LESHELE 26:9 - Sumi Naga CL (Re-edited) Bible (BSI)

⁹ Axinemi eno ajiküxümi gholono I küxü pühave tsü kevilo,

BAIBEL (BSI)

⁹ Axinemi gholono ishipsave kevilo; timi ghikiqhimi gholo ikuxu puka vetsu kevilo.

LESHELE 26:9 Iomraidhean Croise

SAMUEL AKINIU 16:7

Shimei no David ghushoqhi pi, “Ipevelo, ipevelo, no aji küxü, ameküküha timi!

SAMUEL AKINIU 21:1

David ghuloki lo ampe küthü ishokibe püqümiye ighive kehu pa no Ampeu phuighi. Ampeu no pi, “Aji pelekeu kipimi Saul eno pa kibo shou ani, kughengu pa no Gibeonmi pithive ke.”

LESHELE 139:19

O Alhou, Nono küsaküghami ghiqhive tsüke aye lae! O ajiküxümi, I launo chevelo!

LESHELE 51:14

O Alhou, aji pelekeu kipimi lono I xaphe tsülo, O I xakulu Lhou, eno I kichi lono O chipiu mikucho vekipighi shipilini.

LESHELE 55:23

Ikemu O Alhou, kütsakungo keu qo lo Nono panoqo kulusüve nani; ajiküxümi ngo thekuchumi ye pano küxüdo tüxamu xüwo tomo nani. Ikemu ni ye O pükhübe ache nani.

MALAKI 3:18

Tishino achipiu mikuchou ngo küsaküghau dolo, eno I qe chekeu ngo qe chemo keu dolo kiyeqü akeu nongu no ithulu nani.

MATTHEW 24:51

Ampeu huno pa küghape hethapinyi nani, eno keghilishi kemi gholo qhive nani. Tilehi küqa kumlo eno ahu tsüghü bubushi nani.

MATTHEW 25:32

Shiye kümtsü pa zülo hekütsü nani, eno ambekheu no ambe ngo ane kütüta shike toi pa no timiqo lakhino lakhi launo kütüta shitsü nani.

MATTHEW 25:44

Tileno panongu ghi pa khochile nani, ‘Ampeu, kughou no ningu ye nono müzüthi tüghüthi akeu, momu inami shi eno aphikümsa shi akeu, momu küsükini shi eno akughuki lo akeu ithulu no o kuphu move kea?’

MATTHEW 25:46

Panongu ye alho ghimepu lo ilove nani, ikemu achipikaluve keqo ye lhokta küxü lo wu nani.”

SAMUEL ATUGHIU 25:29

Tsala timiqo no o haqhi eno o küxü phuniye shi aye, Ampeu o Lhou no tucho ache keu lono I mpeu küxü ye küxümi gholo küqhape qhitsü nani. Eno o ghümi küxü ye Pa no hevüla kighi lono kihive nani.