LESHELE 69:13 - Sumi Naga CL (Re-edited) Bible (BSI)

¹³ Ikemu ni ye O lau I kighini peighi ani, O Ampeu. O Alhou, ikhikulupu dokivi lono Ow iqemokeu kikimiye eno thebei xakulupu akeu lono I khochile tsülo.

BAIBEL (BSI)

¹³ Ikemu ighenguno niye olau inikhuni, O AMPEU; Odo kivi lono ikhochiletsulo, O Alhou. Okikimiye kije ghenguno ikhochile tsulo, kughengu nono xaluni keu piqhi puanike.

LESHELE 69:13 Iomraidhean Croise

BOTHUBO 24:27

eno pi, “I mpeu Abraham Lhou, Ampeu, khuu no Paw iqemokeu kikimiye eno Paw pükhükulu I mpeu launo süchileve mo keno, Pa sheqhelo. I ghengu ye, Ampeu no ala kupuju lo I kiche sasü I mpeu no bolomi kilo süve tsüae.”

ESTHER 5:2

Kughou Kükaliu Esther no küghaki lo puthugho akeu akükau no ithulu keno, pa no li kimiyeqhiyi ithuluve, eno pa no ameshoyi kükaküsü pa u lo pe akeu chhopuwo Esther tsüe. Ikehu Esther no azüu ighi no kükaküsü akümtsü buvetsü.

ESTHER 5:6

Aghulhu thiu panongu no aji sho akelo, akükau no Esther vilo pi, “Nono kümsü pulo akeu ye kiu kea? Tipau o ghenguno shitsüni. Eno nono qhüiniju akeu ye kiu kea? I kükaqha tüxa kutolo shi aghimu, ti shikupu tsü nani.”

ESTHER 7:2

Eno atsala akiniu lo, aghulhu thiu panongu no atsaizü sho akelo, akükau no itaghi Esther vilo pi, “Nono kümsü pulo akeu ye kiu kea, Kükaliu Esther? I no ti o tsü nani. Eno nono qhüiniju akeu ye kiu kea? I kükaqha tüxa kutolomu shikupu tsü nani.”

LESHELE 32:6

Tighenguno O phulu kepu do-ghuloki lono Alhou ithi kemi kümtsü no akighini lono O lau ighilu pelo; mtsüqheino lakhamla keu zü kije qoighi kelo tino pa tomo nani.

LESHELE 51:1

O Alhou, Ow iqemokeu kikimiye vecheo I kimiyekütü tsülo; Ow kikimiye kupukuno shi akeu vecheo I hekibideqo nuxave tsülo.

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

LESHELE 98:3

Pa no Israel kibolomi shou Paw iqemokeu kikimiye eno pükhükulu kümsüchilelue. Ayeghiqha shekichi kümtsü lono ni Lhouw xakulu ithuluvae.

ISAIAH 49:8

Ampeu no ishi piani: “I no ado achipi lono nongu khochile tsüke; xakulupu tsalani I no nongu kuphuke; I no nongu khe eno süsho nani, nongu vecheo timi kümtsü sasü puloshoqhi shinani; eno pighive keu yeghi pesü amheghi shi tsüchile nani.

ISAIAH 55:6

“Ampeu phulu kepushi ake lono, Pa phulu lo; Pa no kupunupe ake lono, Pa kuluve lo.

AKUMLO 3:63

Pano küghüqa eno ithukeu julo; ni ye pano tichepu shianie.

MICAH 7:20

Nono khaghi no ni puasü lau piqhike toi No ye Jacob lau pükhükulupu eno Abraham lau iqemokeu kikimiye piye nani.

Luke 1:72

Tishikeu lono ni puasü lau piqhi püakeu kimiyekini piye, eno Pa kimthe shoqhi kümsüchile luniye ke,

Luke 22:44

Pa no amloiju akehu alau amlo tsüqhiyi inikhu; eno pa tsünhizü no aji toi ayeghi lo ijiqighi.

2 Kor. 6:2

Kughengu Pa no pi ani, “Ikhikulupu ghuloki lono I no nongu sütsa initsü, eno xakulupu tsala lono I no nongu kuphue.” Julo, itehi no ikhikulupu doke; itehi no xakulupu tsalae.

IBRIMI 5:7

Jisü no ayeghi lo ache kelo aghügha kuloghi eno anhezü kipiji pesü Alhou khuu no akithi lono pa xalu nani keno, Pa vilo khuche, eno pa lolo sükümsa akeu ghenguno ikhilu tsüche.

1 Peter 2:23

Kughou Pa pipütha keno Pa ye tipaphi shi ghechilemoe, kughou Pa no imeve keno Pa ye amkhükulu tsa pesü kichimoe, ikemu Pa ampi pesü Khuu no achipishi küghathatsü cheni keno Pa lau kulhuqhive tsüke.

SAMUEL ATUGHIU 25:8

Ow timiqo vilo iniju lo, eno panongu no pi nani. Tighenguno Iw apumiqo lau kikimiye piye tsülo, kughengu ningu ye aghulhu ghuloki lono ighi ani. Kimiyeno o u lo kiu kiumu aghi keu pesü o qemi eno o nu David tsülo.’”