LESHELE 68:4 - Sumi Naga CL (Re-edited) Bible (BSI)

⁴ Alhou lau ale phelo, Pa je shipili ale phelo; khuu asayeqha lo checheni keno Pa lau ale phelo; Pa je ye Ampeu ke; Pa zülo alovilo!

BAIBEL (BSI)

⁴ Alhou shipililo, paje sheqhe shipililo; khungkusu shou ikupuzu chekeu ghenguno alaghi lakhi kutope qhilo. Pajeye AMPEU ke, pa zulo amlo kiqi shilo!

LESHELE 68:4 Iomraidhean Croise

LESHELE 104:3

Pa no azü lo Pa chebo tsükucho ghope qhi; Pa no khüngküsü pesü Paw khurkulu shi; Pa no amülhü chishibo shou iqa no chewu,

LESHELE 16:11

Nono aküxüpu laghi I pelo ithilupe; O zülo alokivi no chhitoi ani; O u ajeu ye pülhapuju alokiqi acheni.

LESHELE 18:10

Pa no cherub shou ikuno yewu; Pa no amülhü chishibo lono yeighi.

LESHELE 5:12

Kughengu Nono amikuchomi kümghatsü cheni, O Ampeu; Nono kikimiye pesü azüto toi pa küzüpe acheni.

LESHELE 66:2

Pa je kipipu shipili lo; ajuküvü shekiqhe Pa tsülo!

LESHELE 66:4

Ayeghiqha kümtsü no O mlla eno O lau shekiqhe le phe; panongu no O je shipili ke.”

LESHELE 67:4

Shiye kümtsü no alovi eno alokiqi shi ale phe pelo, kughengu Nono ashiayeqo aqhemi shi xakütha tsü cheni eno ayeghi lo shiyeqo la kichetsü cheni.

LESHELE 68:33

Mulhou tsütsü lo cheche keu julo, Pa no asütsa, akughushu sütsa puwue.

LESHELE 83:18

tishiaye panongu no O likhi no Ampeu, eno ayeghi kümtsü shou Shishe Akiqheu kepi ithive nani.

LESHELE 97:11

Aküvü no amikuchomi shou yepuku ke, eno amlo kümzümi shou alovi ke.

IPEKULU 3:14

Alhou no Moses vilo pi, “NI YE NI KE.” Eno Pa no pi, “Israelmi vilo hi pilo, ‘NI huno nongu lau I puwu anie.’”

IPEKULU 6:3

Ni ye Akughushu Lhou shi Abraham, Isaac, eno Jacob lau ipeghi, ikemu I je, Ampeu, pesü Ni ye panongu lau kilethi moe.

IPEKULU 6:8

I no Abraham, Isaac, eno Jacob noqo lau tsünie pi tushoqhi püakeu yeghi lo nongu saghi nani. I no tipau amheghi shi nongu tsü nani. Ni ye Ampeu ke.’”

AHOLE 10:28

Amikuchomiw lajupu ye alokivipu süghitsü cheni, ikemu kixikilami no laju chekeu ye hauve nani.

ISAIAH 19:1

Egypt ghenguno pimhelu keu tsape. Julo, Ampeu ye khüngküsü kümthü shou no Egypt lo cheni, Egypt lo ajulhoqo no Pa zülo thüthüshi nani, eno Egyptmi mlo ye hauve nani.

ISAIAH 40:3

Asütsa lakhi no piani: “Ampeu sala yenguyike-a lo alaghila kutolo; ni Lhou ghenguno asayeqha lo ala müzüchoi shitsülo.

ISAIAH 62:10

Kathawu lo, khagho kathawu lo; timiqo ghenguno alaghi kutolo, shiqhelo, aghüzü laghi shiqhelo; tile atuqo ikhivelo; amchipu timiqo shou süqhelo.

ZAKINIU 33:26

“O Jeshurun, Alhou toike khumu kühae, Pa no kükanguagha lono atsütsü kathasü o kuphu nike cheni.