw iqemokeu kikimiye le pheni; O pükhükulu ghili tiqheli kümtsü lo I kichi lono sheshuni.

LESHELE 91:1

Khuu no Shishe Akiqheuw sükusho lo acheni keno pa ye Akughushuu kicheqho lo cheche nani.

LESHELE 91:9

Kughengu nono Ampeu, Shishe Akiqheu, khuu I küghütshü-a keno Pa pesü o kungo-a shiluve ke—

ISAIAH 8:14

Pa ye akimthe-a, ikemu Israel ngo Judah ghenguno küpxa kepu tu, apukhu küpsüpu tuqu ghike, eno Jerusalem lo küami ghenguno alichhe lakhie.

EZEKEL 11:16

Tighenguno pilo, ‘Ampeu no ishi piani: I no putou shiyeqo gholo panongu puwuve na, aghakhuqo lo panoqo kutholeve puwuve namu itaghi aghakhu khilehi panongu no wuve keno tilau ghi Ni ye panoqo lau achineki lakhi shi achenie.’

HABAKUK 1:12

O Ampeu I Lhou, Iw Akimtheu, No ye pülhapuju acheni kekumo kea? Ningu ye thimo nani. O Ampeu, Nono küghatha nike panoqo süsüe, O Atuqu, Nono sakiyini ye panoqo puthuphe ke.

John 6:56

Khunono I shi chuni eno I ji shoni keno I gholo xüküqhape ani eno I no pa gholo xüküqhape ani.

ZAKINIU 33:1

Kükümgha hipaqo ye Alhou timi Moses no thivenike zülono Israelmi shou pipuku tsüke.

ZAKINIU 33:27

Lhokta Lhou no o kungo-a ke, Paw pülhapuju u no o puqhe acheni. Pa no o zülono o ghümi haphe no picheni, ‘Kütsave lo.’

1 Tim. 6:11

Ikemu, no Alhou timi, no ye hipaqo lono polulo. No ye amikucho, Alhou sükümsa, aküpülü, kikimiye, ithamokeu, akümtsha püzülo.

1 John 4:16

Ikehu Alhou no ni ghenguno kikimiye kije akeu ningu no ithitoi luno pülübe luvae. Alhou ye kimiyekiniu ke, khunono kikimiye lo acheni keno Alhou lau kimepe ani eno Alhou no pa sasü kimepe ani.