LESHELE 9:1 - Sumi Naga CL (Re-edited) Bible (BSI)

¹ I mlo kuchopu pesü I no Ampeu lau shikimthi tsüni; I no Ow akümzapu kümlaqo kümtsü kihikitheni.

BAIBEL (BSI)

¹ Imlo kuchopu pe osheni O AMPEU, Okumzapu kumla kumtsu ino pitsuni.

LESHELE 9:1 Iomraidhean Croise

YEKIKITHI ATUGHIU 16:12

O Israel kughuko Alhou qemi, Jacob laghami, Paw kishekipheqo, Paw akümzapu eno mzamghalei keu kümla eno küghakütha tsa kümtsü kümsülu lo!

YEKIKITHI ATUGHIU 16:24

Shiyeqo gholo Pa jekipi shuphe tsülo, ashiayeqo gholo Pa kughushu kümlaqo shuphelo!

LESHELE 106:2

Khuu no Ampeuw akümzapu kümlaqo pilu, momu Paw shekiqhe asheshu khakulupu kea?

LESHELE 111:1

Ampeu sheqhelo! Amikuchomi loji hoho lono I no I mlo kümtsü pesü shikimthi keu Ampeu tsüni.

LESHELE 138:1

O Ampeu, I mlo kuchopu pesü I no O shikimthini; alhouqo zülono I no O shekiqhe le phe ani.

LESHELE 26:7

asütsa kije lono shikimthikütsü sheshu ani, eno Ow kümzapu kümla kümtsü pitsü ani.

LESHELE 51:15

O Ampeu, I mütsü xükho tsülo, eno I kichi lono O shekiqhe sheshuni.

LESHELE 7:17

Ampeu mikucho ghenguno I no shikimthi tsüni, eno I no Shishe Akiqheu Mpeu lau shekiqhe le pheni.

LESHELE 86:12

O Ampeu I Lhou, I mlo kuchopu no shikimthi keu O tsüni eno alholo O je sheni.

LESHELE 9:14

tishianguno I no Ow shekiqhe kümtsü kümsü luni, Zion limi khagho lono I no Ow xakulu lono alovini.

ISAIAH 12:1

Tipa tsala lo nono ishi pi nani: “I no O shikimthini, O Ampeu, kughengu Nono I jupe amloide anamu, I lokughuno tsüniye O mlokighide taveke.

ISAIAH 43:21

Timi tipaqo ye I no I sala shi lhophe keqo, tishianguno panongu pelo I sheqhe shipili peniye ke.”

ISAIAH 60:6

Sayeshi loji kitikhi no nongu küzüluve nani, Midian ngo Ephah lo sayeshi tiqo, eno Sheba lono ighikha nani. Tipaqo lono ameshoyi ngo tsüngqüikeu ta xapu ighi nani, eno Ampeu shekiqhe, alokivi sütsa süghi nani.

Luke 10:27

Timi huno khochile, “O mlo kuchopu, o ngulho kuchopu, o kumto kümtsü, eno o kükümsü kümtsü pesü Ampeu o Lhou kimiye lo, eno o likhi o toi o kisüghüu kimiye lo.”

IBRIMI 13:15

Jisü vecheo ningu tamono Alhou lau shekiqhe ghakishi tsüni nolo, ti ye akichi lono pa je piphe tsüni keue.

Piyeküsü 15:3

Panongu no Alhou qeu Moses ngo Ambeti shikipili le ishi phe, “O kümla ye kije eno akümzapue, O Ampeu Alhou Akughushuu! O laghi ye achipi eno kuchoue, O shiyeqo shou Akükau!