LESHELE 72:10 - Sumi Naga CL (Re-edited) Bible (BSI)

¹⁰ Tarshish lo kükami eno azüghimkü lo küxümi no sükusho süqha pa tsü pelo; Sheba eno Seba lo kükami pelo agho peighi pelo!

BAIBEL (BSI)

¹⁰ Spain lo akukau ngo zudoyeghilo kukamiqo no agho pewo pa gihu nani; Arabia ngo Ethiopia lo kukami ghi agho pewo pa mlla nani.

LESHELE 72:10 Iomraidhean Croise

BOTHUBO 10:7

Cush nuliqo: Seba, Havilah, Sabtah, Raamah, eno Sabteca. Raamah nuliqo: Sheba ngo Dedan.

KUKAMI ATUGHIU 10:1

Kughou Sheba kükaliu no Solomon jekipi eno Ampeu sasü kütshükime chekeu chilu keno, li no kushokütsü ighikuju tsa pesü pa pejuni ke ighi.

KUKAMI ATUGHIU 10:10

Tishino li no ameshoyi ahu 4,000 shou, tsüngqüikeu mukhu kütsasa eno akughupu tuqo pesü akükau tsü. Sheba kükaliu no Akükau Solomon tsükeu jehi khilemu ithulu püamoe.

KUKAMI ATUGHIU 10:2

Li gholo apapemi kütsasa ighi, sayeshi lono tsüngqüikeu mukhu, ameshoyi kutomo, eno akughupu tu xapu Jerusalem lo ighi no li no amlo lo puchekeu kümtsü Solomon vilo pi.

KUKAMI ATUGHIU 10:25

Ighi kemi kümtsü no agho jeli ghükayi, ameshoyi, aphimini, myrrh thazü, tsüngqüikeu mukhu, khurshi, khurgha, ishi ampe atsütsü pa tsüche.

YEKIKITHI AKINIU 9:21

Kughengu akükau zükiluqo no Hiram qemi gholono Tarshish lo wuche. Ampe aküthükü lo paw Tarshish zükiluqo no ameshoyi, ghükayi, akühahu, ashuki, eno awughidu xapu ighiche.

ESTHER 10:1

Akükau Ahasuerus no ayeghi eno azüghimkü yeghi shou zame beve.

LESHELE 45:12

Tyremi no agho pesü ighi nani, kinimi no o mlo chuniye phuighi nani.

LESHELE 68:29

Jerusalem lo O chineki ghenguno kükami no agho O lau xapughi nani.

LESHELE 68:30

Tüghashi ayeghübo dolo akeqo sakiyi lo, amshitsü loji timi mishiti gholo akeqo sakiyi lo. Khunono asüqha mine cheni keno apukhu no pano qodave lo; khunono aghüshi lo azüvü cheni keno panoqo haleve lo.

ISAIAH 42:10

Ampeu lau ale kithe phelo, ayeghi shekhauno Pa sheqhelo, nongu azüghi lo chekeqo eno tile lhoxü akeqo kümtsü, azüghimkü lo xüküami kümtsü no Pa sheqhelo!

ISAIAH 42:4

Pa no ayeghi lo achipiu xakütha süsü moke kutolo, pa ye angu iqevemo momu aghüthi süvemo nani; eno azüghi mkülo akemi no pa yezah khekulhoshi nani.

ISAIAH 43:3

Kughengu ni ye Ampeu o Lhou, Israel Lhou akimtheu, o Xakuluu ke. I no o xaphe nike Egypt pheve ani; Cush ngo Seba pesü o theli lo tsüve ani.

ISAIAH 43:6

I no ahuumi vilo, Phevelo, ipi nani eno apeumi vilo, Khatha püa kevilo, ipi nani; I nuli putou akeqo saghilo, I ngaqo ayeghi shekhauno saghilo,

ISAIAH 49:7

Ampeu, Israel Lhou Akimtheu eno Xachilekuluu no shishe küthakügha shive keu, shiyeqo no mithi chekeu yepemi qemi vilo ishi piani: “Kükami ngo kükapumi no ithulu no ithughi püzü nongu zülo pishiqho nani; kughengu Ampeu ye pükhükulupu, Israel Lhou Akimtheu no nongu kisheluvae.”

ISAIAH 60:3

Shiyeqo nongu küvü küdau ighi nani, eno nongu tsala kithe ipeche keu küdau kükami no ighi nani.

ISAIAH 60:6

Sayeshi loji kitikhi no nongu küzüluve nani, Midian ngo Ephah lo sayeshi tiqo, eno Sheba lono ighikha nani. Tipaqo lono ameshoyi ngo tsüngqüikeu ta xapu ighi nani, eno Ampeu shekiqhe, alokivi sütsa süghi nani.

ISAIAH 60:9

Kughengu azüghimkü yeghi ye Ni ighini keu laju nani; Tarshish lono zükiluqo paghi ighive nani; Tileno nongu tianuli aghacheu no saighi nani, eno panow ameshoyi ngo ghükayi ghi pesü ighi nani, eno ti ye Israelmiw Akimthe Mpeu je ghenguno saighi nani, kughengu Pa no nongu jukighilepu shive tsüe.

MATTHEW 2:11

Panongu no aki alou ilo anu gholo paza Mary ithulu, tileno panongu no itsaqi pa mlla. Tishino panongu no agho jeli puche keqo ameshoyi, tsüngqüikeu mukhu, eno müsüghüta ikhiphepe pa chhe.