LESHELE 7:16 - Sumi Naga CL (Re-edited) Bible (BSI)

¹⁶ Paw pishikiqhi no pa kütsü shou ikughi cheni, eno paw ngukangugha no pa boghe shou ikughive cheni.

BAIBEL (BSI)

¹⁶ Panonguno akupuna kuchughukeu huno pano-kutsu shou ide ikughive cheni, eno panono heqhi buqhichekeu huno pano ghuza cheni.

LESHELE 7:16 Iomraidhean Croise

KUKAMI ATUGHIU 2:32

Pa no aji peleve keu Ampeu no pa kütsü lo pukutsü nani, kughengu I pu vilo pimono pa no timi kini, Ner nu Abner Israel ghüshimi zatsüu ngo Jether nu Amasa Judah ghüshimi zatsüu, pa nguno amikuchou eno akiviu pithive tsüe.

KUKAMI ATUGHIU 21:19

Pa vilo pilo, ‘Ampeu no ishi piani, “No ye timi pithive no pa mheghi süxaluve ani keshea?”’ Eno highi pilo, ‘Ampeu no ishi piani: “Atsüqo no Naboth ji mineke-a lono o ji ghi mine nani.”’”

ESTHER 7:10

Tighenguno panongu no Haman no Mordecai ghenguno tshükiqhi-a mla püakeu lono pa tshüqhi pithive. Tithiu no akükau loghu ye iqüve.

ESTHER 9:25

Ikemu kughou no akükau zülo hipa vehu süghi keno, pa no akiye lono azah tsüve, eno Haman no küsakügha kukughu Jewmi shou shiniye shikeu huno pa kütsü shou ikughive, eno pa ngo pa nuliqo ye tshükiqhi-a lono tshüqhi pithi kepu shive.

JOB 4:8

I no ithuluve ketoi, khunono axine hokide cheni eno aküküpna xusüni keno athoshi xolu chenie.

LESHELE 141:10

Küsaküghami pelo pano lichhe lo ikiqi ilove pelo, I pelo aküpüna küha no katha wulu pelo.

LESHELE 35:8

Pa no mtha no akelono kütsakungo pa shou ikughive pelo! Eno pa no alichhe shipüa keu no pa meluve pelo; pa kütsave penike tipau lo ikiqi ilove pelo!

LESHELE 36:12

Alhoksa shiche kemi hule ikiqi ani; panongu ye jiqhivae, ideithughi lumoae.

LESHELE 36:4

Pa lüpa lo akelo pa ye aküküpna kuchughu cheni; pa ye alaghi kivi kumo lo pa ampi kitimepe acheni; pa ye alhoksa milive chemoe.

LESHELE 57:7

O Alhou, I mlo ye ithave moe, I mlo ye ithave moe! I no ale kithe eno ale kungo pheni!

LESHELE 9:16

Ampeu no Paw küghakütha pephe piyevae; küsaküghami ye pano u lo kümla lono kitime luvae.

AHOLE 1:19

Achipikumo lono ala shinishi chekemi laghi ye hitoi ke; alakimne no pa küxü luvetsü cheni.

AHOLE 26:27

Timi kitimeni ke aqo chhukemi ye pau no ikiqi ilove nani, khunono atu tukuluqhini keno pau shou ilu ikughi nani.

YETSAPIU 10:8

Khuu no aqo chhu keno pa no tile ikiqi ilove nani; khuu no akupuwu vexü ilo keno, apighi no mighi nani.

SAMUEL ATUGHIU 23:9

David ye Saul no pa ghüzani ye kuchughu akeu ithive no achineu Abiathar vilo pi, “Achinepu phiküzü hila süghi lo.”

SAMUEL ATUGHIU 26:10

Ampeu xü anike Ampeu no Saul pithive nani, momu pa kithi tsala ighi nani, momu pa ye aghüshiqa lo ilo no thive nani.

SAMUEL ATUGHIU 28:19

Tinguno alau, Ampeu no o gholono Israel ghi pesü Philistiami u lo süvetsü nani, eno thoghiu ye no eno o nuli ye I gholo ighive nani. Ampeu no Israel ghüshimi ghi Philistiami u lo süvetsü nani.”