LESHELE 30:11 - Sumi Naga CL (Re-edited) Bible (BSI)

¹¹ Nono I mloghime pesü alokivi kighilhe shive tsüe; Nono Iw yeqhiyephi ikhiluve tsü, eno alokivi pesü I puuke,

BAIBEL (BSI)

¹¹ Nono imloksa pesu alokivishi ilhekeu shivetsue; nono imlo ghime xaqhivetsu puzu alokivi pesu ipu-uke.

LESHELE 30:11 Iomraidhean Croise

BOTHUBO 37:35

Pa tianuliqo no pa lokughuno tsüniye shi kemu pa no ti milive no pi, “Moe, ni ye mloqasü Kithigha lo I nu lau wuve niae.” Ikehu pa pu no pa ghenguno mloqae.

BOTHUBO 45:28

Eno Israel no pi, “Tino kughomae; I nu Joseph ye xüaphie. I no wuni eno I no thimphi züuno pa sasü kushoni.”

SAMUEL AKINIU 6:14

David no pa kumto kümtsü süno ilhe.

YEKIKITHI AKINIU 20:12

O ni Lhou, No ye panongu shou xakütha puku tsümo keshea? Kughengu hi aqokitikhi kije ni leniye chekemi zülo ningu ye aküka kühavae. Ningu ye kiu shikepu keno mthavae, ikemu ningu ye O lau ju anie.”

YEKIKITHI AKINIU 20:3

Tileno Jehoshaphat ye msave no pa gi kughope Ampeu phu, eno Judah ghakhu kümtsü no kümvü penike azah tsü.

YEKIKITHI AKINIU 20:9

‘Amhekiqi, azütakikihi, püsa, püqümiye, ningu shou ikughi aye, nino aki hipau zülo eno o zülo puthughoni—kughengu O je ye aki hipau lo ani—eno ni ghime lono O lau ighamku kelo Nono chilu tsüno ni xalu nani.’

NEHEMIA 8:10

Pa no timiqo vilo pi, “Idewolo, achuqupu kivi chulo, akungo tsaizü yelo, eno küha kemi sasü küsaje lo, kughengu atsala hipau ye ni Mpeu lau akimthe shikeu tsala ke. Amloiju kevilo kughengu Ampeu lokivi no nongu kükakumto ke.”

ESTHER 9:22

ti ye Jewmi no aghümi launo akulhoqhilu keu tsala, panongu mloghime pesü alokivi shilu keu, eno amloksa lono akulhokiqhi ithulu keu tsala shi ghi panongu pelo aghulhu eno alokivi shilu, achuqupu pesü kumlhomi lau eno lakhino lakhi lau tsükilelu peniye ke.

LESHELE 149:3

Panoqo pelo ilhe ghi Pa je sheqhe pelo, bombo ngo akighilebo pesü Pa lau alekungo phelo!

LESHELE 150:4

Bombo pesü eno akighilhe lono Pa sheqhelo; akighilebo ngo fulili pesü Pa sheqhelo.

LESHELE 27:7

Kughou I no ighamkuni keno ini tsülo O Ampeu; I küpüqhiyi shi khochile tsülo!

LESHELE 30:5

Kughengu Pa loghu ye ado ikhonhei ghenguno, eno Pa mlokiqi ye aküxü tivilo ke. Putho lo anhezü piji aghiluvi, ikemu inaqhe no alokivi ighi cheni.

LESHELE 4:7

Timi no athi ngo atsaizü kupukuno shi akeu nguno alau Nono I mlo lo alokivi sütsüe.

YETSAPIU 3:4

qa kepu do, eno nu kepu do; mlo kepu do, eno ilhe kepu do;

ISAIAH 25:3

Ikehu ashiaye kumtomi no O je pipitsü nani; ayiküsa shiyeqo no O sümsa nani.

ISAIAH 25:8

Pa no alhokupuju ghenguno akithi munove nani; Ampeu Alhou no kümtsü nhethi lono anhezü isüvetsü nani, eno Paw timiqo kukujopu Pa no ayeghi lono ikhivetsü nani, kughengu Ampeu no pivae.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

JEREMIYA 31:4

I no itaghi o shiqheni, eno o pesü shiqheve nani, O amikuchou Israel! Itaghi nono amqübo ikhipe alokivimi kighilhe shinani.

JEREMIYA 52:33

Ikehu Jehoiachin no akughumi phimini xaqhive, eno tinguno tilau pa ye tsalakipe akükau gholo chusho thuve,

Luke 15:22

Ikemu apu no pa qemiqo vilo pi, ‘Mtazü aphimini akiviu süghi no pa pipelo, pa u lo anguthi sütsü lo, eno pa pukhu lo apukhuqho süpipe lo.

John 16:20

Kuchou no I no nongu vilo piani, ayeghiqha no alovi akelo nongu ye mloqa nani. Nongu ye amloksa no chhitoi nani, ikemu nongu mloküsa ye alokivipu shive nani.

Piyeküsü 21:4

Pa no panongu nhethi lono anhezü kümtsü isüvetsü nani, tile ye akithi ke kumono akumlo, aküqa, eno aghimeu ghi kühave niae, kughengu püzüu thime thaqhü ye wovae.”