LESHELE 7:17 - Sumi Naga CL (Re-edited) Bible (BSI)

¹⁷ Ampeu mikucho ghenguno I no shikimthi tsüni, eno I no Shishe Akiqheu Mpeu lau shekiqhe le pheni.

BAIBEL (BSI)

¹⁷ Ino AMPEU shikimthini kughengu pano achipi lono xathake; AMPEU, shishe Akiqheu je ino sheqhe shipilini.

LESHELE 7:17 Iomraidhean Croise

SAMUEL AKINIU 3:29

Tipau ye Joab kütsü shou eno papu kibolomi shou ikuve peni, eno Joab lagha lo aphighü lo aji pole kemi, apügha kupumi, azütakikihi lono ikiqive kemi kühave pemoni momu ashopa kupukuno shikemi momu azüngü peitha ithi kemi kühave peniu!”

KUKAMI ATUGHIU 2:32

Pa no aji peleve keu Ampeu no pa kütsü lo pukutsü nani, kughengu I pu vilo pimono pa no timi kini, Ner nu Abner Israel ghüshimi zatsüu ngo Jether nu Amasa Judah ghüshimi zatsüu, pa nguno amikuchou eno akiviu pithive tsüe.

ESTHER 9:25

Ikemu kughou no akükau zülo hipa vehu süghi keno, pa no akiye lono azah tsüve, eno Haman no küsakügha kukughu Jewmi shou shiniye shikeu huno pa kütsü shou ikughive, eno pa ngo pa nuliqo ye tshükiqhi-a lono tshüqhi pithi kepu shive.

LESHELE 111:3

Pa kümla ye ajuküvüpu ngo kükanguagha no chhitoi, eno Pa chipiu mikucho ye alhokupuju acheni.

LESHELE 140:10

Amibalu iqü akeu no pano shou ikughi pelo; panoqo ye ami lo vesüve lo, ipeghi mlave kepushi aniba qokutho lo ilove pelo!

LESHELE 145:7

Panongu no o jekipi kivi kümtsü pi nani eno O chipiu mikucho shipili igha nani.

LESHELE 35:28

Tileno I mili no O chipiu mikucho ghili, eno Ow shekiqhe ghili atsala kupuju pini.

LESHELE 51:14

O Alhou, aji pelekeu kipimi lono I xaphe tsülo, O I xakulu Lhou, eno I kichi lono O chipiu mikucho vekipighi shipilini.

LESHELE 9:2

Ni ye O lau alovi eno alokiqi shini; O Shishe Akiqheu, I no O je sheqhe ghi ale pheni.

LESHELE 92:1

Shikimthi keu Ampeu tsükeu ye aloe, O je sheqhe ale phekeu ye aloe, O Shishe Akiqheu;

LESHELE 92:8

ikemu O Ampeu, No ye alholo yepeu ke.

LESHELE 98:2

Ampeu no Paw xakulu ithiluve peke; Pa no shiyeqo zülono Pa chipiu mikucho pepheke.

DANIEL 4:17

Aghime xakütha tsa ye hikujuu yezah lono ke, xakütha ye akimtheu tsa kiqi lono ke, hi kutolo xü akemi no ithi peniye ke, ti ye Shishe Akiqheu huno timi kükaqha shou ayepe acheni, tipau pesü khukhumu Pa no tsüni keu tsü cheni, eno tipau lo timi aqhoumi dolo aqhou süsüve cheni.’

DANIEL 4:25

ike no ye timiqo gholono hapupove nani, eno o kungo-a ye aghasa lo tüghashiqo gholo shive nani. No ye amshitsü lakhi toi atsüni chuuve nani, atsütsü lo tsüzü no o pütsü nani, eno Shishe Akiqheu no timi kükaqha lo ayepe cheni eno tipau pesü khukhumu Pa no pulo keu tsüve chenie pi nono ithi moke kutolo kihiküthado tsüni no o hecheve nani.

DANIEL 4:34

Ado ashekha shive kethiu, ni, Nebuchadnezzar no atsütsü lo I nhethi tsüpuku, eno I kükümsü ye I lau idechile ighive, I no Shishe Akiqheu, khuu pülhapuju xü acheni keno, Pa sheqhe eno agigihu tsü, kughengu Pa yekipeqha ye pülhapuju yekipeqha ke, eno Pa kükaqha ye tiqheli no tiqheli kutolo acheni;

Apostolmi 7:48

Ikeghi tungkupmi no pike toi Shishe Akiqheu ye timi u no shikeu kilo achemoe,

XAKUTHAMI 9:24

tishikeu lono Jerubbaal nuli 70 lau akümla lhoksa shikeu ipeghive peniye ke, eno panongu ji ye pano thiküzüu Abimelek khuu panongu pithive keno pa shou, eno Shechemmi khunono Abimelek shikumto keno, tipaqo shou ghi ikughi peniye ke.

XAKUTHAMI 9:57

Shechem timiqo ghi Alhou no pano xine pesü pano kütsü lo ikughipe, eno Jerubbaal nu Jotham no ghusho püake toi pano shou ikughie.