LESHELE 71:9 - Sumi Naga CL (Re-edited) Bible (BSI)

⁹ I no kitemi shive kelo I hapupove kevilo; I kumto hauve kelo I pheve kevilo.

BAIBEL (BSI)

⁹ Itehiye ino kitemi shiveake ipeve kevilo; ino kulhokugho shive ake ghenguno iqhive kevilo.

LESHELE 71:9 Iomraidhean Croise

SAMUEL AKINIU 19:35

Ishi tsala lono ni ye ampe lhotache shi ani. Ni ye kiu no alokiqipu eno kiu no kumo keno kimchi luni keshea? O qeu ye kiu chuni momu kiu shoni keno micheluni keshea? Ni ye itaghi kiptimi eno totimi alephemi sütsa chikulupu keshea? Tishiaye o qeu ye kushiye I mpeu akükau lau amakho alau veqabe tsüni kea?

LESHELE 71:18

Ikehu I no kitemi shive no asa mpave namu O küka pesü ighini keu tiqhelimi vilo sheshulu moke kutolo I pheve kevilo, O Alhou.

LESHELE 73:26

I phiashi eno I mlo ye tomlave luvi, ikemu Alhou no I mlo kumto eno alholo I mheghi ke.

LESHELE 90:10

Ni küxü mpe ye lhotsüni, momu mtotoi aghi namu lhotache; ikeghi aküxü süchedo ye aghime eno aveküsa likhie; paikhavi lono wove cheni, eno ningu ye yewuve cheni.

ISAIAH 46:4

nongu no kitemi shiveke kutolo, I no nongu Lhou; eno nongu no asa mpaveke kutolo, I no tucho nani. I nongu lhoke eno tucho nani; I no nongu xapu eno xalu nani.”

2 Tim. 1:12

tighenguno ni ye ishi aghime shi ani. Ikemu ni ye kujo chemoe, kughengu I no khuu pülü cheni keno ithi ani, eno I no thebei ithi anike kihitha püakeu tsala tomoke kutolo, I lau kiu pichebe püani keno, tipau Pa ye süshope qhinani.

2 Tim. 4:18

Ampeu no alhoksa jeli kümtsü lono I xaphelu nani eno Paw kungugha yekipe lo I sasü ilo nani. Alho lono alholo ajuküvü Pa tsülo! Amen.