LESHELE 45:8 - Sumi Naga CL (Re-edited) Bible (BSI)

⁸ Ow chijeboike phi ye myrrh, aloe, eno cassia xono chhitoi. Akühaghi no ananu shikeu kighiki lo akighilebo no o lopivi tsüe;

BAIBEL (BSI)

⁸ Ophimini kumtsu mur-xo ngo aloi xono tsungqui anike. Akuhahu pesu ananu shikeu akighikilo alejomino olopivitsuke.

LESHELE 45:8 Iomraidhean Croise

KUKAMI ATUGHIU 22:39

Ahab kümla kütau, pa no akühahu ki shikeu, mishighüna shiqhe keqo ye Israel Kükami Yekikithi Kaku lo yepüani ke kumo keshea?

LESHELE 11:7

Kughengu Ampeu ye amikuchoe; Pa no amikucho kümla kimiye cheni; amikuchomi no Pa gi ithulu nani.

LESHELE 150:4

Bombo pesü eno akighilhe lono Pa sheqhelo; akighilebo ngo fulili pesü Pa sheqhelo.

LESHELE 16:11

Nono aküxüpu laghi I pelo ithilupe; O zülo alokivi no chhitoi ani; O u ajeu ye pülhapuju alokiqi acheni.

LESHELE 45:15

Panongu no akükau kighiki lo iloghi kelo alokivi eno alokiqi lono panongu sasü iloe.

ALE KIMCHI 1:13

I qhuu ye I kichhi dolo müsüghüta xinipu akeu huke.

ALE KIMCHI 1:3

o philo axokütsüngü ye tsüngqüi; o je ye axokütsüngü thazü münalu akeshie; tighenguno ililhotheqo no o kimiye cheni.

ALE KIMCHI 3:6

Asayeqha lono amchhi kupho toi, lhidimi u lo tsüngqüikeu mukhu müsüghüta eno tsüngqüikeu ta no phochighi akeshi iqhoche keu ye khuu kea?

ALE KIMCHI 4:6

Inaqhe mülhü ighi moke kutolo eno aküzü hauve moke kutolo, ni ye müsüghüta naghuto eno tsüngqüikeu mukhu toghi lo wuve niae.

ALE KIMCHI 5:1

I chepu, Iw külaliu, ni ye I ghutu lo ighivae, jumghaikeu mukhu ngo müsüghüta pekütsüvae, akhi kütsü gholono akhingozü chuvae, atsaizü ngo akichhizü yevae. Aküsamiqo, chusho lo eno kikimiye shomzü alo!

ALE KIMCHI 5:13

Pa gimuchu ye axokütsüngü tsünibo ghutu toi mülüi ke. Pa mütsü ye lapu xamunu no axokütsüngü kighiji keue.

ALE KIMCHI 5:5

I no I qhuu khaqhi süniye ithu, I u loba lono müsüghüta thazü no iji ghi ahukikha küpta lo I u be.

AMUS 3:15

I no süsü ki gholono mütsü ki ghi kütsave tsü nani, akühahu ki kuboleve tsü eno akighiki xaleqhive tsü nani,” ipi Ampeu no shuphe.

MATTHEW 2:11

Panongu no aki alou ilo anu gholo paza Mary ithulu, tileno panongu no itsaqi pa mlla. Tishino panongu no agho jeli puche keqo ameshoyi, tsüngqüikeu mukhu, eno müsüghüta ikhiphepe pa chhe.

John 14:2

I Pu kilo akungo-a kutomo ani. Tishimo aye Ni ye nongu vilo I no wuno nongu ghenguno a-a kuto tsünie piniche keshea?

John 19:39

Püzüu putho lono Jisü lau ighikeu Nicodemus ghi tsüngqüikeu ta ngo aloe kitekungo keu gram 320 toike pesü ighi.

IBRIMI 12:2

Ni küpülü hukuthuu eno kupukülai kütsüu Jisü lau juni. Pa zülo alokivipu qhitsü keu jupe pa ye kros lo thinikeu kujomza moe, eno itehi ye Alhou kükalakhü ajeu iqa ani.