LESHELE 53:5 - Sumi Naga CL (Re-edited) Bible (BSI)

⁵ Panongu ye thüghüi kepu küha keu-a lo shishe thüghüipe ani! Kughengu Alhou no o ghümi saghi kutholeve tsüae; nono panoqo shikujovae, kughengu Alhou no pano milive.

BAIBEL (BSI)

⁵ Ikemu panonguye thughuyi musave nani, tikithipu kumsapuye shimphike, kughengu Alhou no pa ghumi saghi kutholevetsu nani. Israilmino panoqo haleve nani, kughengu Alhou no pa ghumi kileqhiveke.

LESHELE 53:5 Iomraidhean Croise

JOB 15:21

Pa kini lo thüghüi keu sütsa acheni, alokughuno shi akelono shiküpsami no pa shou leighive cheni.

LESHELE 14:5

Panongu ye shithüghüi keu kije lo ani, kughengu Alhou ye achipiu shikemi tiqheli gholo ani.

LESHELE 141:7

Milakhi no ayeghi chhu eno hokide aketoi, ningu saghi pesü Kithigha kichi lo kuthole süve nani.

LESHELE 2:4

Atsütsü lo iqa akeu huno junu ani; Ampeu no panoqo jukünatha ani.

LESHELE 35:26

Khunono I mhekiqi lo alovi akeno pano pelo akukujo lo ilove eno aghüthisüve pelo! Khunono I lachile ghi pano ampi sheqhe cheni keno akukujo eno küthakügha phimini pepu pelo!

LESHELE 35:4

I küxü phu chekemi pelo akukujo eno agigihu küha keu lo ilove pelo! Khunono I shou kixikila kuchughu ani keno pano pelo idechile wove no aghüthi süve pelo!

LESHELE 40:14

Khunono I küxü pühave tsüniye phucheni keno akukujo lo ilove no aghüthisüve pelo; khunono I ghüza nike azüküvüshi acheni keno, pano hachileve no akukujopu lo ilove pelo.

LESHELE 73:20

Timi no asamo pumo ake lono idathughi keshi, O Ampeu, kughou Nono ithughini keno, panoqo ye hauve nani.

AHOLE 28:1

Kixikilami ye khunomu pa hamo keghi pove cheni, ikemu kuchomi ye abongshuu toi amlo kumto shicheni.

JEREMIYA 49:15

Julo, shiyeqo dolo I no o pesü aghulo shive tsüni, timi kümtsü no thogha peni.

JEREMIYA 6:30

Panongu pesü kileve keu ghükayi ipi kue; kughengu Ampeu no pano milive ke.”

AKUMLO 2:6

Pa no aghutu toi Pa pushonha, kuposhukulu-a kütsalevae; Ampeu no Zion pelo tiqhetini ngo Sabbath kümsümavepe, eno Pa mlo kighide lono akükau ngo achineu milivae.

EZEKEL 6:5

I no Israelmi sükumo pesü pano julhoqo zülo ghope qhitsü nani, eno I no nongu saghi pesü now akiptia homxa ghi kuthole nani.

ACHINE 26:17

I no nongu mjochile nani, no ghümi nongu theqhive nani. No jumithi kemi no nongu shou ayepe nani, eno khunomu hachemo keghi nongu ye kuhapo nani.

ACHINE 26:36

No ghümi yeghi lono I no nongu xüakemi mlo shikulotive tsünani. Asü nipa fupe chekeu sütsa no panongu shikümsa azütakikihi zülo poche keshi kuha nani, eno khumu hachemo keghi iluqi nani.

SAMUEL ATUGHIU 14:15

Tile kichimamai keu no aghazü lo, aluza lo, eno timiqo gholo ighive. Ghüshimi mqo eno akilemi ghi thüthüshi, ayeghi no ithauve, eno tino shishe kichimamaive.