LESHELE 64:4 - Sumi Naga CL (Re-edited) Bible (BSI)

⁴ ghüthepe ngo püzü akipimi kükühami lau kapuwo ke, züleno eno msa mono kapuwo pa veke.

BAIBEL (BSI)

⁴ Panonguye akukujo kuhakeu tsa pesu papashi chheha cheni; panonguno ichi ighukeu kuhano timi kivimi kutsave nike miji acheni.

LESHELE 64:4 Iomraidhean Croise

SAMUEL AKINIU 15:14

David no Jerusalem lo pa gholo akemi aqemi kümtsü vilo pi, “Ithulo, ningu povenie, tikumo aye ningu ye Absalom launo pomlave nani. Mtazü povelo, tikumo aye pa no ningu shou kütsakungo keu süghi no azütakikihi kütsügha no aphughi kütsave nosae.”

NEHEMIA 4:11

Eno ni ghümi no pi, “Nino panongu dolo iloghi no pithive püzü akümla lakhave tsü moke kutolo, panongu ye ningu ithimo nani momu ithulumo nani.”

LESHELE 11:2

kughengu kixikilami no shexilika piqe luvae; shexilika kighi lo pano piji piqepe ngovae;

LESHELE 55:19

Mulho lono kükalakhü lo iqa chekeu Lhou no chilu no panoqo shikuchunive nani, kughengu panongu ye kili chemo eno Alhou sümsa chemoe.

LESHELE 55:22

O makho pesü Ampeu lau qhitsülo, eno Pa no o püxü tsü nani; Pa ye khilemu amikuchomi pelo ithave peni keu za tsümo nani.

LESHELE 57:5

O Alhou, kungugha shou O je süqhe lo! Ayeghiqha kümtsü lo O juküvü alupe lo!

LESHELE 64:7

Ikemu Alhou no Pa piji kapuwo panoqo veke; panongu ye züleno izavae.

HABAKUK 3:14

Tuqhouno kumlhomi pishiqhini ye alovi ake toi, khuu no I haleveni ye miyitsü toi ighi keno, Nono pa piji pesü paw ghüshimiqo kütsü lo chhesüve tsüe.

John 19:6

Kughou achinetomi ngo kijemiqo no pa ithulu keno, panongu no ighamku pi, “Pa yedavelo, pa yedavelo!” Pilate no panoqo vilo pi, “Ni ye pa shou akipimi phumla ke nongu kutoshino pa sawo yedavelo.”

SAMUEL ATUGHIU 18:11

“I no atozü lo David chhedaveni,” ipi pa no kümsü no angu chhepuwu kemu David no ghuthu kini kutolo tsüghüve.

SAMUEL ATUGHIU 19:10

Saul no angupa pesü atozü lo David chheda niye shi kemu pa no Saul launo tsüghüve, eno angupa ye atozü lo chhe pukuve. David ye tipaji ghi pojo luve.