LESHELE 30:5 - Sumi Naga CL (Re-edited) Bible (BSI)

⁵ Kughengu Pa loghu ye ado ikhonhei ghenguno, eno Pa mlokiqi ye aküxü tivilo ke. Putho lo anhezü piji aghiluvi, ikemu inaqhe no alokivi ighi cheni.

BAIBEL (BSI)

⁵ Pa mlo kighideye ikhonhei ke do ghengunoke, eno pano alokeuye akuxu kupuju ghengunoke. Putholo anhezu piji aghiluvi, ikemu inaqheye alovi ighi cheni,

LESHELE 30:5 Iomraidhean Croise

BOTHUBO 32:24

Eno Jacob ye pa likhi ngove. Eno milakhi no atsala vü ipeghi moke kutolo pa sasü kükhae.

LESHELE 103:17

Ikemu Ampeu sükümsami lau Paw iqemokeu kikimiye ye shekhaha acheni, eno Pa chipiu mikucho ye atianuli lono atilimi kutolo acheni,

LESHELE 103:9

Pa ye alhokuthu sakiyi chemo, Pa ye alholo amloide chemoe.

LESHELE 143:8

I pelo inaqhe Ow iqemokeu kikimiye chilu pelo, kughengu I no O pükhü cheni. I no püla masa keu laghi I pelo ithi pelo, kughengu I no O lau I ngulho süqhe ani.

LESHELE 145:10

Lhoxü kümtsü no shikimthi keu O tsü nani, O Ampeu, eno Ow timi kümtsü no O sheqhe nani!

LESHELE 16:11

Nono aküxüpu laghi I pelo ithilupe; O zülo alokivi no chhitoi ani; O u ajeu ye pülhapuju alokiqi acheni.

LESHELE 46:5

Alhou ye aphughi lo ani; li ye ithamo nani; kughou inaqhe vüipeghi keno Alhou no li kuphutsü nani.

LESHELE 47:7

Kughengu Alhou no ayeghi kümtsü shou Akükau ke; leshele pesü shikipili le phelo!

LESHELE 59:16

Ikemu I no O kükakumto shipili ale pheni; inaqhe I no ighamku Ow iqemokeu kikimiye le pheni. Kughengu No ye I liwo eno I ghime küsa tsala lo sükusho-a lakhi ke.

LESHELE 63:3

Ow iqemokeu kikimiye ye aküxü nguno akiviu kehu, I kichi no O sheqhe nani.

LESHELE 97:12

O nongu amikuchomi, Ampeu lono alovilo, shikimthi keu pesü Pa je kimthe tsülo!

IPEKULU 3:15

Alhou no Moses vilo highi pi, “Israelmi vilo hi pilo, ‘Ampeu, nongu puasü Lhou, Abraham Lhou, Isaac Lhou, eno Jacob Lhou no nongu lau I puwu anie.’ Alholo hi no I je ke, ikehu tiqheli kupuju lo hitoi I kümsülu chelo.

ISAIAH 12:1

Tipa tsala lo nono ishi pi nani: “I no O shikimthini, O Ampeu, kughengu Nono I jupe amloide anamu, I lokughuno tsüniye O mlokighide taveke.

ISAIAH 26:20

Ighilo, Iw timiqo, nongu chebo lo ilove no ahukikha khavelo; Aloghu no hechesü wuve moke kutolo ado hami itshü aghilo.

HOSIYA 6:3

Ningu pükapütsa no Ampeu ithini nolo; Pa ipeghini keu ye tsüküvü toi mtsüqhei ke; tsülü tusho tsütsüghu no ayeghi vapütsü keshi Pa no tsütsüghu toi ni lau ighi nani.”

MATTHEW 5:4

“Khunono mloqa cheni keno akümghapue, kughengu panongu lokughuno tsünani.

2 Kor. 4:17

Kughengu hi ado ikhonhei aghimepu sholu akeu huno ningu ghenguno kiunomu kimghi mla keu lhokta juküvü kutotsü ani,

Piyeküsü 22:1

Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.