LESHELE 74:2 - Sumi Naga CL (Re-edited) Bible (BSI)

² Ow timi, Nono khaghi no qhüluve keqo, O mheghi shiaye shiniye qhüchile luve keqo kümsülu lo! Zion toghi, khile Nono ache keno ti kümsülu lo.

BAIBEL (BSI)

² Owu timi, khipaqo nono kha-ghino kisheluve akeno tipaqo kumsululo, khunoqo timi quaxe shiakelono owu timi muqo shipeniye saipe ghikeqo kumsululo. Zion toghi, ghuthu lakhiye nono tile achekehu kumsululo.

LESHELE 74:2 Iomraidhean Croise

LESHELE 106:40

Tithiu Ampeu mlokighide ye Paw timiqo shou iqü ipeghive, eno Pa no Pa mheghi jumithive;

LESHELE 135:4

Kughengu Ampeu no Pa salashi Jacob kisheluke, Israel pesü Pa mheghi shike.

LESHELE 33:12

Khuno shiye Lhou no Ampeu keno alokivipue, Pa no khuno pesü Pa mheghi shi kisheve akeno alokivipue!

LESHELE 68:16

Alhou no Paw timi kungo-a shipenike kümsü akeu naghuto shou, iyei, Ampeu no tile alholo acheni, O atoghi kutomo akeu naghuto, kushiye no ye kimthikile ti ju ani kea?

LESHELE 77:15

O küka vecheo Nono Jacob ngo Joseph nuli Ow timiqo qhüchile lue.

LESHELE 9:11

Ampeu, Zion lo kükalakhü lo iqa akeu lau shekiqhe le phelo! Ashiayeqo vilo Pa kümla pilo!

LESHELE 9:12

Kughengu Pa ye amkhü kulumi kümsüma chemoe; Pa ye aghime shi akemi küqa kümsümave chemoe.

LESHELE 94:14

Kughengu Ampeu ye Paw timi phevemo nani Pa ye Pa mheghi qhivemo nani;

IPEKULU 15:13

“Nono qhüchilelu keqo Ow iqemokeu kikimiye lono saphe ke; O küka lono Nono O kimthe kungo-a lo panoqo saighie.

IPEKULU 15:16

O Ampeu, Ow timiqo no heche wumoke kutolo, Nono qhüluve keqo no kathasü wulu moke kutolo, akümsa ngo aküighüpu no panoqo shou ikughie; O u kumto ghenguno panongu ye atuqu toi inaqhoivae.

ISAIAH 51:11

Ampeu no xachilelu kemi ye ideighive nani eno Zion lo ale phesü ighi nani; Panongu ye pülhapuju alokivi shiche nani; panongu ye alokiqi eno alokivi ithuluve nani, eno amloküsa ngo amlo ghime ye pano launo wuve nani.

ISAIAH 62:12

Panongu ye Akimthemi ipi ku nani; eno Ampeu no xachile luve kemi ipi ku nani; eno nongu pesü Alhou no Phuche kemi, eno Qhivemokeu Mishighüna ipi ku nani.

ISAIAH 62:6

O Jerusalem, o liwoqo lo, I no aghukhemi qhivae; putho pucho panongu ye khilemu inaqhoive mo nani. Nongu khunoqo Ampeu pelo kümsüchile anipe keno, akulhoqhi kevilo,

ISAIAH 63:17

O Ampeu, No ye kushiye ni pelo O laghi vezüvepe ani, eno kushiye ni mlo shikümkave tsü ani kea? Eno kushiye tishikeu lono ni pelo O sümsa movepe kea? O qemi, O mheghi shiye ghengu likhi nomu ideighi tsülo.

ISAIAH 63:9

Panongu no imeke kümtsü lo, Pa ghi ime ke; eno Paw kungumi no panongu xaluke; Paw kikimiye eno amlo ighiqhiyi keu no panongu xachilelue; Pa no wovekeu tsala lo pülhapuju panoqo süqhe cheke.

JEREMIYA 10:16

Khuu no Jacob Lhou keno Pa ye hipaqo toi moe, kughengu Pa no thime kümtsü kughulho ke, Israel shiaye ye Pa mheghi ke; aqokitikhi MPEU no Pa jeke.

JEREMIYA 51:19

Jacob Lhou ye tipaqo toimoe, kughengu Pa no thokha lhoe, Israel ye Pa mheghi shiaye ke, Pa je ye aqokitikhi MPEU.

Apostolmi 20:28

Nongu ampi jukütsükiyi lo eno Aghungu Kimthe no nongu pesü khunoqo shou jukükütsümi shive akeno, aloji kümtsü jukuto lo. Alhou kukuhou kheu shilo, ti ye Pa no Pa ji pesü qhüluvae.

ZAKINIU 32:9

Ikemu Ampeu saje ye Paw timiqo ke, Jacob no Pa mheghi saje shilue.

ZAKINIU 4:20

Ikemu Ampeu no Pa mheghi shiniye Egypt lo ayi miphoki lono nongu saipeghi no ishi ye nongu ye Paw timi shi anie.

ZAKINIU 9:26

Tile I no Ampeu lau ishi inikhue, ‘O Ampeu Alhou, O mheghi timi, Nono O küka kije lono xachilelu, eno O u no Egypt lono saipeghi keqo kütsave kevilo.

ZAKINIU 9:29

Kughengu hipaqo ye Ow timi eno O mheghi, O küka kumto lono saipeghi keqo ke.’

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,