LESHELE 69:2 - Sumi Naga CL (Re-edited) Bible (BSI)

² Ni ye aniba thonheike-a lo apukhu kinepu kühano ilo cheae; ni ye azükutho lo iloghivae, eno züqozü no I vesüvae.

BAIBEL (BSI)

² Niye anibalo iqe ilochea eno apukhu nekulupu yeghi shicho kuhae; Niye azu kutho kudau ilochae eno azu fukukuchono iputsu qhiveni chea.

LESHELE 69:2 Iomraidhean Croise

JOB 22:11

o pelo ithulu pemo niye aküzü no ke-i o nhaluvae, eno züqozü no no yimivae.

LESHELE 32:6

Tighenguno O phulu kepu do-ghuloki lono Alhou ithi kemi kümtsü no akighini lono O lau ighilu pelo; mtsüqheino lakhamla keu zü kije qoighi kelo tino pa tomo nani.

LESHELE 40:2

Pa no aküighüpu kuthoku lono eno anixoxo lono I sünhephe luno I pukhu pesü atuqu shou ghope qhitsü, eno I nepa mtotoi shitsüe.

JEREMIYA 38:22

Julo, Judah kükau kilo akemi totimi kümtsü sasü Babylon kükauw hiyampemi lau ipeghi nani, panongu no ishi pi nani, “‘Nono pükhükulu küsami no o pishiqhive no o shou toluvae; itehi o pukhu ye aniba lo ilovae, panongu ye o launo wuvae.’

JEREMIYA 38:6

Ikehu panongu no akükau nu Malkhiah tughuko, akhemi bokütha lo akeu lo akighi pesü Jeremiah kighiti süve. Atughuko tipau lo azü kühano aniba likhi, ikehu Jeremiah ye aniba lo ilove.

JONAH 2:6

naghuto kuhu lono ni ye ayeghi qhou iqive, tilau akhaduqo no alholo ghenguno I khathave; ikeghi O Ampeu I Lhou, Nono akuthoku lono I saipeghie.

MATTHEW 7:25

Tsüqhu-tsüghu ighi, atshünazü ighi, eno amülhü no aki tipau lo fupuku, ikemu ti ye atu shou shipüa kehu ikiqi moe.