LESHELE 78:12 - Sumi Naga CL (Re-edited) Bible (BSI)

¹² Egypt yeghi lo, Zoan luza lo Pa no pano puasüqo nhethe lono akümzapu mlae.

BAIBEL (BSI)

¹² Panongu puasuno jukuto akelo, Alhou no akumzapu kumla shike, tiye Zoan qa eno Ijip yeghi lono ke.

LESHELE 78:12 Iomraidhean Croise

BOTHUBO 32:3

Jacob no pa züuno Edom ghakhu lo Seir yeghi lo pa mu Esau lau atsapemi puwu,

KUKAMI AKINIU 17:7

Hipaqo shikeu ye Israelmi no Ampeu pano Lhou, khuu no Egypt yeghi lo Pharaoh u lono panongu sasü ipeghi keno, Pa zülo axine shive no alhou kütauqo mllauve,

NEHEMIA 9:10

Pharaoh ngo pa qemi kümsü eno paw timi kümtsü shou amchipu ngo akümzapu kümla mlae, kughengu panongu no ni puasüqo shou qheza keu Nono ithi ae. Tilauno Nono O je shikeu ishi kutolo anie.

LESHELE 106:22

Ham yeghi lo akichiqhipu kümla shi eno Akuhu Züghi lo akümzapu kümlaqo mla keno Pa kümsümave ke.

LESHELE 135:9

O Egypt, nongu lau Pa no Pharaoh eno pa qemi kümtsü lachile ghi amchipu ngo akümzapuqo puwu ke;

IPEKULU 7:1

Ampeu no Moses vilo pi, “Julo, I no o pesü Pharaoh zülo Alhou toi shive tsüae, eno o mu Aaron no ow tungkupu shi nani.

ISAIAH 19:11

Zoan sakiphemi ye mbomzümie; Pharaoh mijekütsümi alokütsüu no anikha kükütsü tsücheni. Nongu ye kishino Pharaoh vilo, “Ni ye alokütsüu nu, khaghi kükami papemi nue” ipiluni kea?

ISAIAH 19:13

Zoan yepemi ye aghüzü shivae, Memphis tomi ye pishiqhivae; khunoqo no Egyptmi ghütsüghi shi ani keno tipaqo no li sabidevae.

EZEKEL 30:14

I no Pathros pighive nani eno Zoan lo ami süvetsü nani, Thebes shou küghatha nani.

AKIKIHI 13:22

Tipa züuno panongu no Negeb lo iqhove no Hebron lo ighi. Tile Anak kughukomi Ahiman, Sheshai eno Talmai laghami no küghüna acheghi. (Hebron ye Egypt lo Zoan nguno ampe tsüni züuno aphughi shiveke,)

ZAKINIU 4:34

Momu khuno lhou no pekuju, amchipu, akümzapu kümla eno aghüshi vecheo Pa u kumto pesü kümsapu kümla pephe, eno Paw shiniye shiye dolono shiye kishephe kea? Hi kümtsü Ampeu nongu Lhou no Egypt lo nongu nhethe lono shike kumo?

ZAKINIU 6:22

Ampeu no ni nhethe lono Egypt lo Pharaoh ngo paw yepemi shou amchipu ngo akümzapu kümla kije ngo aküighüpu pephe.

JOSHUA 9:9

Panongu no pa vilo pi, “Ningu ye aghakhu kushuo lono cheni, kughengu ningu ye no Lhou Ampeu ghili chiluvae. Pa no Egypt lo kiu shikeno ti kuchopu chiluvae,