LESHELE 39:1 - Sumi Naga CL (Re-edited) Bible (BSI)

¹ I no pi, “Ni ye I laghi jukutoni, tishiaye I mili pesü axine shimo nani; kixikilami no I zülo ake tivilo ni ye I kichi kujukha luveni.”

BAIBEL (BSI)

¹ Ino pi, “Ino kiu kiu shinamu kutokupui nicheni eno imili pesu axine shini chemoe; Timi lhoksami zulo niye kiumu pini chemoe.”

LESHELE 39:1 Iomraidhean Croise

KUKAMI ATUGHIU 2:4

eno Ampeu no I ghenguno pikeu tsa shikupulu nani, ‘O nuli no pano kümla lo kutokupui shino I zülo amlo kümtsü, angulho kümtsü süno cheche aye, no ye Israel kükalakhü lo iqani keu timi püqümo nani.’

KUKAMI AKINIU 10:31

Ikemu Jehu ye tsaqütsalei Ampeu, Israel Lhou yezah lono checheni keu shimove. Pa ye Jeroboam xine khikhi no Israel pelo axine shivepe keno, tipau lono tsüghü move.

YEKIKITHI ATUGHIU 16:41

Panongu gholo Heman ngo Jeduthun eno kütami khunoqo pesü akimchi shi kishephe no aje shuphetsü keno, tipaqo ghi küqhano Ampeu sheqhe peni keu shi, kughengu Paw iqemokeu kikimiye ye alholo acheni ke.

JOB 2:10

Ikemu pa no li vilo pi, “No ye mbomzümi totimi tsapi toi pi ani. Ningu ye Alhou launo akivi likhi luno alhoksa ye lumoveni keshea?” Hi kümtsü lo Job ye pa kichi lono axine tsa pimoe.

LESHELE 119:9

Lhothemi lakhi ye kishino pa laghi mqhamqhilu nani kea? O tsa kiqi lono pa laghi jukuto keu vecheo ke.

LESHELE 12:4

“Ningu mili vecheo nino toluve nani, ni kichi no ni gholo ani; ni shou ampeu ye khuu kea?”

LESHELE 141:3

I kichi khekuto tsülo, O Ampeu; I mütsü kikha jukuto tsülo!

LESHELE 34:13

Alhoksa lono nongu mili eno pishikiqhi tsapi lono nongu kichi süchile luvelo.

LESHELE 62:1

I ngulho no iqüghai Alhou likhi ngokhe acheni; Pa launo Iw xakulu ighi cheni.

LESHELE 77:1

I no Alhou lau ighamku, Alhou lau ighamku, Pa no chilutsü nani.

AHOLE 18:21

Akithi eno aküxü ye amili küka shou ani, ti peitha chekemi no kivi-küsa kiqi lono axathi xochu nani.

AHOLE 21:23

Khunono akichi ngo amili kütsü kiyi cheni keno aküküpna lono pojolu cheni.

AMUS 5:13

Tighenguno ado titoi kelo alokütsümi ye inaqhoive cheni, kughengu hi ye alhoksa doke.

Kolosiami 4:5

Ado akiviu peitha no khalaumi zülo alokütsü lono xüpiye lo.

IBRIMI 2:1

Tighenguno ningu no kiu chiluve akeno tipau lo amlo tsüshe masae, tikumo aye ningu ye putosüve nosae.

James 1:26

Khuana no pa ye achineye lo amlokütsümie pi kümsü cheni mu pa mili ghasümo aye, pa ye pa ampi pishiqhi ani, eno pa chineye ye ame kühae.