LESHELE 77:2 - Sumi Naga CL (Re-edited) Bible (BSI)

² I veküsa tsala lo I no Ampeu phuwue; I no qeive mono puthotsü I u sükhope inikhue; I ngulho no alokughuno shinike mili auve.

BAIBEL (BSI)

² Shiluksa ghulokilo ino AMPEU lau inikhuke; puthotsu iu peqhepe pa lau akighini shike, ikemu niye alokughuno phumlake.

LESHELE 77:2 Iomraidhean Croise

BOTHUBO 32:28

Tile pa no pi, “O je ye Jacob kumoae, ikemu Israel ipi kuniae, kughengu nono Alhou eno timi sasü kumjo no toluvae.”

BOTHUBO 37:35

Pa tianuliqo no pa lokughuno tsüniye shi kemu pa no ti milive no pi, “Moe, ni ye mloqasü Kithigha lo I nu lau wuve niae.” Ikehu pa pu no pa ghenguno mloqae.

YEKIKITHI AKINIU 6:28

“Tsala aghakhu lo püqümiye ighi momu asa-agha, amülhü kushu no axaboqo fupithi, momu tülhaqu, aninga, momu aghümi no pano phughi khagho lono khasü luve, momu püsa eno aküsü kiukiu ighimu,

JOB 11:13

“Nono o mlo kutope aghi aye, no ye Alhou lau o u chhopuwo nani.

LESHELE 18:6

I mlo kighishi lono I no Ampeu kue; I Lhou lau I no akukuphu ghenguno ighamkue. Pa chineki lono Pa no I sütsa chilu tsü, Pa no I küqa chiluve tsüae.

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

LESHELE 55:17

Avela, inaqhe eno puchomghü lo I no muchho eno aghuju shi igha, eno Pa no I sütsa chilu tsüe.

LESHELE 63:6

I no I züa lono O kümsülu, eno putho mta lo O lau kümsüputho acheni;

LESHELE 86:7

I veküsa tsala lo I no O kue, kughengu Nono I khochile tsü cheni.

AHOLE 18:14

Timi lolo xünishi keu kupulo no küsükini puqhelu cheni, ikemu anguagha chunudave aye khuu no puqhe luni kea?

ISAIAH 26:16

O Ampeu, Ow timiqo ye aveküsa lono O phucheni, kughou Nono pano sakiyi keno panoqo no itamjui O lau inikhu.

ISAIAH 26:9

Putho lo I ngulho no O laju cheni; I lolo no müamzü O phu cheni. Kughou ayeghi lo Ow küghakütha ighini keno, tile akemi no achipiu mikucho shikalu nani.

JEREMIYA 31:15

Ampeu no ishi piani: “Ramah lo asütsa chilu, akumlo eno kukhukimji küqa. Rachel no li tianuliqo ghenguno qa ani; alovekughuno tsüni keu milivae, kughengu panongu ye kühavae.”

HOSIYA 5:13

Ephraim no pa küsü ithulu kelo Judah no pa ghüzaku ithulu kelo, Ephraim no Assyria lau akukuphu, akükau akijeu lau khu puwu. Ikemu pa ye o shipivi mla momu o ghüzaku shipivi tsümlae.

HOSIYA 6:1

“Ighilo, ningu Ampeu lau idewoni; Pa no ningu ghüzave kehu Pa no shipivi tsü penie; Pa no ni hekuluqhi ke ningu zaku khavetsü nani.

John 11:31

Kughou aki lo Mary lokughuno tsü akeqo Jewmi no li no mtazü ithu khalau ipeve keu ithulu keno, panongu no li ye akumoki lono qaniye wucheni küghashi kümsüve no li papewu.

IBRIMI 5:7

Jisü no ayeghi lo ache kelo aghügha kuloghi eno anhezü kipiji pesü Alhou khuu no akithi lono pa xalu nani keno, Pa vilo khuche, eno pa lolo sükümsa akeu ghenguno ikhilu tsüche.